ಫೇಕ್ ಪ್ರೊಫೈಲ್ ಗುರುತಿಸಲು ಹೊಸ ಫೀಚರ್ ಪರಿಚಯಿಸುತ್ತಿದೆ ಲಿಂಕ್ಡ್ಇನ್
*ವೃತ್ತಿಪರರ ಅಡ್ಡಾ ಎನಿಸಿಕೊಂಡಿರುವ ಲಿಂಕ್ಡ್ಇನ್ ವೇದಿಕೆಯಲ್ಲೂ ನಕಲಿ ಪ್ರೊಫೈಲ್ಗಳ ಹಾವಳಿ ಇದೆ
* ಫೇಕ್ ಪ್ರೊಫೈಲ್‌ಗಳಿಂದಾಗುವ ಅಪಾಯವನ್ನು ತಪ್ಪಿಸಲು ಕಂಪನಿಯು ಹೊಸ ಫೀಚರ್ ಪರಿಚಯಿಸುತ್ತಿದೆ
*ಮುಂದಿನ ವಾರದಲ್ಲಿ ಲಿಂಕ್ಡ್ಇನ್ ವೇದಿಕೆಯಲ್ಲಿ ಈ ಹೊಸ ಫೀಚರ್ ಅನ್ನು ಬಳಕೆದಾರರು ಕಾಣಬಹುದು
 )
Followಮೆಟಾ (Meta), ಟ್ವಿಟರ್ (Twitter) ಮತ್ತು ಇತರ ಕಂಪನಿಗಳು ಬಳಕೆದಾರರ ನೆಟ್‌ವರ್ಕಿಂಗ್ ಪ್ಲಾಟ್‌ಫಾರ್ಮ್‌ಗಳನ್ನು ಸುರಕ್ಷಿತವಾಗಿಸಲು ಯಾವಾಗಲೂ ಹೆಚ್ಚಿನ ಪ್ರಯತ್ನಿಸುತ್ತಲೇ ಇರುತ್ತವೆ. ಕಳೆದ ಹಲವಾರು ವರ್ಷಗಳಲ್ಲಿ, ಫೋನಿ ಪ್ರೊಫೈಲ್‌ಗಳು ಮತ್ತು ಸಂಬಂಧಿತ ಸ್ಪ್ಯಾಮಿಂಗ್‌ನಂತಹ ಸಮಸ್ಯೆಗಳು ಗಮನಾರ್ಹವಾಗಿ ಬೆಳೆದಿವೆ. ನಕಲಿ ಬಳಕೆದಾರರನ್ನು ಕಂಡುಹಿಡಿಯುವುದು ಯಾವಾಗಲೂ ಸೋಷಿಯಲ್ ಮೀಡಿಯಾ ವೇದಿಕೆಗಳಿಗೆ ಮತ್ತು ಬಳಕೆದಾರರಿಗೆ ಇದು ಸಮಸ್ಯೆಯನ್ನು ತಂದೊಡ್ಡಿದೆ. ವೃತ್ತಿಪರ ನೆಟ್‌ವರ್ಕಿಂಗ್ ವೆಬ್‌ಸೈಟ್ ಲಿಂಕ್ಡ್ಇನ್ (LinkedIn) ಇದೀಗ ಹೊಸ ಟೂಲ್ ಅನಾವರಣಗೊಳಿಸಿದೆ. ಈ ಟೂಲ್ ಬಳಕೆದಾರರಿಗೆ ನಕಲಿ ಪ್ರೊಫೈಲ್ಗಳನ್ನು ಪತ್ತೆ ಹಚ್ಚುವಲ್ಲಿ ನೆರವು ನೀಡುತ್ತದೆ. ಆ ಮೂಲಕ ಬಳಕೆದಾರರು ಮೋಸ ಹೋಗುವುದನ್ನು ಈ ಫೀಚರ್ ತಪ್ಪಿಸುತ್ತದೆ. ವಾಸ್ತವದಲ್ಲಿ ಈ ರೀತಿಯ ಫೀಚರ್ಸ್ ಬೇರೆ ವೇದಿಕೆಗಳಲ್ಲಿವೆ. ಈಗ ಲಿಂಕ್ಡ್ಇನ್ ವೇದಿಕೆಗೂ ಅದೇ ರೀತಿಯ ಫೀಚರ್ ಪರಿಚಯಿಸಲಾಗಿದೆ. ವೃತ್ತಿಪರರ ಅಡ್ಡಾ ಎನಿಸಿಕೊಂಡಿರುವ ಲಿಂಕ್ಡ್ಇನ್ ವೇದಿಕೆಯಲ್ಲೂ ಇತ್ತೀಚೆಗೆ ಫೇಕ್ ಪ್ರೊಫೈಲ್‌ಗಳು, ಬಳಕೆದಾರರನ್ನು ವಂಚನೆಗೊಳಿಸುವ ಚಟುವಟಿಕೆಗಳು ನಡೆಯುತ್ತಿವೆ. ಹಾಗಾಗಿ, ಕಂಪನಿಯು ಈ ಫೇಕ್ ಪ್ರೊಫೈಲ್ಗಳನ್ನು ಪತ್ತೆ ಹಚ್ಚುವ ಹೊಸ ಫೀಚರ್‌ಗೆ ಮಣೆ ಹಾಕುತ್ತಿದೆ.
Nothing Phone (1) ಭಾರತದಲ್ಲಿ Jio 5G ಬೆಂಬಲಿತ ಮೊದಲ ಫೋನ್
ಲಿಂಕ್ಡ್ಇನ್ ಪರಿಚಯಿಸಿದ ಹೊಸ "About this profile" ವೈಶಿಷ್ಟ್ಯವು ಬಳಕೆದಾರರಿಗೆ ಅವರ ಬಳಕೆದಾರರ ಪ್ರೊಫೈಲ್ಗಳ ಕುರಿತು ಹೆಚ್ಚುವರಿ ಮಾಹಿತಿಗೆ ಪ್ರವೇಶವನ್ನು ಒದಗಿಸುತ್ತದೆ. ಲಿಂಕ್ಡ್ಇನ್ ಕೃತಕ ಬುದ್ಧಿಮತ್ತೆ (AI) ಬಳಸಿಕೊಂಡು ರಚಿತವಾದ ಪ್ರೊಫೈಲ್ ಪ್ರಾಂಪ್ಟ್ಗಳು ಮತ್ತು ಗ್ರಾಫಿಕ್ಸ್ ಅನ್ನು ಬಳಕೆದಾರರಿಗೆ ಸುಲಭವಾಗಿ ಪ್ರೊಫೈಲ್ಗಳನ್ನು ಮೌಲ್ಯಮಾಪನ ಮಾಡಲು ಮತ್ತು ಅವು ಕಾನೂನುಬದ್ಧ ಅಥವಾ ಸ್ಪ್ಯಾಮ್ ಎಂದು ನಿರ್ಧರಿಸಲು ಸಹಕರಿಸುತ್ತದೆ. ಈ ಹೊಸ ಫೀಚರ್, ಬಳಕೆದಾರರ ಪ್ರೊಫೈಲ್ ಅನ್ನು ಯಾವಾಗ ರಚಿಸಲಾಗಿದೆ? ಅದನ್ನು ಕೊನೆಯದಾಗಿ ಯಾವಾಗ ಅಪ್ಡೇಟ್ ಮಾಡಲಾಗಿದೆ? ಎಂಬಿತ್ಯಾದಿ ಹೆಚ್ಚಿನ ಮಾಹಿತಿಯನ್ನು ಒಳಗೊಂಡಂತೆ ಇನ್ನಿತರ ವಿವರಗಳನ್ನು ಬಳಕೆದಾರರಿಗೆ ಪೂರೈಸುತ್ತದೆ. ಆಗ ಬಳಕೆದಾರರು ತಾವು ನೋಡುತ್ತಿರುವ ಪ್ರೊಫೈಲ್ ನಕಲಿಯೋ, ಅಸಲಿಯೋ ಎಂಬುದನ್ನು ಗುರುತಿಸಲು ಸಾಧ್ಯವಾಗುತ್ತದೆ.
ಲಿಂಕ್ಡ್ಇನ್ (LinkedIn) ಬಳಕೆದಾರರು ಉದ್ಯೋಗದ ಇತಿಹಾಸ, ಪ್ರೊಫೈಲ್ ಬದಲಾವಣೆಗಳ ಜೊತೆಗೆ ಇತರ ಸಂಗತಿಗಳನ್ನು ಪರಿಶೀಲಿಸುವ ಮೂಲಕ ಹೊಸ ಫೀಚರ್ ಸಹಾಯದಿಂದ ವಂಚಕರ ಎದುರಾಗಬಹುದಾದ ಸಂಭಾವ್ಯ ಅಪಾಯವನ್ನು ಪರಿಶೀಲಿಸಲು ಸಾಧ್ಯವಾಗುತ್ತದೆ. ಮುಂಬರುವ ವಾರಗಳಲ್ಲಿ, ಲಿಂಕ್ಡ್ಇನ್ ಕಂಪನಿಯು ತನ್ನ ಈ ಹೊಸ ಫೀಚರ್ About this profile ಅನ್ನು ಜಾಗತಿಕವಾಗಿ ಜಾರಿಗೊಳಿಸುತ್ತಿದೆ. ಆ ಮೂಲಕ ಎಲ್ಲ ಬಳಕೆದಾರರಿಗೆ ಈ ಫೀಚರ್ ಲಭ್ಯವಾಗಲಿದೆ. ಮತ್ತು ಅವರು ಈ ಟೂಲ್ ಬಳಸಿಕೊಂಡ ಫೇಕ್ ಪ್ರೊಫೈಲ್ಗಳನ್ನು ಗುರುತಿಸಬಹುದಾಗಿದೆ.
ನೆಟ್‌ವರ್ಕ್ ಅನ್ನು ಸುರಕ್ಷಿತವಾಗಿರಿಸುವ ಪ್ರಮುಖ ಕ್ರಮದಲ್ಲಿ, ಲಿಂಕ್ಡ್ಇನ್ ಈಗ ರಿಪೋರ್ಟ್ ಮಾಡಿದ ಪ್ರೊಫೈಲ್‌ಗಳು ಮತ್ತು ನಕಲಿ ಬಳಕೆದಾರರ ಖಾತೆಗಳನ್ನು ತೆಗೆದುಹಾಕುತ್ತಿದೆ. ಲಿಂಕ್ಡ್ಇನ್ "ಸ್ವಯಂಚಾಲಿತ ರಕ್ಷಣೆಯನ್ನು ಬಳಸಿಕೊಂಡು ಈಗಾಗಲೇ 96% ನಕಲಿ ಖಾತೆಗಳನ್ನು ರದ್ದು ಮಾಡಿದೆ" ಎಂದು ಮಾಧ್ಯಮ ವರದಿಗಳು ತಿಳಿಸಿವೆ. ಖಾತೆಯನ್ನು ಯಾವಾಗ ಆರಂಭಿಸಲಾಗಿದೆ, ಅದನ್ನು ಕೊನೆಯದಾಗಿ ಯಾವಾಗ ನವೀಕರಿಸಲಾಗಿದೆ ಮತ್ತು "About this Profile" ಫೀಚರ್ ಬಳಸಿಕೊಂಡು ಕೆಲಸದ ಇಮೇಲ್ ಅಥವಾ ಫೋನ್ ಸಂಖ್ಯೆಯೊಂದಿಗೆ ಅದನ್ನು ದೃಢೀಕರಿಸಲಾಗಿದೆಯೇ ಎಂಬುದನ್ನು ನೀವು ಕಂಡುಹಿಡಿಯಬಹುದು.
Wikipediaಗೆ ಹೊಸ ಫೀಚರ್ಸ್, ಬಳಕೆದಾರರಿಗೆ ಹೊಸ ಅನುಭವ
ಲಿಂಕ್ಡ್ಇನ್ ಹೊಸ ಕಾರ್ಯನಿರ್ವಹಣೆಯ ಜೊತೆಗೆ ಪರಿಶೀಲನೆ ಆಯ್ಕೆಗಾಗಿ ಪ್ರೇಕ್ಷಕರನ್ನು ವಿಸ್ತರಿಸುತ್ತದೆ. ಕೆಲವು ಲಿಂಕ್ಡ್ಇನ್ ಸದಸ್ಯರು ಮಾತ್ರ ಇದೀಗ ಪರಿಶೀಲನೆ ಟ್ಯಾಗ್ ಅನ್ನು ಹೊಂದಿದ್ದಾರೆ. ಈಗ ಪರಿಚಯಿಸಲಾಗುತ್ತಿರುವ ಹೊಸ ಫೀಚರ್ ಖಂಡಿತವಾಗಿಯೂ ಲಿಂಕ್ಡ್ಇನ್ ಬಳಕೆದಾರರಿಗೆ ಹೆಚ್ಚಿನ ಲಾಭವನ್ನು ತಂದು ಕೊಡಲಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಡುತ್ತಿದ್ದಾರೆ. ಜತೆಗೇ, ವಂಚಕರ ಜಾಲದಿಂದ ತಪ್ಪಿಸಿಕೊಳ್ಳಲು ಇದರಿಂದ ನೆರವಾಗಲಿದೆ ಎಂದು ಹೇಳಬಹುದು.
