ಭೂಕಂಪ ಸಂತ್ರಸ್ಥರಿಗೆ ತನ್ನ ಉಳಿತಾಯ ಹಣ ದಾನ ಮಾಡಿದ 9 ವರ್ಷದ ಬಾಲಕ..!
ಕಳೆದ ವರ್ಷ ಸಂಭವಿಸಿದ್ದ ಭೂಕಂಪದಲ್ಲಿ ಬದುಕುಳಿದ 9 ವರ್ಷದ ಟರ್ಕಿಯ ಬಾಲಕ ತನ್ನ ಸಂಪೂರ್ಣ ಪಿಗ್ಗಿ-ಬ್ಯಾಂಕ್ ಉಳಿತಾಯ ಹಣವನ್ನು ಟರ್ಕಿಯಲ್ಲಿ ಭೂಕಂಪ ಸಂತ್ರಸ್ತರಿಗೆ ನೀಡಿದ್ದಾನೆ.
ಇಸ್ತಾನ್‌ಬುಲ್‌ (ಫೆಬ್ರವರಿ 12, 2023): ಟರ್ಕಿ ಹಾಗೂ ಸಿರಿಯಾದಲ್ಲಿ ಘನಘೋರ ಭೂಕಂಪ ಸಂಭವಿಸಿದೆ. ಇದರಿಂದ ಈವರೆಗೆ ಸುಮಾರು 28 ಸಾವಿರ ಜನರು ಬಲಿಯಾಗಿದ್ದಾರೆ. ರಕ್ಷಣಾ ಕಾರ್ಯಚರಣೆ ಇನ್ನೂ ನಡೆಯುತ್ತಿದ್ದು, ಸಾವಿನ ಸಂಖ್ಯೆ ಮತ್ತಷ್ಟು ಹೆಚ್ಚಲಿದೆ. ಇನ್ನು, ಬದುಕುಳಿದಿರುವ ಜನರು ಸಹ ಅಗತ್ಯ ವಸ್ತುಗಳಿಲ್ಲದೆ ಪರದಾಡುತ್ತಿದ್ದಾರೆ. ಈ ಹಿನ್ನೆಲೆ ಇತರೆ ದೇಶಗಳಿಂದಲೂ ನೆರವು ಬರುತ್ತಿದೆ. ಅದೇ ರೀತಿ, ಟರ್ಕಿಯ ಬಾಲಕನೊಬ್ಬ ತನ್ನ ಉಳಿತಾಯದ ಹಣದಿದ ನೆರವು ನೀಡಿದ್ದಾನೆ ನೋಡಿ..
ಕಳೆದ ವರ್ಷ ಸಂಭವಿಸಿದ್ದ ಭೂಕಂಪದಲ್ಲಿ (Earthquake) ಬದುಕುಳಿದ 9 ವರ್ಷದ ಟರ್ಕಿಯ (Turkey) ಬಾಲಕ (Boy) ತನ್ನ ಸಂಪೂರ್ಣ ಪಿಗ್ಗಿ-ಬ್ಯಾಂಕ್ (Piggy Bank) ಉಳಿತಾಯ ಹಣವನ್ನು (Savings) ಟರ್ಕಿಯಲ್ಲಿ ಭೂಕಂಪ ಸಂತ್ರಸ್ತರಿಗೆ (Earthquake Victims) ನೀಡಿದ್ದಾನೆ. ಭೂಕಂಪವು ಟರ್ಕಿ ಮತ್ತು ಸಿರಿಯಾವನ್ನು (Syria) ಧ್ವಂಸಗೊಳಿಸಿದ್ದು ಮತ್ತು 28,000 ಕ್ಕೂ ಹೆಚ್ಚು ಜನರನ್ನು ಬಲಿ ತೆಗೆದುಕೊಂಡಿದೆ. ಅಲ್ಲದೆ, ಭೂಕಂಪ ಸಂಭವಿಸಿದ ಪ್ರದೇಶಗಳಲ್ಲಿ ಬದುಕುಳಿದ ಸಾವಿರಾರು ಜನರು ನೋವು ಪಡುತ್ತಿದ್ದನ್ನು ನೋಡಿದ 9 ವರ್ಷದ ಬಾಲಕ ಅಲ್ಪರ್ಸ್ಲಾನ್ ಎಫೆ ಡೆಮಿರ್ ಬೇಸರಗೊಂಡಿದ್ದ ಎಂದೂ ತಿಳಿದುಬಂದಿದೆ.
ಇದನ್ನು ಓದಿ: Turkey: 128 ಗಂಟೆ ಕಾಲ ಅವಶೇಷದಡಿ ಸಿಲುಕಿದ್ದ 2 ತಿಂಗಳ ಮಗು ಜೀವಂತವಾಗಿ ಪತ್ತೆ: ಪವಾಡ ಅಂದ್ರೆ ಇದು..!
ನವೆಂಬರ್‌ನಲ್ಲಿ ವಾಯುವ್ಯ ಡಜ್ ಪ್ರಾಂತ್ಯದಲ್ಲಿ 5.9 ತೀವ್ರತೆಯ ಭೂಕಂಪ ಸಂಭವಿಸಿದ ನಂತರ ಚಿಕ್ಕ ಹುಡುಗ ಟರ್ಕಿಯ ವಿಪತ್ತು ಮತ್ತು ತುರ್ತು ನಿರ್ವಹಣಾ ಪ್ರೆಸಿಡೆನ್ಸಿ (ಎಎಫ್‌ಎಡಿ) ಸ್ಥಾಪಿಸಿದ ಟೆಂಟ್‌ಗಳಲ್ಲಿ ಸ್ವಲ್ಪ ಸಮಯದವರೆಗೆ ವಾಸಿಸಬೇಕಾಯಿತು ಎಂದು ಗಲ್ಫ್ ನ್ಯೂಸ್‌ ವರದಿ ಮಾಡಿದೆ. ಈ ಹಿನ್ನೆಲೆ, ಜನರಿಗೆ ಸಹಾಯ ಮಾಡಲು ಬಯಸುವುದಾಗಿ ಅಲ್ಪರ್ಸ್ಲಾನ್ ಎಫೆ ಡೆಮಿರ್ ಮತ್ತು ತನ್ನ ಪಿಗ್ಗಿ ಬ್ಯಾಂಕ್‌ನಲ್ಲಿರುವ ಹಣವನ್ನು ಬದುಕುಳಿದವರಿಗೆ ಕಳುಹಿಸಲು ಬಯಸುತ್ತೇನೆ ಎಂದು ತನ್ನ ತಾಯಿಗೆ ಹೇಳಿದ್ದಾನೆ.
ಅಲ್ಲದೆ, ಹುಡುಗ ಮತ್ತು ಅವನ ತಾಯಿ ಟರ್ಕಿಶ್ ರೆಡ್ ಕ್ರೆಸೆಂಟ್‌ನ ಡಜ್ ಶಾಖೆಗೆ ಭೇಟಿ ನೀಡಿದರು ಮತ್ತು ಆ ಹಣವನ್ನು ಅಧಿಕಾರಿಗಳಿಗೆ ನೀಡಿದ್ದು, ಜತೆಗೆ ಭೂಕಂಪದಲ್ಲಿ ಬದುಕುಳಿದವರಿಗೆ ಬಾಲಕ ಭಾವನಾತ್ಮಕ ಪತ್ರವನ್ನೂ ಬರೆದಿದ್ದಾನೆ.
ಡಜ್‌ನಲ್ಲಿ ಭೂಕಂಪವಾದಾಗ ನಾನು ತುಂಬಾ ಹೆದರುತ್ತಿದ್ದೆ. ಇದೇ ರೀತಿ, ನಮ್ಮ ಅನೇಕ ನಗರಗಳಲ್ಲಿ ಭೂಕಂಪನದ ಬಗ್ಗೆ ಕೇಳಿದಾಗ ನನಗೆ ಅದೇ ಭಯ ಆಯ್ತು. ಅದಕ್ಕಾಗಿಯೇ ನಾನು ನನ್ನ ಹಿರಿಯರು ನೀಡಿದ ಪಾಕೆಟ್ ಮನಿಯನ್ನು ಅಲ್ಲಿರುವ ಮಕ್ಕಳಿಗೆ ಕಳುಹಿಸಲು ನಿರ್ಧರಿಸಿದೆ. ನಾನು ಇಲ್ಲಿ ಚಾಕಲೇಟ್ ಖರೀದಿಸದಿದ್ದರೂ ಪರವಾಗಿಲ್ಲ. ಅಲ್ಲಿನ ಮಕ್ಕಳಿಗೆ ಚಳಿ, ಹಸಿವು ಇರಬಾರದು. ನನ್ನ ಬಟ್ಟೆ ಮತ್ತು ಆಟಿಕೆಗಳನ್ನು ಅಲ್ಲಿನ ಮಕ್ಕಳಿಗೆ ಕಳುಹಿಸುತ್ತೇನೆ ಎಂದೂ ಬಾಲಕ ಬರೆದಿದ್ದಾನೆ.
ಇದನ್ನು ಓದಿ: Turkey Earthquake 104 ಗಂಟೆ ಬಳಿಕ ಮಹಿಳೆ ರಕ್ಷಣೆ, ಆಸ್ಪತ್ರೆ ದಾಖಲಿಸಿದ ಮರುದಿನ ನಿಧನ!
ಹತ್ತಾರು ರಕ್ಷಣಾ ಕಾರ್ಯಕರ್ತರು ಹೆಪ್ಪುಗಟ್ಟುವ ಹವಾಮಾನದ ಹೊರತಾಗಿಯೂ ಕುಸಿದಿರುವ ಕಟ್ಟಡಗಳ ಅವಶೇಷಗಳಡಿಯಲ್ಲಿ ಬದುಕುಳಿದಿರಬಹುದಾದ ಜನರನ್ನು ಹಾಗೂ ಮೃತದೇಹಗಳಿಗಾಗಿ ಹುಡುಕುತ್ತಿದ್ದಾರೆ. ಇನ್ನು, ಇಲ್ಲಿಯ ಹವಾಮಾನ ಸಹಾಯದ ಹತಾಶ ಅಗತ್ಯವಿರುವ ಲಕ್ಷಾಂತರ ಜನರ ದುಃಖವನ್ನು ಹೆಚ್ಚಿಸಿದೆ.
ಈ ಮಧ್ಯೆ, ಭದ್ರತಾ ಆತಂಕಗಳು ಕೆಲವು ಸಹಾಯ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸಲು ಕಾರಣವಾಯಿತು ಮತ್ತು ಟರ್ಕಿಯಲ್ಲಿನ ಭೂಕಂಪದ ನಂತರ ಬಲಿಪಶುಗಳನ್ನು ಲೂಟಿ ಮಾಡಲು ಅಥವಾ ವಂಚಿಸಲು ಪ್ರಯತ್ನಿಸಿದ್ದಕ್ಕಾಗಿ ಈವರೆಗೆ ಡಜನ್‌ಗಟ್ಟಲೆ ಜನರನ್ನು ಬಂಧಿಸಲಾಗಿದೆ ಎಂದು ರಾಜ್ಯ ಮಾಧ್ಯಮಗಳು ತಿಳಿಸಿವೆ.
ಇದನ್ನೂ ಓದಿ: ಟರ್ಕಿ ಭೂಕಂಪ: ಭಾರತದಿಂದ ಸಹಾಯಹಸ್ತ; ದೋಸ್ತ್‌ ಎಂದು ಧನ್ಯವಾದ ಹೇಳಿದ ಟರ್ಕಿ ಸರ್ಕಾರ
ಟರ್ಕಿಯಲ್ಲಿ 24,617 ಮತ್ತು ಸಿರಿಯಾದಲ್ಲಿ 3,574 ಜನರು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ಮತ್ತು ವೈದ್ಯರು ತಿಳಿಸಿದ್ದಾರೆ. ಅಂದರೆ, ಸಾವಿನ ದೃಢಪಡಿಸಿದ ಒಟ್ಟು ಸಂಖ್ಯೆ ಈಗ 28,191 ಆಗಿದೆ ಎಂದು ಎಎಫ್‌ಪಿ ವರದಿ ಮಾಡಿದೆ.
ಇದನ್ನು ಓದಿ: ಟರ್ಕಿ, ಸಿರಿಯಾ ಭೂಕಂಪಕ್ಕೆ ಮೃತರ ಸಂಖ್ಯೆ 11500ಕ್ಕೇರಿಕೆ; 2 ಡಜನ್‌ ದೇಶಗಳಿಂದ ರಕ್ಷಣಾ ಕಾರ್ಯಾಚರಣೆ
