KGF Chapter 2: ಮಾರ್ಚ್ 21ಕ್ಕೆ ಯಶ್ ಸಿನಿಮಾದ 'ತೂಫಾನ್' ಸಾಂಗ್ ರಿಲೀಸ್

ಪ್ಯಾನ್ ಇಂಡಿಯಾ ಸ್ಟಾರ್ ಯಶ್‌ (Yash) ಹಾಗೂ ಪ್ರಶಾಂತ್‌ ನೀಲ್‌ (Prashanth Neel) ಕಾಂಬಿನೇಶನ್‌ನ 'ಕೆಜಿಎಫ್‌ 2' (KGF Chapter 2) ಚಿತ್ರದ ಬಿಡುಗಡೆಗೆ ಕ್ಷಣಗಣನೆ ಶುರುವಾಗಿದೆ. ಮೊದಲ ಹಂತವಾಗಿ ಮಾರ್ಚ್ 21ರಂದು ಚಿತ್ರದ 'ತೂಫಾನ್‌' (Toofan) ಹಾಡು ಬಿಡುಗಡೆ ಆಗುತ್ತಿದೆ. ಏಕಕಾಲದಲ್ಲಿ ಐದು ಭಾಷೆಗಳಲ್ಲಿ 'ತೂಫಾನ್‌...' ಲಿರಿಕಲ್‌ ವಿಡಿಯೋ ಹಾಡು ಬಿಡುಗಡೆ ಆಗುತ್ತಿರುವ ಬಗ್ಗೆ ಸಾಕಷ್ಟು ಕ್ರೇಜ್‌ ಹುಟ್ಟಿಕೊಂಡಿದೆ. ಮಾರ್ಚ್ 21ರಂದು ಬೆಳಗ್ಗೆ 11.7ಕ್ಕೆ ಹೊಂಬಾಳೆ ಯೂಟ್ಯೂಬ್‌ ಚಾನಲ್‌ನಲ್ಲಿ ಹಾಡು ಬಿಡುಗಡೆ ಆಗುತ್ತಿದೆ. ಭುವನ್‌ ಗೌಡ ಕ್ಯಾಮೆರಾ, ರವಿ ಬಸ್ರೂರು ಸಂಗೀತ, ವಿಜಯ್‌ ಕಿರಗಂದೂರು ನಿರ್ಮಾಣದ ಈ ಚಿತ್ರ ಏಪ್ರಿಲ್‌ 14ರಂದು ಚಿತ್ರಮಂದಿರಗಳಿಗೆ ಪ್ರವೇಶ ಆಗುತ್ತಿದೆ. 

KGF Chapter 2 ಟ್ರೇಲರ್ ನೋಡಿ ಸೆನ್ಸಾರ್ ಬೋರ್ಡ್ ಹೇಳಿದ್ದೇನು ಗೊತ್ತಾ?

ದೇಶ- ವಿದೇಶಗಳಲ್ಲೂ ಸಿನಿಮಾ ದೊಡ್ಡ ಮಟ್ಟದಲ್ಲಿ ಬಿಡುಗಡೆ ಆಗುತ್ತಿದ್ದು, ಸಿನಿಮಾ ಬಿಡುಗಡೆಯ ಹಿನ್ನೆಲೆಯಲ್ಲಿ ಚಿತ್ರತಂಡ 'ಕೆಜಿಎಫ್‌ 2' ಹವಾ ಹೆಚ್ಚಿಸಲು ಮುಂದಾಗಿದೆ. ಇನ್ನು ನಾನಾ ಕಾರಣಗಳಿಂದಾಗಿ ಈ ಸಿನಿಮಾ ಕುತೂಹಲ ಮೂಡಿಸಿದೆ. ಹಲವು ಭಾಷೆಗಳಲ್ಲಿ ಈ ಚಿತ್ರ ಬಿಡುಗಡೆ ಆಗುತ್ತಿರುವುದರಿಂದ ಅಷ್ಟೂ ಭಾಷೆಗೂ ಸಲ್ಲುವಂತಹ ತಾರಾಗಣವು ಈ ಸಿನಿಮಾದಲ್ಲಿದೆ. ಯಶ್ ನಾಯಕನಾದರೆ, ಶ್ರೀನಿಧಿ ಶೆಟ್ಟಿ ನಾಯಕಿ, ಬಾಲಿವುಡ್ ಖ್ಯಾತ ನಟ ಸಂಜಯ್ ದತ್ ಮತ್ತು  ಪ್ರಕಾಶ್ ರೈ,  ಬಾಲಿವುಡ್ ನಟಿ ರವಿನಾ ಟಂಡನ್ ಸೇರಿದಂತೆ ದೊಡ್ಡ ತಾರಾ ಬಳಗವೇ ಈ ಸಿನಿಮಾದಲ್ಲಿದೆ.

ಸಿನಿಮಾ ಹಂಗಾಮಾ ವೀಡಿಯೋಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ: https://kannada.asianetnews.com/movies