ಟೋಕಿಯೋ 2020: ಭಾರತ ಪುರುಷರ ಆರ್ಚರಿ ತಂಡದ ಹೋರಾಟ ಅಂತ್ಯ
* ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಭಾರತ ಪುರುಷರ ಆರ್ಚರಿ ತಂಡಕ್ಕೆ ನಿರಾಸೆ
* ಕೊರಿಯಾ ಎದುರು 6-0 ಅಂತರದ ಸೋಲು ಕಂಡ ಭಾರತ ತಂಡ
* ಕ್ವಾರ್ಟರ್ ಫೈನಲ್‌ನಲ್ಲೇ ಭಾರತದ ಹೋರಾಟ ಅಂತ್ಯ
 )
Followಟೋಕಿಯೋ(ಜು.26): ಆತನು ದಾಸ್, ತರುಣ್‌ದೀಪ್‌ ರೈ ಹಾಗೂ ಪ್ರವೀಣ್ ಜಾಧವ್ ಅವರನ್ನೊಳಗೊಂಡ ಭಾರತ ಪುರುಷರ ತಂಡ ಕ್ವಾರ್ಟರ್ ಫೈನಲ್‌ ಪಂದ್ಯದಲ್ಲಿ ಕೊರಿಯಾ ಎದುರು 6-0 ಅಂತರದಲ್ಲಿ ಆಘಾತಕಾರಿ ಸೋಲು ಕಾಣುವ ಮೂಲಕ ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ತನ್ನ ಹೋರಾಟ ಅಂತ್ಯಗೊಳಿಸಿದ್ದಾರೆ.
ಮೊದಲ ಸುತ್ತಿನಲ್ಲಿ ಕೊರಿಯಾ 59 ಅಂಕಗಳಿಸಿದರೆ, ಭಾರತ ತಂಡವು 54 ಅಂಕಗಳಿಗೆ ತೃಪ್ತಿಪಟ್ಟುಕೊಂಡಿದೆ. ಇದರೊಂದಿಗೆ ಕೊರಿಯಾ 2-0 ಮುನ್ನಡೆ ಸಾಧಿಸಿತು. ಎರಡನೇ ಸೆಟ್‌ನಲ್ಲಿ ಪ್ರವೀಣ್ ಜಾಧವ್, ತರುಣ್‌ ದೀಪ್‌ ಉತ್ತಮ ಪ್ರದರ್ಶನ ತೋರಿದರಾದರೂ, ಆತನು ದಾಸ್ ಲಯ ಕಂಡುಕೊಳ್ಳುವಲ್ಲಿ ಯಶಸ್ವಿಯಾದರು. ಪರಿಣಾಮ ಕೊರಿಯಾ 60ರಲ್ಲಿ 59 ಅಂಕ ಗಳಿಸಿದರೆ, ಭಾರತ 57 ಅಂಕ ಗಳಿಸಿತು. ಇದರೊಂದಿಗೆ ಕೊರಿಯಾ 4-0 ಮುನ್ನಡೆ ಸಾಧಿಸಿತು.
ಟೋಕಿಯೋ 2020: ಗೆದ್ದು ಸೋತ ಫೆನ್ಸಿಂಗ್ ಪಟು ಭವಾನಿ ದೇವಿ
ಇನ್ನು ಮೂರನೇ ಸುತ್ತಿನಲ್ಲಿ ಭಾರತ 54 ಅಂಕಗಳನ್ನಷ್ಟೇ ಶಕ್ತವಾಯಿತು. ಕೊರಿಯಾ 56 ಅಂಕಗಳನ್ನು ಗಳಿಸುವ ಮೂಲಕ ಮೂರು ಸುತ್ತುಗಳನ್ನು ಜಯಿಸುವ ಮೂಲಕ ಸೆಮಿಫೈನಲ್‌ಗೆ ಲಗ್ಗೆಯಿಟ್ಟಿತು.
