ಒಲಿಂಪಿಕ್ಸ್ ಗ್ರಾಮದಲ್ಲಿ ನೀಡಿದ ಕಾಂಡೋಮ್ ಬಳಸಿ ಪದಕ ಗೆದ್ದ ಕಯಾಕಿಂಗ್ ಪಟು ಆಸ್ಟ್ರೇಲಿಯಾದ ಜೆಸ್ಸಿಕಾ ಫಾಕ್ಸ್ ಐಡಿಯಾಗೆ ಮನಸೋತ ಆಯೋಜಕರು ಟೊಕಿಯೋ ಒಲಿಂಪಿಕ್ಸ್ ಪದಕ ವಿಜೇತ ಜೆಸ್ಸಿಕಾ ಫಾಕ್ಸ್ ವಿಡಿಯೋ ವೈರಲ್
ಟೊಕಿಯೋ(ಜು.30): ಒಲಿಂಪಿಕ್ಸ್ ಗ್ರಾಮದಲ್ಲಿ ಕ್ರೀಡಾಪಟುಗಳಿಗೆ ಕಾಂಡೋಮ್ ನೀಡಲಾಗಿದೆ. ಈ ಕಾಂಡೋಮ್ನ್ನು ಹೀಗೂ ಬಳಸಬಹುದು ಎಂದು ಪದಕ ವಿಜೇತ ಆಸ್ಟ್ರೇಲಿಯಾ ಕಯಾಕಿಂಗ್ ಪಟು ಜೆಸ್ಸಿಕಾ ಫಾಕ್ಸ್ ತೋರಿಸಿಕೊಟ್ಟಿದ್ದಾರೆ. ಹೌದು, ತನ್ನ ಹಾನಿಗೊಳಗಾದ ಕಯಾಕಿಂಗ್ ಬೋಟ್ ಸರಿಮಾಡಲು ಕಾಂಡೋಮ್ ಬಳಸಿ ಪದಕ ಗೆದ್ದ ಅಪರೂಪದ ಘಟನೆ ನಡೆದಿದೆ.
ಟೋಕಿಯೋ ಒಲಿಂಪಿಕ್ಸ್ 2020 - ಪದಕ ಗೆಲವ ಹಾದಿಯಲ್ಲಿ ಪಿ.ವಿ. ಸಿಂಧು !
ಜೆಸ್ಸಿಕಾ ಫಾಕ್ಸ್ ಟೋಕಿಯೋ ಒಲಿಂಪಿಕ್ಸ್ ಮಹಿಳಾ ಸಿ 1 ಕ್ಯಾನೋಯಿಂಗ್ ಸ್ಲಾಲೋಮ್ ಕಯಾಕಿಂಗ್ನಲ್ಲಿ ಚಿನ್ನದ ಪದಕ ಗೆದ್ದುಕೊಂಡಿದ್ದಾರೆ. ಇನ್ನು ಮಹಿಳೆಯರ ಕೆ-1 ಫೈನಲ್ನಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ.
ಜೆಸ್ಸಿಕಾ ಫಾಕ್ಸ್ ಮಹಿಳೆಯರ ಕೆ-1 ಫೈನಲ್ನ ಪಂದ್ಯಕ್ಕೆ ಕಯಾಕಿಂಗ್ ಬೋಟ್ ಹಿಡಿದು ಅಖಾಡಕ್ಕಿಳಿದಾಗ ಬೋಟ್ ಮುಂಭಾಗದಲ್ಲಿ ನಜ್ಜು ಗುಜ್ಜಾಗಿರುವುದು ಗಮನಿಸಿದ್ದಾರೆ. ತಕ್ಷಣ ರಿಪೇರಿ ಮಾಡಿ ಕಣಕ್ಕಿಳಿಯಬೇಕಾದ ಅನಿವಾರ್ಯತೆ ಇತ್ತು. ಹೀಗೆ ತೂತು ಬಿದ್ದ ಮುಂಭಾಗವನ್ನು ಕೆಲ ಅಂಟು ಮೆತ್ತಿ ಬಳಿಕ ಕಾಂಡೋಮ್ ಹಾಕಿದ್ದಾರೆ.
ಟೋಕಿಯೋ 2020: ಐರ್ಲೆಂಡ್ ಮಣಿಸಿದ ಮಹಿಳಾ ಹಾಕಿ ತಂಡ, ಕ್ವಾರ್ಟರ್ಫೈನಲ್ ಕನಸು ಜೀವಂತ..!
ಇದೇ ಬೋಟ್ ಮೂಲಕ ಸಾಗಿ ಕೆ-1 ಫೈನಲ್ನಲ್ಲಿ ಜೆಸ್ಸಿಕಾ ಕಂಚಿನ ಪದಕ ಗೆದ್ದಿದ್ದಾರೆ. ಬಳಿಕ ಸಾಮಾಜಿಕ ಜಾಲತಾಣದಲ್ಲಿ ಬೋಟ್ ರಿಪೇರಿಗೆ ಕಾಂಡೋಮ್ ಬಳಿಸಿರುವುದನ್ನು ಬಹಿರಂಗ ಪಡಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಕಾಂಡೋಮ್ನ್ನು ಈ ರೀತಿ ಬಳಕೆ ಮಾಡಬಹುದು ಎಂದು ಯಾರು ಊಹಿಸಲು ಸಾಧ್ಯವಿಲ್ಲ ಎಂದು ಅಭಿಮಾನಿಗಳು ಪ್ರತಿಕ್ರಿಯೆ ನೀಡಿದ್ದಾರೆ.
