ಕಮೆಂಟೂ ಕೊಟ್ಟು ದುಡ್ಡುನೂ ಕೊಡ್ತಾರೆ! ಜಾಲತಾಣದಿಂದ ತಿಂಗಳಿಗೆ 40 ಲಕ್ಷ ಗಳಿಸ್ತಾಳೆ 23 ವರ್ಷದ ಈಕೆ!
ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಆಗಿರೋ ಪಾಯಲ್ ತಿಂಗಳಿಗೆ 40 ಲಕ್ಷ ರೂಪಾಯಿ ಸಂಪಾದನೆ ಮಾಡ್ತಾಳಂತೆ. ಅದರ ಬಗ್ಗೆ ಅವಳೇ ಹೇಳಿದ್ದೇನು ಕೇಳಿ...
Followಇಂದು ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಸಂಖ್ಯೆ ಹೆಚ್ಚಾಗುತ್ತಿದೆ. ಯೂಟ್ಯೂಬ್ ಚಾನೆಲ್ ಮಾಡಿರುವವರಿಗಂತೂ ಲೆಕ್ಕವೇ ಇಲ್ಲ. ಇನ್ಸ್ಟಾಗ್ರಾಮ್, ಫೇಸ್ಬುಕ್ಗಳಿಂದಲೂ ಗಳಿಕೆ ಮಾಡುವವರು ಇದ್ದಾರೆ. ಆದರೆ ಅದೃಷ್ಟ ಎಲ್ಲರ ಕೈ ಹಿಡಿಯುವುದಿಲ್ಲವಲ್ಲ. ಹುಚ್ಚುಚ್ಚಾಗಿ ಅಸಂಬದ್ಧ ಎನಿಸುವಂತೆ ನುಲಿದಾಡಿದರೂ ಅಂಥವರಿಗೆ ಮಿಲಿಯನ್ಗಟ್ಟಲೆ ವ್ಯೂಸ್ ಬರುವುದು ಇದೆ, ಮತ್ತೆ ಕೆಲವರು ಕಷ್ಟಪಟ್ಟು ಸಾಕಷ್ಟು ಅಧ್ಯಯನ ನಡೆಸಿ ಒಂದು ಯೂಟ್ಯೂಬ್ ಇಲ್ಲವೇ ಇನ್ಸ್ಟಾದಲ್ಲಿ ಹಾಕಿದರೆ ಅದಕ್ಕೆ ಹತ್ತಾರು ಲೈಕ್ಸ್ ಬರುವುದು ಎಷ್ಟೋ ಬಾರಿ ಕಷ್ಟವೇ. ಒಮ್ಮೆ ಸೋಷಿಯಲ್ ಮೀಡಿಯಾದಲ್ಲಿ ಹೈಲೈಟ್ ಆಗಿ ಸಾಕಷ್ಟು ಅಭಿಮಾನಿಗಳನ್ನು ಗಳಿಸಿಬಿಟ್ಟರು ಎಂದರೆ ಅವರಿಗೆ ಲಾಟರಿ ಹೊಡೆದಂತೆಯೇ. ಕೆಲವರಿಗೆ ಮಾತ್ರ ಈ ಅದೃಷ್ಟ ಒದಗಿ ಬರುತ್ತದೆ. ಏನೇ ಹಾಕಿದರೂ ಅದನ್ನು ನೋಡುವ ದೊಡ್ಡ ವರ್ಗವೇ ಇರುತ್ತದೆ. ಇಂಥ ಅದೃಷ್ಟಲಕ್ಷ್ಮಿಯ ಮೂಲಕ ತಿಂಗಳಿಗೆ ಕನಿಷ್ಠ ನಲವತ್ತು ಲಕ್ಷ ರೂಪಾಯಿಗಳನ್ನು ಗಳಿಸುತ್ತಿದ್ದಾಳೆ ಈ 23 ವರ್ಷದ ಯುವತಿ!
ಹೌದು. ಈಕೆಯ ಹೆಸರು ಪಾಯಲ್. ವಯಸ್ಸು 23 ವರ್ಷ. ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಈಕೆ. ಇಷ್ಟು ಚಿಕ್ಕ ವಯಸ್ಸಿನಲ್ಲಿಯೇ ಈಕೆ ಏನೆಲ್ಲವೆಂದರೂ ತಿಂಗಳಿಗೆ ನಲವತ್ತು ಲಕ್ಷ ರೂಪಾಯಿಗಳನ್ನು ಗಳಿಸ್ತಾಳಂತೆ. ಈ ಬಗ್ಗೆ ಖುದ್ದು ಪಾಯಲ್ ಹೇಳಿಕೊಂಡಿದ್ದಾಳೆ. ಇವಳು ಮಾಡುವ ವಿಡಿಯೋಗಳಿಗೆ ಸಕತ್ ರೆಸ್ಪಾನ್ಸ್ ಇರುವುದು ಒಂದೆಡೆಯಾದರೆ, ಸೋಷಿಯಲ್ ಮೀಡಿಯಾದಿಂದ ಹೈಲೈಟ್ ಆಗಿರೋ ಕಾರಣ, ಕೆಲವು ಆನ್ಲೈನ್ ಜಾಹೀರಾತುಗಳಲ್ಲಿಯೂ ಈಕೆಗೆ ಆಫರ್ ಬರುತ್ತಿವೆ. ಇವೆಲ್ಲವುಗಳಿಂದ ಪಾಯಲ್ ಈ ಪರಿಯಲ್ಲಿ ಗಳಿಸ್ತಾಳೆ.
ನನ್ ಕನಸಿನ ಹುಡ್ಗನೇ ಬೇರೆ ಇದ್ದ, ಅವ್ರನ್ನ ಯಾಕೆ ಒಪ್ಪಿಕೊಂಡ್ನೋ ಈಗ್ಲೂ ಗೊತ್ತಾಗ್ತಿಲ್ಲ: ಅದಿತಿ ಹೇಳಿದ್ದೇನು?
ಆದರೆ ಕುತೂಹಲದ ವಿಷಯ ಏನೆಂದರೆ, ಸೂಪರ್ಚಾಟ್ಗಳಿಂದ ಈಕೆ ಗಳಿಸುವುದೇ ಹೆಚ್ಚು. ಸೂಪರ್ಚಾಟ್ ಎಂದರೆ, ಸೋಷಿಯಲ್ ಮೀಡಿಯಾದಲ್ಲಿ ಫೋಟೋ ಅಥವಾ ವಿಡಿಯೋ ಅಪ್ಲೋಡ್ ಮಾಡಿದ ಸಂದರ್ಭದಲ್ಲಿ, ಅವುಗಳಿಗೆ ಲಕ್ಷಾಂತರ ಮಂದಿ ಕಮೆಂಟ್ಸ್ ಹಾಕುತ್ತಾರಲ್ಲ, ಆ ಕಮೆಂಟ್ಸ್ಗಳಲ್ಲಿ ಕೆಲವು ವಿಭಿನ್ನ ಬಣ್ಣಗಳಿಂದ ಹೈಲೈಟ್ ಆಗುವುದನ್ನು ನೀವು ನೋಡಿರಬಹುದು. ಹೀಗೆ ತಮ್ಮ ಕಮೆಂಟ್ಸ್ ಹೈಲೈಟ್ ಆಗಬೇಕು ಎಂದರೆ ಇಂತಿಷ್ಟು ಹಣವನ್ನು ಅಂಥ ಕಮೆಂಟಿಗರು ಕೊಡಬೇಕಾಗುತ್ತದೆ. ತಮ್ಮ ನೆಚ್ಚಿನ ತಾರೆಯರಿಗೆ ಕಮೆಂಟ್ ಮಾಡಿದಾಗ, ಲಕ್ಷಾಂತರ ಮಂದಿಯ ಕಮೆಂಟ್ಸ್ಗಳಲ್ಲಿ ತಮ್ಮದು ಹೈಲೈಟ್ ಆದರೆ ಯಾರಿಗೆ ತಾನೇ ಖುಷಿಯಾಗಲ್ಲ! ಇಂಥ ಹುಚ್ಚು ಅಭಿಮಾನಿಗಳೂ ಸಾಕಷ್ಟು ಮಂದಿ ಇರುತ್ತಾರೆ. ಅಂಥವರಿಂದಲೂ ಪಾಯಲ್ ಹಣ ಗಳಿಸುತ್ತಾಳಂತೆ.
ಈ ಸಂದರ್ಶದಲ್ಲಿ ಈ ಬಗ್ಗೆಯೂ ಈಕೆ ಹೇಳಿಕೊಂಡಿದ್ದಾಳೆ. ಒಬ್ಬಾತ ಈಕೆಗೆ ಸೂಪರ್ಚಾಟ್ ಮಾಡಲು ಎರಡು ಲಕ್ಷ ರೂಪಾಯಿ ಪಾವತಿ ಮಾಡಿದ್ದಾನೆ ಎನ್ನುವ ಸತ್ಯ ಹೇಳಿದ್ದಾಳೆ. ಇದು ಒಬ್ಬಾತ ಕೊಟ್ಟಿರುವ ಹಣ. ಕಮೆಂಟ್ ಜೊತೆ ಹೀಗೆ ಲಕ್ಷ ಲಕ್ಷ ದುಡ್ಡುಗಳನ್ನೂ ಈಕೆ ಗಳಿಸುತ್ತಿದ್ದಾಳೆ. ನಾನು ಇಷ್ಟು ಹಣ ಗಳಿಕೆ ಮಾಡುತ್ತೇನೆ ಎಂದು ಹೇಳಿಕೊಳ್ಳಲು ಯಾವುದೇ ಮುಜುಗರ ಇಲ್ಲ. ಇದರಲ್ಲಿ ಮುಚ್ಚಿಡುವಂಥದ್ದು ಏನೂ ಇಲ್ಲ ಎಂದಿರುವ ಪಾಯಲ್, ಬ್ರ್ಯಾಂಡ್ಗಳಿಂದಲೂ ಹಣ ಬರುತ್ತದೆ, ಯೂಟ್ಯೂಬ್ನಿಂದಲೂ ಹಣ ಬರುತ್ತದೆ. ಹೀಗೆ ತಿಂಗಳಿಗೆ ಏನಿಲ್ಲವೆಂದರೂ 40 ಲಕ್ಷ ರೂಪಾಯಿ ದುಡಿಯುವುದಾಗಿ ಹೇಳಿದ್ದಾಳೆ! ಹೇಗಿದೆ ಅದೃಷ್ಟ.
