ಭಾಗ್ಯಳ ರಿಸಲ್ಟ್ ನೋಡಿ ತಾಂಡವ್ ಶಾಕ್- ಖುಷಿಯಲ್ಲಿ ಮೊದಲ ದಿನವೇ ಕೆಲಸಕ್ಕೆ ಅತ್ತೆ-ಸೊಸೆ ಲೇಟ್
ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಭಾಗ್ಯಳ ರಿಸಲ್ಟ್ ನೋಡಿ ತಾಂಡವ್ ಶಾಕ್ ಆಗಿದ್ದಾನೆ. ರಿಸಲ್ಟ್ ಖುಷಿಯಲ್ಲಿ ಅತ್ತೆ-ಸೊಸೆ ಕೆಲಸಕ್ಕೆ ಲೇಟಾಗಿ ಹೋಗುತ್ತಿದ್ದು ಮುಂದೇನಾಗುತ್ತದೆ?
ಭಾಗ್ಯಳ ಎಸ್ಎಸ್ಎಲ್ಸಿ ರಿಸಲ್ಟ್ ಬಂದಿದೆ. ಇವಳು ಫೇಸ್ ಆಗ್ತಾಳೆ ಎಂದುಕೊಂಡಿದ್ದ ತಾಂಡವ್ಗೆ ಶಾಕ್ ಆಗಿದೆ. ರಿಸಲ್ಟ್ ನೋಡಲು ಶಾಲೆಗೆ ಹೊರಟಿದ್ದ ಭಾಗ್ಯಳನ್ನು ಅಣಕಿಸುವ ತಾಂಡವ್, ಆನ್ಲೈನ್ನಲ್ಲಿಯೇ ರಿಸಲ್ಟ್ ನೋಡಬಹುದು ಎಂದು ಹೇಳಿ, ಭಾಗ್ಯಳ ಹಾಲ್ ಟಿಕೆಟ್ ನಂಬರ್ ಪಡೆಯುತ್ತಾನೆ. ಅದಕ್ಕೂ ಮೊದಲು ಆತ ನಿನ್ನ ರಿಸಲ್ಟ್ ನನಗೆ ಗೊತ್ತಿದೆ. ಎಲ್ಲ ವಿಷಯಗಳಲ್ಲಿಯೂ ಫೇಲ್ ಆಗಿರ್ತಿಯಾ ಎಂದು ಕೊಂಕು ಮಾತನಾಡುತ್ತಾನೆ. ಆದರೆ ರಿಸಲ್ಟ್ ನೋಡಿ ಅವನಿಗೆ ಶಾಕ್ ಆಗುತ್ತದೆ, ಎಲ್ಲ ವಿಷಯಗಳಲ್ಲಿಯೂ ಭಾಗ್ಯ ಉತ್ತಮ ಅಂಕ ಪಡೆದುಕೊಂಡಿರುತ್ತಾಳೆ. ತಾಂಡವ್ ಬಿಟ್ಟು ಎಲ್ಲರಿಗೂ ಖುಷಿಯೋ ಖುಷಿ.
ಅದೇ ಇನ್ನೊಂದೆಡೆ, ಭಾಗ್ಯ ಈ ಖುಷಿಯಲ್ಲಿ ಸ್ವೀಟ್ ತಂದು ಎಲ್ಲರಿಗೂ ಹಂಚುತ್ತಾಳೆ. ತಾಂಡವ್ ಮುಖ ಮಾತ್ರ ಇಂಗು ತಿಂದ ಮಂಗನಂತಾಗಿರುತ್ತದೆ. ಅದು ಅತ್ತೆ- ಸೊಸೆ ಇಬ್ಬರಿಗೂ ಮೊದಲ ದಿನದ ಕೆಲಸವಾಗಿರುತ್ತದೆ. ಆದರೆ ರಿಸಲ್ಟ್ ಖುಷಿಯಲ್ಲಿ ಇಬ್ಬರೂ ಮೊದಲ ದಿನವೇ ಲೇಟ್ ಆಗಿ ಹೋಗುತ್ತಾರೆ. ಕುಸುಮಾ ಹೇಳಿ ಕೇಳಿ ಜಬರ್ದಸ್ತ್ ಹೆಂಗಸು. ಹೋಟೆಲ್ ಓನರ್ ಅನ್ನೇ ದಬಾಯಿಸಿ ಲೇಟ್ ಆಗಿರುವುದಕ್ಕೆ ಸಮಜಾಯಿಷಿ ನೀಡಿ ಸೈ ಎನಿಸಿಕೊಳ್ಳುತ್ತಾಳೆ. ಆದರೆ ಭಾಗ್ಯ ಹಾಗಲ್ಲವಲ್ಲ. ಅವಳು ಈ ಪರಿಸ್ಥಿತಿಯನ್ನು ಹೇಗೆ ನಿಭಾಯಿಸುತ್ತಾಳೋ ನೋಡಬೇಕಿದೆ.
ಪ್ರಿಯಾ- ಅಶೋಕ್ ಫಸ್ಟ್ನೈಟ್ ಶೂಟಿಂಗ್ ಹೇಗಿತ್ತು? ವಿಡಿಯೋ ಮೂಲಕ ಫುಲ್ ಡಿಟೇಲ್ಸ್ ನೀಡಿದ ನಟಿ
ಅಷ್ಟಕ್ಕೂ ಅತ್ತೆ- ಸೊಸೆ ಇಬ್ಬರೂ ಅಕ್ಕ ಪಕ್ಕದ ಹೋಟೆಲ್ನಲ್ಲಿಯೇ ಕೆಲಸಕ್ಕೆ ಸೇರಿರುತ್ತಾರೆ. ಆದರೆ ಅದು ಗೊತ್ತಿರುವುದಿಲ್ಲ. ಮನೆಯಲ್ಲಿ ಸುಳ್ಳು ಹೇಳಿ ಹೊರಟಿರುತ್ತಾರೆ. ಕೆಲಸಕ್ಕೆ ಹೊರಡುವ ಮುನ್ನ ಭಾಗ್ಯ ಇಬ್ಬರ ಆಶೀರ್ವಾದ ಪಡೆಯುತ್ತಾಳೆ. ಆದರೆ ದೇವಸ್ಥಾನಕ್ಕೆ ಹೋಗುವುದಾಗಿ ಹೇಳುತ್ತಾಳೆ. ಇಬ್ಬರೂ ಬೆಳಿಗ್ಗೆ ಹೋಗಿ ಸಂಜೆ ಮನೆಗೆ ಬರುವುದನ್ನು ನೋಡುವ ತಾಂಡವ್ ಮತ್ತು ಮನೆಯವರ ಎದುರು ಪರಿಸ್ಥಿತಿ ಹೇಗೆ ನಿಭಾಯಿಸುತ್ತಾರೆ ಈ ಅತ್ತೆ- ಸೊಸೆ ಎನ್ನುವುದು ಮುಂದಿರುವ ಕುತೂಹಲ.
ಸದ್ಯ ಅಂತೂ ಭಾಗ್ಯ ಪರೀಕ್ಷೆ ಪಾಸಾಗಿರುವ ಖುಷಿಯಲ್ಲಿ ಭಾಗ್ಯಲಕ್ಷ್ಮಿ ಫ್ಯಾನ್ಸ್ ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ. ಅದೇ ಇನ್ನೊಂದೆಡೆ ತನ್ವಿ ಕ್ಲಾಸ್ಗೆ ಫಸ್ಟ್ ಬಂದಿರುತ್ತಾಳೆ. ಇವರ ರಿಸಲ್ಟ್ ಬಗ್ಗೆ ಭಾಗ್ಯ ಶ್ರೇಷ್ಠಾ ಮನೆಯಲ್ಲಿರುವ ಪೂಜಾಳಿಗೆ ಕರೆ ಮಾಡಿ ಹೇಳುತ್ತಾಳೆ. ತನ್ನ ಭಾವನ ಸ್ಥಿತಿ ಹೇಗಾಗಿರಬಹುದು ಎಂದು ಅರಿತುಕೊಂಡ ಪೂಜಾ ಅವನಿಗೆ ವಿಡಿಯೋ ಕಾಲ್ ಮಾಡುತ್ತಾಳೆ. ಇಷ್ಟವಿಲ್ಲದಿದ್ದರೂ ಆತ ಫೋನ್ ರಿಸೀವ್ ಮಾಡಿದಾಗ ಪೂಜಾ ಟಾಂಟ್ ಕೊಡುತ್ತಾಳೆ. ಇದರಿಂದ ತಾಂಡವ್ ಕರೆ ಕಟ್ ಮಾಡುತ್ತಾನೆ. ಮುಂದೇನಾಗುತ್ತದೆಯೋ ಕಾದು ನೋಡಬೇಕಿದೆ.
ವಿರಾಟ್-ಅನುಷ್ಕಾ ತಮ್ ಫೋನ್ನಲ್ಲಿ ಪರಸ್ಪರ ಹೆಸ್ರನ್ನು ಹೀಗೆ ಸೇವ್ ಮಾಡಿಕೊಂಡಿದ್ದಾರಂತೆ!
