Asianet Suvarna News Asianet Suvarna News

ಚಂದ್ರಯಾನ-3ಗೆ ಅಧಿಕೃತ ಒಪ್ಪಿಗೆ: 2021ರಲ್ಲಿ ಮತ್ತೆ ಚಂದ್ರನ ಅಪ್ಪುಗೆ!

ಚಂದ್ರಯಾನ-3 ಯೋಜನೆಗೆ ಕೇಂದ್ರ ಸರ್ಕಾರ ಅಧಿಕೃತ ಒಪ್ಪಿಗೆ| 2021ರಲ್ಲಿ ಮತ್ತೆ ಚಂದ್ರನೆಡೆಗೆ ನೌಕೆ ಕಳುಹಿಸಲಿರುವ ಇಸ್ರೋ| 'ಚಂದ್ರಯಾನ-2 ಯೋಜನೆಯ ನಕಾರಾತ್ಮಕ ಅಂಶಗಳಿಂದ ಪಾಠ'| ಚಂದ್ರಯಾನ-3 ಯೋಜನೆ ಸಫಲವಾಗಲಿದೆ ಎಂದ ಇಸ್ರೋ ಮುಖ್ಯಸ್ಥ ಕೆ. ಸಿವನ್| 2020ರಲ್ಲಿ ಇಸ್ರೋದಿಂದ ಒಟ್ಟು 25 ಬಾಹ್ಯಾಕಾಶ ಯೋಜನೆ|

Union Government Has Approved ISRO Chandrayaan 3 Project
Author
Bengaluru, First Published Jan 1, 2020, 1:36 PM IST
  • Facebook
  • Twitter
  • Whatsapp

ನವದೆಹಲಿ(ಜ.01): ಇಸ್ರೋದ ಚಂದ್ರಯಾನ-3 ಯೋಜನೆಗೆ ಕೇಂದ್ರ ಸರ್ಕಾರ ಅಧಿಕೃತ ಒಪ್ಪಿಗೆ ನೀಡಿದ್ದು, 2021ರಲ್ಲಿ ಮತ್ತೆ ಚಂದ್ರನೆಡೆಗೆ ನೌಕೆಯನ್ನು ಕಳುಹಿಸಲಾಗುವುದು.

ಈ ಕುರಿತು ಮಾಹಿತಿ ನೀಡಿರುವ ಇಸ್ರೋ ಮುಖ್ಯಸ್ಥ ಕೆ. ಸಿವನ್, 2021ರಲ್ಲಿ ಚಂದ್ರಯಾನ-3 ಯೋಜನೆ ಮೂಲಕ ಮತ್ತೆ ಚಂದ್ರನ ನೆಲ ತಲುಪಲಾಗುವುದು ಎಂದು ಭರವಸೆ ನೀಡಿದರು.

ಚಂದ್ರಯಾನ-2 ಯೋಜನೆಯ ನಕಾರಾತ್ಮಕ ಅಂಶಗಳಿಂದ ಪಾಠ ಕಲಿತಿದ್ದು, ಈ ಬಾರಿ ಚಂದ್ರನ ಮೇಲ್ಮೈ ಮೇಲೆ ಸಾಫ್ಟ್ ಲ್ಯಾಂಡಿಂಗ್ ಮಾಡಿಯೇ ಸಿದ್ಧ ಎಂದು ಸಿವನ್ ಸ್ಪಷ್ಟಪಡಿಸಿದರು.

ನಾವು ವಚನಬದ್ಧ: ಚಂದ್ರಯಾನ-3 ಯೋಜನೆಗೆ ಇಸ್ರೋ ಸಿದ್ಧ!

ಚಂದ್ರಯಾನ-2 ಯೋಜನೆ ವೈಫಲ್ಯವಲ್ಲ ಎಂದಿರುವ ಸಿವನ್, ಸಾಫ್ಟ್ ಲ್ಯಾಂಡಿಂಗ್ ಕುರಿತು ಚಂದ್ರಯಾನ-2 ನಮಗೆ ಮಹತ್ವದ ಪಾಠ ಕಲಿಸಿದೆ ಎಂದು ಹೇಳಿದರು. ಚಂದ್ರಯಾನ-2ನ ಆರ್ಬಿಟರ್ ನೌಕೆ ಚಂದ್ರನ ಅಧ್ಯಯನ ಮುಂದುವರೆಸಿದೆ ಎಂದು ಸ್ಪಷ್ಟಪಡಿಸಿದರು.

ಅದೇ ರೀತಿ 2020ರಲ್ಲಿ ಇಸ್ರೋ ಒಟ್ಟು 25 ಬಾಹ್ಯಾಕಾಶ ಯೋಜನೆಗಳನ್ನು ಕೈಗೊಳ್ಳಲಿದ್ದು, ಚಂದ್ರಯಾನ-3 ಯೋಜನೆಯನ್ನು ಮುಂದಿನ ವರ್ಷ ಅಂದರೆ 2021ರಲ್ಲಿ ಪೂರ್ಣಗೊಳಿಸಲಾಗುವುದು ಎಂದು ಸಿವನ್ ಸ್ಪಷ್ಟಪಡಿಸಿದರು.

ಗಗನಯಾನ್‌ಗೆ ಸಿದ್ಧತೆ:

ಇನ್ನು ಇಸ್ರೋದ ಮತ್ತೊಂದು ಮಹತ್ವದ ಯೋಜನೆಗಳಲ್ಲಿ ಒಂದಾದ ಗಗನಯಾನ್‌ಗೆ ಸಂಸ್ಥೆ ಸಿದ್ಧತೆ ಪೂರ್ಣಗೊಳಿಸಿದ್ದು, ನಾಲ್ವರು ಗಗನಯಾತ್ರಿಗಳಿಗೆ ಭಾರತೀಯ ವಾಯುಸೇನೆಯಿಂದ ರಷ್ಯಾದಲ್ಲಿ ತರಬೇತಿ ನೀಡಲಾಗುವುದು.

ಈ ಜನವರಿಯಿಂದಲೇ ಆಯ್ದ ನಾಲ್ವರು ಗಗನಯಾತ್ರಿಗಳಿಗೆ ತರಬೇತಿ ಪ್ರಾರಂಭಿಸಲಾಗುವುದು ಎಂದು ಇಸ್ರೋ ಅಧ್ಯಕ್ಷ ಕೆ. ಸಿವನ್ ಸ್ಪಷ್ಟಪಡಿಸಿದ್ದಾರೆ.

Follow Us:
Download App:
  • android
  • ios