ಅಡುಗೆ ಕೋಣೆ ಹೀಗಿದ್ದರೆ, ಮನೆಯಲ್ಲಿ ಶಾಂತಿ ಅಸಾಧ್ಯ! ನಿಮ್ಮ ಮನೆಯ ಕಿಚನ್ ವಾಸ್ತು ಸರಿಯಿದೆಯೇ?
ಅಡುಗೆ ಕೋಣೆಯು ಮನೆಯಲ್ಲಿ ಸದಾ ಚಟುವಟಿಕೆಯಿಂದಿರುವ ಸ್ಥಳ. ಎಲ್ಲರ ಆರೋಗ್ಯ, ಚೈತನ್ಯಕ್ಕಾಗಿ ಆಹಾರ ತಯಾರಾಗುವ ಸ್ಥಳ. ಇಂಥ ಶಕ್ತಿ ಧಾಮದಲ್ಲಿ ಇರುವ ವಾಸ್ತು ದೋಷವು ಮನೆಯಲ್ಲಿ ನಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತಿರಬಹುದು ಜೋಕೆ!
ಅದೃಷ್ಟ, ಉತ್ತಮ ಆರೋಗ್ಯ ಮತ್ತು ಸಾಮರಸ್ಯವನ್ನು ಆಕರ್ಷಿಸಲು ಮನೆಯನ್ನು ಸ್ವಚ್ಛವಾಗಿ ಮತ್ತು ಜೋಡಣೆಯಿಂದ ಇಟ್ಟುಕೊಳ್ಳುವುದು ಕಡ್ಡಾಯವಾಗಿದೆ. ಮನೆಯ ಪ್ರತಿಯೊಂದು ವಲಯವು ಮುಖ್ಯವಾಗಿದ್ದರೂ, ಅಡುಗೆ ಮನೆ ಹೆಚ್ಚು ಪ್ರಮುಖವಾದದ್ದು. ಮನೆಯ ಎಲ್ಲರಿಗೂ ಶಕ್ತಿ ನೀಡುವ ಆಹಾರ ತಯಾರಿಸುವ ಶಕ್ತಿ ಧಾಮವಾದ ಅಡುಗೆ ಕೋಣೆ ವಿಷಯದಲ್ಲಿ ಹಲವರು ಬಹಳಷ್ಟು ಕಡೆಗಣನೆ ತೋರುತ್ತಾರೆ. ಆದರೆ ಅಡುಗೆ ಕೋಣೆಯ ವಾಸ್ತು(Vastu) ದೋಷಗಳು ಮನೆ ಮಂದಿಯ ಆರೋಗ್ಯ ಹದಗೆಡಲು ಕಾರಣವಾಗುತ್ತದೆ. ಜೊತೆಗೆ ದಂಪತಿಗಳ ನಡುವೆ ಜಗಳ ಹೆಚ್ಚುತ್ತದೆ. ಅಲ್ಲಿ ಉತ್ಪತ್ತಿಯಾಗು ನಕಾರಾತ್ಮಕ ಶಕ್ತಿ(negative energy)ಯು ಇಡೀ ಮನೆಯ ಎಲ್ಲ ಸದಸ್ಯರನ್ನು ಬೇರೆ ಬೇರೆ ರೀತಿಯಲ್ಲಿ ಕಾಡುತ್ತವೆ. ಕೆಲಸಗಳಲ್ಲಿ ಅಡ್ಡಿ ಆತಂಕಗಳು ಹೆಚ್ಚಿ, ಮನಃಶಾಂತಿ ದುರ್ಲಭವಾಗುತ್ತದೆ.
ಅಡುಗೆ ಮನೆಯ ವಾಸ್ತು ವಿಷಯವಾಗಿ ಈ ಕೆಳಗಿನ ಎಂಟು ವಿಷಯಗಳನ್ನು ಗಮನಿಸಿ.
1. ಧನಾತ್ಮಕ ಶಕ್ತಿಯನ್ನು ಖಚಿತಪಡಿಸಿಕೊಳ್ಳಲು ಅಡುಗೆಮನೆಯಲ್ಲಿ ಬಣ್ಣಗಳನ್ನು ಮೃದುವಾದ ಆಹಾರ ಬಣ್ಣಗಳಾದ ಬಿಳಿ, ಕೆನೆ ಹಳದಿ, ಮೃದುವಾದ ಹಸಿರು ಇತ್ಯಾದಿಗಳಿಗೆ ಸೀಮಿತಗೊಳಿಸಿ. ಕೆಂಪು ಮತ್ತು ಕಿತ್ತಳೆಯಂತಹ ಬಲವಾದ ಬಣ್ಣಗಳನ್ನು ಬಳಸಬೇಡಿ.
2. ಅಡುಗೆಮನೆಯಲ್ಲಿ ಪ್ರತಿಫಲಿತ ಗಾಜು(reflective glass) ಮತ್ತು ಕನ್ನಡಿಯನ್ನು ಬಳಸುವುದನ್ನು ತಪ್ಪಿಸಿ. ಇದರಿಂದ ಶಾಖದ ಅಂಶ ಕೂಡಾ ಹೆಚ್ಚಾಗುತ್ತದೆ. ಅದೇ ಕಾರಣಕ್ಕಾಗಿ ಗ್ಯಾಸ್ ಬರ್ನರ್ ಅಥವಾ ಹಾಬ್ ಅನ್ನು ಎದುರಿಸುತ್ತಿರುವ ಗ್ಲಾಸ್ ಖಂಡಿತವಾಗಿಯೂ ಸೂಕ್ತವಲ್ಲ.
Vastu Tips: ಸುಖ, ಸಮೃದ್ಧಿ ಬೇಕೆಂದ್ರೆ ಗಣೇಶ ಮೂರ್ತಿಯನ್ನು ಇಲ್ಲೆಲ್ಲಾ ಇಡ್ಬೇಡಿ
3. ನಿಯಮಿತವಾಗಿ ಅಡುಗೆಮನೆಯನ್ನು ಸ್ವಚ್ಛಗೊಳಿಸಿ. ಸುತ್ತಲೂ ಅಸ್ತವ್ಯಸ್ತತೆ(clutter) ಇದ್ದರೆ, ಅದು ಕೆಟ್ಟ ಆರೋಗ್ಯಕ್ಕೆ ಕಾರಣವಾಗುತ್ತದೆ. ಫ್ರಿಜ್ ಅಥವಾ ಅಡುಗೆಮನೆಯಲ್ಲಿ ಕೊಳೆತ ತರಕಾರಿಗಳು ಮತ್ತು ಅವಧಿ ಮೀರಿದ ಅಥವಾ ಹಳೆಯ ಆಹಾರವನ್ನು ಸಂಗ್ರಹಿಸಿದರೆ ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ.
4. ನಿಮ್ಮ ಗ್ಲಾಸ್‌ಗಳು, ಕಪ್‌ಗಳು ಮತ್ತು ಪ್ಲೇಟ್‌ಗಳಂತಹ ಯಾವುದೇ ಪಾತ್ರೆ ಪಗಡಗಳು ಕೂಡಾ ಒಡೆದಿರಬಾರದು. ಏಕೆಂದರೆ ಒಡೆದ ಪಾತ್ರೆಗಳು(cracked crockery) ದುರದೃಷ್ಟವನ್ನು ತರುತ್ತವೆ. ಅವನ್ನು ಎಸೆಯಿರಿ. ಹಾಗೆಯೇ ಮುರಿದ ಹಿಡಿಕೆಗಳು ಮತ್ತು ಮುಚ್ಚಳಗಳನ್ನು ಹೊಂದಿರುವ ಪ್ಯಾನ್‌ಗಳನ್ನು ಹೊಸದರೊಂದಿಗೆ ಬದಲಾಯಿಸಬೇಕು. ಅವು ನಕಾರಾತ್ಮಕ ಶಕ್ತಿ ಹೆಚ್ಚಿಸುತ್ತವೆ. ಮುರಿದ ಪಾತ್ರೆಗಳನ್ನು ಅತಿಥಿಗಳಿಗೆ ಬಡಿಸಲು ಬಳಸಿದರೆ, ಅದು ಅವರಿಗೂ ದುರದೃಷ್ಟವನ್ನು ತರುತ್ತದೆ.
5. ಅಕ್ಕಿ ಮತ್ತು ಹಿಟ್ಟನ್ನು ಪ್ಲಾಸ್ಟಿಕ್ ಪಾತ್ರೆಗಳ ಬದಲಿಗೆ ಲೋಹದ ಪಾತ್ರೆ(metal containers)ಗಳಲ್ಲಿ ಇಡಬೇಕು. ಲೋಹವು ಸಮೃದ್ಧಿಯನ್ನು ತರುತ್ತದೆ. ಆದರೆ ಪ್ಲಾಸ್ಟಿಕ್‌ನಲ್ಲಿ ಇರಿಸಲಾದ ಆಹಾರವು ತ್ಯಾಜ್ಯದಂತೆ ಕಾಣುತ್ತದೆ ಮತ್ತು ಸಮೃದ್ಧಿಯನ್ನು ಹಿಂತೆಗೆದುಕೊಳ್ಳುತ್ತದೆ.
6. ಸೋರುವ ನಲ್ಲಿ(leaking taps)ಗಳನ್ನು ಸರಿಪಡಿಸಿ. ಏಕೆಂದರೆ ಅವುಗಳು ಸಂಪತ್ತು ಹರಿಯುವಂತೆ ಮಾಡುತ್ತದೆ. ದುಡ್ಡು ಕೈಲಿ ನಿಲ್ಲುವುದಿಲ್ಲ.
7. ಡಸ್ಟ್‌ಬಿನ್‌ಗಳನ್ನು(Dustbins ) ಪ್ರತಿದಿನವೂ ಸ್ವಚ್ಛಗೊಳಿಸಬೇಕು ಮತ್ತು ಅನಾರೋಗ್ಯವನ್ನು ದೂರವಿರಿಸಲು ಅದರ ಮುಚ್ಚಳವನ್ನು ಹಾಕಿಡಬೇಕು. ಡಸ್ಟ್‌ಬಿನ್ ಅನ್ನು ಅಡುಗೆಮನೆಯ ನೈಋತ್ಯ ವಲಯದ ದಕ್ಷಿಣದಲ್ಲಿ ಇರಿಸಲು ಪ್ರಯತ್ನಿಸಿ. ಏಕೆಂದರೆ ಈ ವಲಯವನ್ನು ವಿಲೇವಾರಿ ವಲಯವೆಂದು ಪರಿಗಣಿಸಲಾಗುತ್ತದೆ.
Vastu Tips: ಮನೆಯ ಬಾಗಿಲು, ಕಿಟಕಿ ಹೀಗಿದ್ದರೆ ಜಗಳಗಳು ಜಾಸ್ತಿ!
8. ಅಡುಗೆಮನೆಯ ಸರಿಯಾದ ನಿಯೋಜನೆಯು ಮನೆಯ ಆಗ್ನೇಯ(South East) ವಲಯವಾಗಿದೆ. ಅದು ಸಾಧ್ಯವಾಗದಿದ್ದರೆ, ನೀವು ದಕ್ಷಿಣ, ಪಶ್ಚಿಮ ಮತ್ತು ವಾಯುವ್ಯ ವಲಯದಲ್ಲಿ ಅಡಿಗೆಮನೆ ಹೊಂದಬಹುದು. ಅಡಿಗೆಮನೆ ಉತ್ತರ ದಿಕ್ಕಿನಲ್ಲಿ ಇರಿಸಿದರೆ, ಅದು ವೃತ್ತಿ ಅವಕಾಶಗಳನ್ನು ನಿರ್ಬಂಧಿಸುತ್ತದೆ; ಪೂರ್ವದಲ್ಲಿ, ಅದು ಕೆಟ್ಟ ಆರೋಗ್ಯವನ್ನು ಉಂಟು ಮಾಡುತ್ತದೆ; ಈಶಾನ್ಯದಲ್ಲಿ, ಇದು ಮಾನಸಿಕ ಒತ್ತಡವನ್ನು ಉಂಟು ಮಾಡುತ್ತದೆ ಮತ್ತು ನೈಋತ್ಯ(South West)ದಲ್ಲಿ, ಅದು ಸಂಬಂಧದಲ್ಲಿ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.
