ಈ ಕೆಲಸದಲ್ಲಿ ಐಫೋನ್‌ಗಿಂತ ಆ್ಯಂಡ್ರಾಯ್ಡ್ ಬಳಕೆದಾರರೇ ಬೆಸ್ಟ್ ಅನ್ನುತ್ತೆ ಈ ಇಂಟರಸ್ಟಿಂಗ್ ಅಧ್ಯಯನ
ಹೊಸ ಅಧ್ಯಯನವೊಂದು ಆಂಡ್ರಾಯ್ಡ್ ಬಳಕೆದಾರರು ಐಫೋನ್ ಬಳಕೆದಾರರಿಗಿಂತ ಉತ್ತಮವಾಗಿ ಮತ್ತು ಸುರಕ್ಷಿತವಾಗಿ ಚಾಲನೆ ಮಾಡುತ್ತಾರೆ ಎಂದು ತಿಳಿಸಿದೆ
Android Vs iOS: ಆ್ಯಪಲಿನ ಐಓಎಸ್ ಅಥವಾ ಗೂಗಲಿನ ಆಂಡ್ರಾಯ್ಡ್? ನೀವು ಒಂದು ಆಪರೇಟಿಂಗ್ ಸಿಸ್ಟಂನ ಬಳಕೆದಾರರನ್ನು ಇನ್ನೊಂದರ ವಿರುದ್ಧ ಎತ್ತಿಕಟ್ಟಿದರೆ, ಈ ಚರ್ಚೆಯು ಅನಿರ್ದಿಷ್ಟವಾಗಿ ಮುಂದುವರಿಯುವುದಂತು ನಿಜ, ಅಲ್ಲದೇ ವಿಜೇತರನ್ನು ಆಯ್ಕೆ ಮಾಡುವುದು ಕಷ್ಟ. ಐಫೋನ್ ಮತ್ತು ಆಂಡ್ರಾಯ್ಡ್ ಬಳಕೆದಾರರು ಆಪರೇಟಿಂಗ್ ಸಿಸ್ಟಂಗಳಲ್ಲಿನ ವ್ಯತ್ಯಾಸಗಳನ್ನು ಎತ್ತಿ ತೋರಿಸುತ್ತಾರೆ ಮತ್ತು ಅವರ ನೆಚ್ಚಿನ ವೈಶಿಷ್ಟ್ಯಗಳ ಬಗ್ಗೆ ಹೇಳಿಕೊಳ್ಳುತ್ತಾರೆ. ಆದರೆ ಏನೆ ಮಾಡಿದರೂ ಇವೆರಡರಲ್ಲಿ ಯಾವುದು ಬೆಸ್ಟ್ ಎಂಬ ಚರ್ಚೆ ಅಂತ್ಯವಾಗುವುದಿಲ್ಲ.
ಈಗ ಹೊಸ ಅಧ್ಯಯನವೊಂದು ಆಂಡ್ರಾಯ್ಡ್ ಬಳಕೆದಾರರಿಗೆ ಐಫೋನ್‌ಗಳನ್ನು ಬಳಸುವವರಿಗಿಂತ ತಮ್ಮ ಶ್ರೇಷ್ಠತೆಯ ಬಗ್ಗೆ ಹೆಮ್ಮೆಪಡಲು ಮತ್ತೊಂದು ಕಾರಣವನ್ನು ನೀಡಿದೆ. ಈ ಅಧ್ಯಯನ ಎರಡೂ ಗುಂಪುಗಳ ಚಾಲನಾ ಅಭ್ಯಾಸಗಳನ್ನು ಪರೀಶಿಲಿಸಿದ್ದು ಸಂಶೋಧನೆಗಳ ಪ್ರಕಾರ, ಆಂಡ್ರಾಯ್ಡ್ ಬಳಕೆದಾರರು ಐಫೋನ್ ಬಳಕೆದಾರರಿಗಿಂತ ಸುರಕ್ಷಿತ ಮತ್ತು ಉತ್ತಮ ಚಾಲಕರು ಎಂದು ತಿಳಿಸಿದೆ.ಇದು ಕೆಲವರಿಗೆ ವಿಚಿತ್ರವಾಗಿ ಕಾಣಿಸಬಹುದು, ಆದರೆ ಸಂಶೋಧನೆಯನ್ನು ಹೇಗೆ ನಡೆಸಲಾಯಿತು ಎಂಬುದರ ಸಂಪೂರ್ಣ ವಿವರಣೆ ಇಲ್ಲಿದೆ.
ಜೆರ್ರಿ ಹೆಸರಿನ ಕಾರು ವಿಮೆ ಹೋಲಿಕೆ ಕಂಪನಿಯಿಂದ ಈ ಅಧ್ಯಯನವನ್ನು ಕೈಗೊಳ್ಳಲಾಗಿದೆ. 14-ದಿನಗಳ ಅವಧಿಯಲ್ಲಿ ಅಮೆರಿಕಾದಲ್ಲಿ 20,000 ಚಾಲಕರ ಚಾಲನಾ ಪ್ರವೃತ್ತಿಯನ್ನು ಈ ಅಧ್ಯಯನದ ಮಾದರಿ ವಿಶ್ಲೇಷಿಸಿದೆ. 14 ದಿನಗಳಲ್ಲಿ 13 ದಶಲಕ್ಷ ಕಿಲೋಮೀಟರ್‌ಗಳಷ್ಟು ಚಾಲನೆಯಲ್ಲಿ ಈ ಚಾಲಕರನ್ನು ಗಮನಿಸಿದ ನಂತರವೇ ತೀರ್ಮಾನಗಳನ್ನು ಕೈಗೊಳ್ಳಲಾಗಿದೆ.
ಇದನ್ನೂ ಓದಿ: Android Vs iOS: ಸ್ಮಾರ್ಟ್‌ಫೋನ್‌ ಬಳಕೆದಾರರ ಫೇವರೆಟ್‌ ಯಾವುದು? ಇಲ್ಲಿದೆ ಲೇಟೆಸ್ಟ್‌ ವರದಿ
ಪರೀಕ್ಷೆಯನ್ನು ಆರು ವಿಭಾಗಗಳಾಗಿ ವಿಂಗಡಿಸಲಾಗಿದೆ ಎಂದು ಆಂಡ್ರಾಯ್ಡ್ ಆಥೋರಿಟ ವರದಿ ತಿಳಿಸಿದೆ - 1) ಒಟ್ಟಾರೆ ಸುರಕ್ಷಿತ ಚಾಲನೆ, 2) ವಿಚಲಿತ ಚಾಲನೆ (Distracted Driving), 3) ವೇಗ, 4) ತಿರುವು, 5) ವೇಗವರ್ಧನೆ ಮತ್ತು 6) ಬ್ರೇಕಿಂಗ್. ಈ ಎಲ್ಲಾ ಆರು ವಿಭಾಗಗಳಲ್ಲಿ, ಆಂಡ್ರಾಯ್ಡ್ ಬಳಕೆದಾರರು ಸುರಕ್ಷಿತ ಚಾಲಕರು ಎಂದು ಸಾಬೀತಾಗಿದೆ.
"ವಿಚಲಿತ ಡ್ರೈವಿಂಗ್" ನಲ್ಲಿ, ಆಂಡ್ರಾಯ್ಡ್ ಬಳಕೆದಾರರು ತಮ್ಮ ಐಫೋನ್ ಪ್ರತಿಸ್ಪರ್ಧಿಗಿಂತ ಆರು ಅಂಕಗಳನ್ನು ಹೆಚ್ಚು ಗಳಿಸಿದ್ದಾರೆ, ಇದು ಎರಡು ಗುಂಪುಗಳ ನಡುವಿನ ಕಾರ್ಯಕ್ಷಮತೆಯಲ್ಲಿ ದೊಡ್ಡ ವ್ಯತ್ಯಾಸವನ್ನು ಹೊಂದಿರುವ ವರ್ಗವಾಗಿದೆ ಎಂದು ವರದಿ ಹೇಳಿದೆ.
ಈ ಅಧ್ಯಯನದ ಕೆಲವು ಆಸಕ್ತಿದಾಯಕ ಅಂಶಗಳು ಇಲ್ಲಿವೆ:
- ಈ ಸಂದರ್ಭಗಳಲ್ಲಿ, ಪರಿಸ್ಥಿತಿಗಳು ಐಫೋನ್ ಬಳಕೆದಾರರಿಗೆ ಒಲವು ತೋರಿದವು ಆದರೆ ಆಂಡ್ರಾಯ್ಡ್ ಬಳಕೆದಾರರು ಹೇಗಾದರೂ ಗೆದ್ದಿದ್ದಾರೆ. ಅವಿವಾಹಿತ ಆಂಡ್ರಾಯ್ಡ್ ಬಳಕೆದಾರರು ವಿವಾಹಿತ ಐಫೋನ್ ಬಳಕೆದಾರರನ್ನು ಮೀರಿಸಿದ್ದಾರೆ.
- ಮನೆಯನ್ನು ಹೊಂದಿರದ ಆಂಡ್ರಾಯ್ಡ್ ಬಳಕೆದಾರರು ಮನೆ-ಮಾಲೀಕತ್ವ ಹೊಂದಿರುವ ಐಫೋನ್ ಬಳಕೆದಾರರಿಗಿಂತ ಹೆಚ್ಚು ಅಂಕಗಳನ್ನು ಗಳಿಸಿದ್ದಾರೆ
- ಉತ್ತಮ ಕ್ರೆಡಿಟ್ ಸ್ಕೋರ್‌ಗಳನ್ನು ಹೊಂದಿರುವ ಐಫೋನ್ ಬಳಕೆದಾರರಿಗಿಂತ ಕಡಿಮೆ ಕ್ರೆಡಿಟ್ ಸ್ಕೋರ್‌ಗಳನ್ನು ಹೊಂದಿರುವ ಆಂಡ್ರಾಯ್ಡ್ ಬಳಕೆದಾರರು ಉತ್ತಮ ಚಾಲಕರು ಎಂದು ವರದಿ ಹೇಳಿದೆ
- ಹೈಸ್ಕೂಲ್ ಡಿಪ್ಲೊಮಾ ಇಲ್ಲದ ಆಂಡ್ರಾಯ್ಡ್ ಬಳಕೆದಾರರು ಉನ್ನತ ಪದವಿಗಳನ್ನು ಹೊಂದಿರುವ ಐಫೋನ್ ಬಳಕೆದಾರರಿಗಿಂತ ಹೆಚ್ಚಿನ ಅಂಕಗಳನ್ನು ಗಳಿಸಿದ್ದಾರೆ
ಸಾಮಾನ್ಯ ಸಂಶೋಧನೆಗಳ ಹೊರತಾಗಿ, ಕೆಲವು ಗಮನಾರ್ಹ ಒಳನೋಟಗಳನ್ನು ವರದಿ ನೀಡಿದೆ. ಉದಾಹರಣೆಗೆ, ವಯಸ್ಸಾದ ವಿವಾಹಿತರು, ಮಿಡ್‌ವೆಸ್ಟ್‌ನಲ್ಲಿ ವಾಸಿಸುತ್ತಿದ್ದ ಮನೆಮಾಲೀಕರು, ಪದವಿ ಅಥವಾ ಹೆಚ್ಚು ಸುಧಾರಿತ ಪದವಿಗಳನ್ನು ಹೊಂದಿರುವವರು ಮತ್ತು ಉತ್ತಮ ಕ್ರೆಡಿಟ್ ರೇಟಿಂಗ್‌ಗಳು ಹೊಂದಿದವರು ಎರಡೂ ಪ್ಲಾಟ್‌ಫಾರ್ಮ್‌ಗಳಲ್ಲಿ ಒಟ್ಟಾರೆಯಾಗಿ ಹೆಚ್ಚಿನ ಅಂಕಗಳನ್ನು ಗಳಿಸಿದ್ದಾರೆ. ಈ ಅಧ್ಯಯನದ ಸಂಪೂರ್ಣ ವರದಿಯನ್ನು ಇಲ್ಲಿ ನೋಡಬಹುದು. ಈ ವರದಿ ಬಗ್ಗೆ ನಿಮ್ಮ ಅಭಿಪ್ರಾಯವೇನು?
ಇದನ್ನೂ ಓದಿ: ಗೂಗಲ್ ಪ್ಲೇ ಸ್ಟೋರ್‌ ಮಹತ್ವದ ಬದಲಾವಣೆ: ನವೆಂಬರ್‌ನಿಂದ ಈ ಆ್ಯಪ್ಸ್‌ ಡೌನ್‌ಲೋಡ್‌ ಅಸಾಧ್ಯ
