ವಾಷಿಂಗ್ಟನ್(ಫೆ.03): ಗುರು ಗ್ರಹದ ಅಧ್ಯಯನದಲ್ಲಿ ನಿರತವಾಗಿರುವ ನಾಸಾದ ಜುನೋ ನೌಕೆ, ಗ್ರಹದಲ್ಲಿ ಸಂಭವಿಸುವ ಭೀಕರ ಮತ್ತು ಬೃಹತ್ ಚಂಡಮಾರುತದ ಫೋಟೋವನ್ನು ಸೆರೆ ಹಿಡಿದಿದೆ.

ಗುರು ಗ್ರಹದ ದಕ್ಷಿಣ ಗೋಳಾರ್ಧದಲ್ಲಿ ಈ ಬೃಹತ್ ಚಂಡಮಾರುತ ಸಂಭವಿಸಿದ್ದು, ಸುಮಾರು 5,000 ಮೈಲಿ ಪ್ರದೇಶವನ್ನು ಆವರಿಸಿದೆ ಎಂದು ನಾಸಾ ತಿಳಿಸಿದೆ.

ಗುರು ಗ್ರಹದ ಕೆಂಪು ಕುಳಿ ಭಾಗದಲ್ಲಿ ನಿಯಮಿತವಾಗಿ ಚಂಡಮಾರುತಗಳು ಸಂಭವಿಸುತ್ತವೆ. ಅದರಂತೆ ಈ ಬಾರಿಯೂ ಚಂಡಮಾರುತ ಕಾಣಿಸಿಕೊಂಡಿದ್ದು, ಇದನ್ನು ಆನಿಮೇಶನ್ ರೂಪದಲ್ಲಿ ನಾಸಾ ಬಿಡುಗಡೆ ಮಾಡಿದೆ.