ನವದೆಹಲಿ(ಮಾ,19): ಸದ್ಯ ಪ್ರತಿ ಹೆಜ್ಜೆಗೂ ಸೋಶಿಯಲ್ ಮೀಡಿಯಾ ಸಾಥ್ ಇರಲೇಬೇಕು ಅನ್ನೋ ಪರಿಸ್ಥಿತಿಯಲ್ಲಿದ್ದೇವೆ. ಅಷ್ಟರಮಟ್ಟಿಗೆ ಸೋಶಿಯಲ್ ಮೀಡಿಯಾ ಜನರ ಜೀವನ ಹಾಸುಹೊಕ್ಕಿದೆ. ಆದರೆ ದಿಢೀರ್ ಈ ಸೋಶಿಯಲ್ ಮೀಡಿಯಾ ಕಾರ್ಯನಿರ್ವಹಣೆ ಸ್ಥಗಿತಗೊಂಡರೆ. ಊಹಿಸಲು ಸಾಧ್ಯವಿಲ್ಲ. ಆದರೆ ಇಂದು ಸಂಜೆಯಿಂದ ಫೇಸ್‌ಬುಕ್, ವಾಟ್ಸಾಪ್ ಮತ್ತು ಇನ್‌ಸ್ಟಾಗ್ರಾಮ್ ಸರಿಯಾಗಿ ಕಾರ್ಯನಿರ್ವಹಿಸುತ್ತಿಲ್ಲ.

ಫೇಸ್ಬು​ಕ್‌​ ಜತೆ ಬಳ​ಕೆ​ದಾ​ರ​ರ ಮಾಹಿತಿ ಹಂಚಿಕೆ ಪರಿ​ಶೀ​ಲಿ​ಸಿ: ವಾಟ್ಸಾಪ್‌ಗೆ‌ ಕೇಂದ್ರ ಸೂಚ​ನೆ!

ಸಾಮಾಜಿಕ ಜಾಲತಾಣದ ದೈತ್ಯ ಎಂದೇ ಗುರುತಿಸಿಕೊಂಡಿರುವ ವ್ಯಾಟ್ಸ್‌ಆ್ಯಪ್, ಫೇಸ್‌ಬುಕ್, ಇನ್‌ಸ್ಟಾಗ್ರಾಂ ಸಮಸ್ಯೆ ಎದುರಿಸುತ್ತಿದೆ. ತಡರಾತ್ರಿ 10.55ರ ಹೊತ್ತಿಗೆ ಆನ್‌ಲೈನ್ ಮೂಲಕ ಬಳಕೆದಾರರು ಈ ಸಮಸ್ಯೆಯನ್ನು ವರದಿ ಮಾಡಿದ್ದಾರೆ. 

ದಿಢೀರ್ ಈ ಸಮಸ್ಯೆಗೆ ಕಾರಣವೇನು ಅನ್ನೋದು ಸ್ಪಷ್ಟವಾಗಿಲ್ಲ. ಭಾರತ , ಅಮೆರಿಕ ಸೇರಿದಂತೆ ಹಲವು ರಾಷ್ಟ್ರಗಳಲ್ಲಿ ಈ ಸಮಸ್ಯೆ ಎದರಾಗಿದೆ ಬಳಕೆದಾರರು ದೂರಿದ್ದಾರೆ.