ನಿಶ್ಚಿತಾರ್ಥ ಮಾಡಿಕೊಂಡ 'ಯಾರಿವಳು' ನಟ ಆರವ್, ಹುಡುಗಿ ಯಾರು ಗೊತ್ತಾ.?
ಕಿರುತೆರೆ ನಟ ಆರವ್ ಸೂರ್ಯ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ತಮ್ಮ ಹುಡುಗಿ ಜೊತೆ ಫೋಟೋ ಹಂಚಿಕೊಂಡಿದ್ದಾರೆ.
'ನಂದಿನಿ', 'ಮರಳಿ ಬಂದಳು ಸೀತೆ', 'ಯಾರಿವಳು' ಸೇರಿದಂತೆ ಅನೇಕ ಧಾರಾವಾಹಿಗಳಲ್ಲಿ ಅಭಿನಯಿಸಿರುವ ನಟ ಆರವ್ ಸೂರ್ಯ ಇತ್ತೀಚಿಗೆ ಅದ್ಧೂರಿಯಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಸಂಗಾತಿ ಹೆಸರು ವೈಷ್ಣವಿ ಎಂದು ಅಭಿಮಾನಿಗಳಿಗೆ ಸೋಷಿಯಲ್ ಮೀಡಿಯಾ ಮೂಲಕ ಪರಿಚಯಿಸಿಕೊಟ್ಟಿದ್ದಾರೆ.
'ಹ್ಯಾಪಿಲಿ ಎಂಗೇಜ್ಡ್‌' ಎಂದು ಬರೆದುಕೊಂಡು ಇಬ್ಬರ ಕೈ ಬೆರಳಿನ ಫೋಟೋ ಅಪ್ಲೋಡ್ ಮಾಡಿದ್ದಾರೆ. ಸಂಪ್ರದಾಯದಂತೆ ನಿಶ್ವಿತಾರ್ಥ ಮಾಡಿಕೊಂಡಿರುವ ನವ ಜೋಡಿ ಚರ್ಚ್‌ ಮುಂದೆ ಗೌನ್ ಹಾಗೂ ಸೂಟ್‌ ಧರಿಸಿರುವ ಫೋಟೋ ಶೇರ್ ಮಾಡಿದ್ದಾರೆ. ವೈಷ್ಣವಿ ಯಾರು? ಇದು ಅರೇಂಜ್ಡ್ ಅಥವಾ ಲವ್ ಮ್ಯಾರೇಜ್‌ ಎಂಬುದರ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ. ಆದರೆ ಜೋಡಿ ಮುದ್ದಾಗಿರುವುದನ್ನು ನೋಡಿ ರಚಿತಾ ರಾಮ್‌ ಸಹೋದರಿ ನಿತ್ಯಾ ರಾಮ್‌ 'ಕ್ಯೂಟ್‌ ಪೇರ್‌' ಎಂದು ಕಾಮೆಂಟ್ ಮಾಡಿದ್ದಾರೆ.
ಮದುಮಗಳ ಲಂಗದೊಳಗೆ ನುಗ್ಗಿದ ಸ್ನೇಹಿತರು; ಸತ್ಯ ತಿಳಿಯಲು ಫೋಟೋ ನೋಡಿ!
ಕಿರುತೆರೆಯಲ್ಲಿ ಸಾಕಷ್ಟು ಜನಪ್ರಿಯತೆ ಪಡೆದಿರುವ ಆರವ್ ಸಂಜಯ್ ಪುರಾಣಿಕ್ ಆ್ಯಕ್ಷನ್ ಕಟ್ ಹೇಳಿರುವ ಸಂಧ್ಯಾರಾಗ ಚಿತ್ರದಲ್ಲಿಯೂ ಅಭಿನಯಿಸಿದ್ದಾರೆ. ಮದುವೆ ದಿನಾಂಕ ಯಾವಾಗ, ಎಲ್ಲಿ ಹೇಗೆ ಎಂದೆಲ್ಲಾ ಆರವ್ ಆತ್ಮೀಯರು ಕಾಮೆಂಟ್‌ನಲ್ಲಿ ಕಾಲೆಳೆಯುತ್ತಿದ್ದಾರೆ.
