ಆಯತಾಕಾರದ ಐಸ್: ನೋಡಲು ತುಂಬಾ ನೈಸ್!
ಅಂಟಾರ್ಟಿಕ್ ಧ್ರುವ ಪ್ರದೇಶದಲ್ಲೊಂದು ವಿಸ್ಮಯಕಾರಿ ಮಂಜುಗಡ್ಡೆ! ನಾಸಾ ವಿಜ್ಞಾನಿಗಳಿಗೆ ಸೆರೆ ಸಿಕ್ಕ ಆಯತಾಕಾರದಲ್ಲಿರುವ ಮಂಜುಗಡ್ಡೆ! ಬೃಹತ್ ಲಾರ್ಸೆನ್ ಸಿ ಮಂಜುಗಡ್ಡೆಯ ಒಡೆದ ಭಾಗ! ಸಮುದ್ರದಲ್ಲಿ ಏಕಾಂಗಿಯಾಗಿ ಸಂಚರಿಸುತ್ತಿರುವ ಆಯತಾಕಾರದ ಮಂಜುಗಡ್ಡೆ
 )
Followವಾಷಿಂಗ್ಟನ್(ಅ.24): ‘ಖುದರತ್ ಕಾ ಕರೀಷ್ಮಾ’..ಅಂತಾರಲ್ಲಾ ಇದೇ ಇರಬೇಕು ನೋಡಿ. ಸಂಪೂರ್ಣವಾಗಿ ಮಂಜುಗಡ್ಡೆಗಳಿಂದ ಆವೃತ್ತವಾಗಿರುವ ಅಂಟಾರ್ಟಿಕ್ ಧ್ರುವ ಪ್ರದೇಶದಲ್ಲಿ ಅದೆಷ್ಟೋ ಕುತೂಹಲಕಾರಿ ಸಂಗತಿಗಳು ದೊರೆಯುತ್ತವೆ.
ಅದರಂತೆ ನಾಸಾದ ಸಂಶೋಧನಾ ವಿಮಾನವೊಂದಕ್ಕೆ ಅಂಟಾರ್ಟಿಕ್ ಧ್ರುವ ಪ್ರದೇಶದಲ್ಲಿ ಆಯತಾಕಾರದ ಮಂಜುಗಡ್ಡೆಯೊಂದು ಸೆರೆ ಸಿಕ್ಕಿದೆ. ಸಮುದ್ರದಲ್ಲಿ ಏಕಾಂಗಿಯಾಗಿ ತೇಲುತ್ತಿದ್ದ ಈ ಆಯತಾಕಾರದ ಮಂಜಗಡ್ಡೆಯನ್ನು ನಾಸಾ ವಿಜ್ಞಾನಿಗಳು ಸೆರೆ ಹಿಡಿದಿದ್ದಾರೆ.
ಲಾರ್ಸೆನ್ C ಎಂಬ ಬೃಹತ್ ಮಂಜುಗಡ್ಡೆಯಿಂದ ಒಡೆದು ಬೇರ್ಪಟ್ಟಿರುವ ಈ ಮಂಜುಗಡ್ಡೆಯ ಭಾಗ ನಿರ್ದಿಷ್ಟವಾಗಿ ಆಯತಾಕಾರದಲ್ಲಿರುವುದು ವಿಜ್ಞಾನಿಗಳ ಕುತೂಹಲಕ್ಕೆ ಕಾರಣವಾಗಿದೆ.
Wow, it’s been amazing to see what a splash our photo of a tabular Antarctic iceberg, by #IceBridge’s Jeremy Harbeck, has made. Fly toward the berg with @NASAArmstrong's DC-8 forward camera. More: https://t.co/kADuUL455F pic.twitter.com/tm4Rydh8V3
— NASA ICE (@NASA_ICE) October 23, 2018
ಅಂಟಾರ್ಟಿಕ್ ಧ್ರುವ ಪ್ರದೇಶದಲ್ಲಿ ಹಲವು ಬೃಹತ್ ಮಂಜುಗಡ್ಡೆಗಳಿದ್ದು, ಅದರಲ್ಲಿ ಲಾರ್ಸೆನ್ A 1995 ರಲ್ಲಿ, ಲಾರ್ಸೆನ್ B 2002 ರಲ್ಲಿ ಒಡೆದು ಹೋಳಾಗಿವೆ. ಇದೀಗ ಲಾರ್ಸೆನ್ C ಕೂಡ ಹೋಳಾಗುವ ಹಂತ ತಲುಪಿದ್ದು, ಅದರ ಒಂದು ಭಾಗವೇ ಈ ಆಯತಾಕಾರದ ಮಂಜುಗಡ್ಡೆ ಎನ್ನಲಾಗಿದೆ.
ಲಾರ್ಸೆನ್ ಸಿ ಮಂಜುಗಡ್ಡೆ ಬರೋಬ್ಬರಿ 2,780 ಚ.ಕಿ.ಮೀ ವಿಸ್ತಾರವಾಗಿದ್ದು, ಮೇರಿಲ್ಯಾಂಡ್ ಗಿಂತ ದೊಡ್ಡದಾಗಿದೆ ಎಂದು ನಾಸಾ ವಿಜ್ಞಾನಿಗಳು ತಿಳಿಸಿದ್ದಾರೆ. ಆದರೆ ಈ ಮಂಜುಗಡ್ಡೆಯೂ ಕರಗುತ್ತಿದ್ದು, ಚೂರುಗಳ ರೂಪದಲ್ಲಿ ಒಡೆದು ಹೋಳಾಗುತ್ತಿದೆ ಎನ್ನಲಾಗಿದೆ.
