Asianet Suvarna News Asianet Suvarna News

ಅತಿ ಹೆಚ್ಚು ಅಸೆಂಬ್ಲಿ ಕಲಾಪ: ಕರ್ನಾಟಕ ದೇಶದಲ್ಲೇ ನಂ.1..!

2022ರಲ್ಲಿ ಅಂಗೀಕರಿಸಲಾದ 322 ಮಸೂದೆಗಳ ಪೈಕಿ ಶೇ.56ರಷ್ಟಕ್ಕೆ ಮಂಡನೆಯಾದ ಮರುದಿನವೇ ಅಂಗೀಕಾರ ನೀಡಲಾಗಿದೆ. ಕರ್ನಾಟಕ, ಕೇರಳ, ಮೇಘಾಲಯ, ರಾಜಸ್ಥಾನಗಳಲ್ಲಿ ಮಾತ್ರ ಒಂದು ಮಸೂದೆಗೆ ಒಪ್ಪಿಗೆ ನೀಡಲು ಸರಾಸರಿ 5 ದಿನ ತೆಗೆದುಕೊಳ್ಳಲಾಗಿದೆ. 

Karnataka No 1 in India For Highest Assembly Sessions grg
Author
First Published Jun 2, 2023, 5:58 AM IST

ನವದೆಹಲಿ(ಜೂ.02):  2022ರಲ್ಲಿ ಅತಿ ಹೆಚ್ಚು ದಿನ ವಿಧಾನಸಭೆ ಕಲಾಪ ನಡೆಸಿದ ರಾಜ್ಯ ಎಂಬ ಹಿರಿಮೆಗೆ ಕರ್ನಾಟಕ ಪಾತ್ರವಾಗಿದೆ. ಮತ್ತೊಂದೆಡೆ, ಬಜೆಟ್‌ ಮೇಲಿನ ಚರ್ಚೆಗೆ ಹೆಚ್ಚು ಅವಕಾಶ ಮಾಡಿಕೊಟ್ಟದೇಶದ ಎರಡನೇ ರಾಜ್ಯವಾಗಿಯೂ ಕರುನಾಡು ಹೊರಹೊಮ್ಮಿದೆ.

ದೇಶದ ವಿವಿಧ ವಿಧಾನಸಭೆಗಳ ಕಲಾಪ ಕುರಿತಂತೆ ಚಿಂತನಾ ಸಂಸ್ಥೆಯಾಗಿರುವ ಪಿಆರ್‌ಎಸ್‌ ಲೆಜಿಸ್ಲೇಟಿವ್‌ ರೀಸರ್ಚ್‌ ಸಂಸ್ಥೆ ವರದಿಯೊಂದನ್ನು ಸಿದ್ಧಪಡಿಸಿದ್ದು, ಅದರಲ್ಲಿ ಈ ಮಾಹಿತಿ ಇದೆ. 2022ನೇ ವರ್ಷದಲ್ಲಿ ದೇಶಾದ್ಯಂತ ಸರಾಸರಿ ಕೇವಲ 21 ದಿನಗಳು ಮಾತ್ರ ವಿಧಾನಸಭೆ ಕಲಾಪ ನಡೆದಿದೆ. ಆದರೆ ಕರ್ನಾಟಕದಲ್ಲಿ 45 ದಿನ ಕಲಾಪ ನಡೆದಿದೆ. ಪಶ್ಚಿಮ ಬಂಗಾಳ (42 ದಿನ) ಹಾಗೂ ಕೇರಳ (41 ದಿನ) ನಂತರದ ಸ್ಥಾನದಲ್ಲಿ ಇವೆ.
2022ರಲ್ಲಿ ಬಜೆಟ್‌ ಬಗ್ಗೆ ತಮಿಳುನಾಡು ವಿಧಾನಸಭೆಯಲ್ಲಿ 26 ದಿನಗಳ ಕಾಲ ಚರ್ಚೆ ನಡೆದಿದೆ. ನಂತರದ ಸ್ಥಾನದಲ್ಲಿ ಕರ್ನಾಟಕ ಇದ್ದು, 15 ದಿನ ಚರ್ಚೆಯಾಗಿದೆ. ಬಳಿಕದ ಸ್ಥಾನದಲ್ಲಿ ಕೇರಳ (14 ದಿನ) ಹಾಗೂ ಒಡಿಶಾ (14 ದಿನ)ಗಳು ಇವೆ ಎಂದು ವರದಿ ವಿವರಿಸಿದೆ.

ಸರ್ಕಾರದಿಂದ ಗುಡ್‌ನ್ಯೂಸ್‌: ಭದ್ರಾವತಿ ವಿಶ್ವೇಶ್ವರಯ್ಯ ಕಾರ್ಖಾನೆ VISL ಉಳಿಸಲು ನಿರ್ಣಯ

ಇದೇ ವೇಳೆ, ವಿಧಾನಸಭೆ ಕಲಾಪಗಳ ಅವಧಿ ಕುಸಿಯುತ್ತಿರುವುದನ್ನು ವರದಿ ಎತ್ತಿ ತೋರಿಸಿದೆ. 2016ರಲ್ಲಿ ವಿಧಾನಸಭೆಗಳು ಸರಾಸರಿ 31 ದಿನ ಕಲಾಪ ನಡೆಸಿದ್ದರೆ, ಅದು ಈಗ 21 ದಿನಕ್ಕೆ ಕುಸಿದಿದೆ. 2016ರಿಂದ 2022ರ ನಡುವಣ ಅವಧಿಯಲ್ಲಿ ವಿಧಾನಸಭೆಗಳು ಸರಾಸರಿ 25 ದಿನ ಕಲಾಪ ನಡೆಸಿವೆ. 48 ದಿನ ಕಲಾಪ ನಡೆಸಿ ಕೇರಳ ಮೊದಲ ಸ್ಥಾನದಲ್ಲಿದ್ದರೆ, ಒಡಿಶಾ (41 ದಿನ) ಹಾಗೂ ಕರ್ನಾಟಕ (35 ದಿನ) ನಂತರದ ಸ್ಥಾನದಲ್ಲಿವೆ ಎಂದು ತಿಳಿಸಿದೆ.

ಪ್ರತಿ ವಿಧಾನಸಭೆಯಲ್ಲೂ ವರ್ಷಕ್ಕೆ 2 ಅಥವಾ 3 ಬಾರಿ ಅಧಿವೇಶನಗಳು ನಡೆಯುತ್ತವೆ. ಈ ಪೈಕಿ ಬಜೆಟ್‌ ಅಧಿವೇಶನ ಸುದೀರ್ಘವಾಗಿರುತ್ತದೆ. ನಂತರ ಮುಂಗಾರು ಹಾಗೂ ಚಳಿಗಾಲದ ಅಧಿವೇಶನಗಳು ನಡೆಯುತ್ತವೆ. ಈಶಾನ್ಯದ 5 ರಾಜ್ಯಗಳು ಸೇರಿ 12 ರಾಜ್ಯಗಳಲ್ಲಿ 2022ರಲ್ಲಿ ಎರಡೇ ಅಧಿವೇಶನ ನಡೆದಿವೆ. ವಿಧಾನಸಭೆಯ ಒಟ್ಟಾರೆ ಕಲಾಪದಲ್ಲಿ ದೇಶದಲ್ಲಿ ಸರಾಸರಿ ಶೇ.61ರಷ್ಟುಬಜೆಟ್‌ ಅಧಿವೇಶನದ್ದೇ ಇದೆ. ಆದರೆ ತಮಿಳುನಾಡಿನಲ್ಲಿ ಶೇ.90ರಷ್ಟುಕಲಾಪವನ್ನು ಬಜೆಟ್‌ ಅಧಿವೇಶನದಲ್ಲಿಯೇ ನಡೆಸಲಾಗಿದೆ. ಗುಜರಾತ್‌ ಹಾಗೂ ರಾಜಸ್ಥಾನದಲ್ಲಿ ಈ ಪ್ರಮಾಣ ಶೇ.80ರಷ್ಟಿದೆ ಎಂದು ಹೇಳಿದೆ.

ಬಜೆಟ್‌ ಮೇಲಿನ ಚರ್ಚೆ ತಮಿಳುನಾಡು, ಕರ್ನಾಟಕದಲ್ಲಿ ಹೆಚ್ಚು ದಿನ ನಡೆದಿದೆ. ಆದರೆ ದೆಹಲಿ, ಮಧ್ಯಪ್ರದೇಶ, ಪಂಜಾಬ್‌ನಲ್ಲಿ ಕೇವಲ 2 ದಿನ ಜರುಗಿದೆ. ನಾಗಾಲ್ಯಾಂಡ್‌ನಲ್ಲಿ ಬಜೆಟ್‌ ಮಂಡಿಸಿದ ದಿನವೇ ಅಂಗೀಕರಿಸಲಾಗಿದೆ ಎಂದು ವರದಿ ವಿವರಿಸಿದೆ.

ವಿಧಾನಸಭೆ: ಆಟೋ ಚಾಲಕರಿಗೆ ನಿಗಮ ಸ್ಥಾಪಿಸಿ: ಜಗದೀಶ್ ಶೆಟ್ಟರ್‌

2022ರಲ್ಲಿ ಅಂಗೀಕರಿಸಲಾದ 322 ಮಸೂದೆಗಳ ಪೈಕಿ ಶೇ.56ರಷ್ಟಕ್ಕೆ ಮಂಡನೆಯಾದ ಮರುದಿನವೇ ಅಂಗೀಕಾರ ನೀಡಲಾಗಿದೆ. ಕರ್ನಾಟಕ, ಕೇರಳ, ಮೇಘಾಲಯ, ರಾಜಸ್ಥಾನಗಳಲ್ಲಿ ಮಾತ್ರ ಒಂದು ಮಸೂದೆಗೆ ಒಪ್ಪಿಗೆ ನೀಡಲು ಸರಾಸರಿ 5 ದಿನ ತೆಗೆದುಕೊಳ್ಳಲಾಗಿದೆ ಎಂದು ತಿಳಿಸಿದೆ.

ದೇಶದಲ್ಲಿ ವಿಧಾನಸಭೆ ಕಲಾಪ ಅವಧಿ ಕುಸಿತ

ದೇಶದಲ್ಲಿ ವಿಧಾನಸಭೆ ಕಲಾಪಗಳ ಅವಧಿ ವರ್ಷದಿಂದ ವರ್ಷಕ್ಕೆ ಕುಸಿಯುತ್ತಿದೆ. 2016ರಲ್ಲಿ ವಿಧಾನಸಭೆಗಳು ಸರಾಸರಿ 31 ದಿನ ಕಲಾಪ ನಡೆಸಿದ್ದರೆ, ಅದು ಈಗ 21 ದಿನಕ್ಕೆ ಕುಸಿದಿದೆ. 2016ರಿಂದ 2022ರ ನಡುವಣ ಅವಧಿಯಲ್ಲಿ ವಿಧಾನಸಭೆಗಳು ಸರಾಸರಿ 25 ದಿನ ಕಲಾಪ ನಡೆಸಿವೆ. 48 ದಿನ ಕಲಾಪ ನಡೆಸಿ ಕೇರಳ ಮೊದಲ ಸ್ಥಾನದಲ್ಲಿದ್ದರೆ, ಒಡಿಶಾ (41 ದಿನ) ಹಾಗೂ ಕರ್ನಾಟಕ (35 ದಿನ) ನಂತರದ ಸ್ಥಾನದಲ್ಲಿವೆ.

Follow Us:
Download App:
  • android
  • ios