ಇಂದು ವಿಶ್ವದಾದ್ಯಂತ ಸಂಪೂರ್ಣ ಸೂರ್ಯಗ್ರಹಣ| ಭಾರತದಲ್ಲಿ ಗೋಚರವಾಗದ ಸೂರ್ಯಗ್ರಹಣ| ನಾಸಾ ಟ್ವಿಟ್ಟರ್ನಲ್ಲಿ ಲೈವ್ ಸ್ಟ್ರೀಮಿಂಗ್ ನೋಡುವ ಭಾಗ್ಯ| ರಾತ್ರಿ 10.25 ರ ಸಮಯಕ್ಕೆ ಸೂರ್ಯಗ್ರಹಣ ಆರಂಭ| ರಾತ್ರಿ 11.54ಕ್ಕೆ ಸಂಪೂರ್ಣ ಸೂರ್ಯಗ್ರಹಣ ಗೋಚರ|
ನವದೆಹಲಿ(ಜು.02): ಇಂದು ವಿಶ್ವದಾದ್ಯಂತ ಸಂಪೂರ್ಣ ಸೂರ್ಯಗ್ರಹಣ ಗೋಚರವಾಗಲಿದ್ದು, ಭಾರತದಲ್ಲಿ ಮಾತ್ರ ಸೂರ್ಯಗ್ರಹಣ ಗೋಚರವಾಗದಿರುವುದು ಖಗೋಳ ಪ್ರೀಯರಿಗೆ ನಿರಾಸೆ ತಂದಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಭಾರತೀಯ ಕಾಲಮಾನದ ಪ್ರಕಾರ ಇಂದು ರಾತ್ರಿ 10.25 ರ ಸಮಯಕ್ಕೆ ಸೂರ್ಯಗ್ರಹಣ ಆರಂಭವಾಗಲಿದ್ದು, 11.54ಕ್ಕೆ ಸಂಪೂರ್ಣ ಸೂರ್ಯಗ್ರಹಣ ಗೋಚರವಾಗಲಿದೆ. ಈ ಕುರಿತು ಟ್ವೀಟ್ ಮಾಡಿರುವ ನಾಸಾ, ಸಂಪೂರ್ಣ ಸೂರ್ಯಗ್ರಹಣದ ಲೈವ್ ದೃಶ್ಯಾವಳಿಯನ್ನು ಕಣ್ತುಂಬಿಕೊಳ್ಳಲು ನಾಸಾದ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್ಗೆ ಭೇಟಿ ನೀಡಬಹುದು ಎಂದು ತಿಳಿಸಿದೆ.
Scroll to load tweet…
ಭೂಮಿ ಮತ್ತು ಸೂರ್ಯನ ನಡುವೆ ಚಂದ್ರ ಬಂದಾಗ ಚಂದ್ರನ ಪಾರ್ಶ್ವ ಸೂರ್ಯನನ್ನು ಸಂಪೂರ್ಣವಾಗಿ ಮುಚ್ಚುತ್ತದೆ. ಈ ಖಗೋಳೀಯ ವಿದ್ಯಮಾನವನ್ನು ಸಂಪೂರ್ಣ ಸೂರ್ಯಗ್ರಹಣ ಎಂದು ಕರೆಯಾಲಾಗುತ್ತದೆ.
ಇಂದಿನ ಸಂಪೂರ್ಣ ಸೂರ್ಯಗ್ರಹಣ ಅರ್ಜೆಂಟಿನಾ, ಚಿಲಿ ಹಾಗೂ ಪೆಸಿಫಿಕ್ ಭೂಭಾಗದಲ್ಲಿ ಗೋಚರವಾಗಲಿದೆ. ಅದರಂತೆ ದ.ಅಮೆರಿಕ ಭೂಭಾಗದಲ್ಲಿ ಬ್ರೆಝಿಲ್, ಇಕ್ವೆಡಾರ್, ಉರುಗ್ವೆ ಮತ್ತು ಪೆರುಗ್ವೆ ದೇಶಗಳಲ್ಲಿ ಭಾಗಶಃ ಸೂರ್ಯಗ್ರಹಣ ಗೋಚರವಾಗಲಿದೆ.
