ಬೆಂಗಳೂರಿನ ರೋಡ್ ರೇಜ್ ಪ್ರಕರಣ ಈಗ ದೇಶಾದ್ಯಂತ ಟ್ರೆಂಡಿಂಗ್‌ ಸುದ್ದಿಯಾಗಿದೆ. ಭಾರತೀಯ ವಾಯುಪಡೆ (IAF) ಅಧಿಕಾರಿ ವಿಂಗ್ ಕಮಾಂಡರ್ ಶೀಲದಿತ್ಯ ಬೋಸ್ ಮತ್ತು ಬೈಕ್ ಸವಾರ ಟೆಕ್ಕಿ ವಿಕಾಸ್ ಕುಮಾರ್ ಇಬ್ಬರೂ ತಮ್ಮ ತಮ್ಮ ಆರೋಪಗಳನ್ನು ಮಾಡಿಕೊಂಡಿದ್ದಾರೆ. ಈ ಪ್ರಕರಣದಲ್ಲಿ ತಪ್ಪು ಯಾರದ್ದು ಎಂಬುದನ್ನು ನಿಖರವಾಗಿ ನಿರ್ಧರಿಸಲು ಸಂಪೂರ್ಣ ಸಾಕ್ಷ್ಯಗಳು ಮತ್ತು ಕಾನೂನು ತನಿಖೆಯ ಫಲಿತಾಂಶವನ್ನು ಪರಿಗಣಿಸಬೇಕು. ಆದರೆ, ಲಭ್ಯವಿರುವ ಮಾಹಿತಿಯ ಆಧಾರದ ಮೇಲೆ ಕೆಲವು ಪ್ರಮುಖ ಅಂಶಗಳನ್ನು ಇಲ್ಲಿ ಗಮನಿಸಬಹುದು

Twist in Bengaluru road rage: ಬೆಂಗಳೂರಿನ ರೋಡ್ ರೇಜ್ ಪ್ರಕರಣ ಈಗ ದೇಶಾದ್ಯಂತ ಟ್ರೆಂಡಿಂಗ್‌ ಸುದ್ದಿಯಾಗಿದೆ. ಭಾರತೀಯ ವಾಯುಪಡೆ (IAF) ಅಧಿಕಾರಿ ವಿಂಗ್ ಕಮಾಂಡರ್ ಶೀಲದಿತ್ಯ ಬೋಸ್ ಮತ್ತು ಬೈಕ್ ಸವಾರ ಟೆಕ್ಕಿ ವಿಕಾಸ್ ಕುಮಾರ್ ಇಬ್ಬರೂ ತಮ್ಮ ತಮ್ಮ ಆರೋಪಗಳನ್ನು ಮಾಡಿಕೊಂಡಿದ್ದಾರೆ. ಈ ಪ್ರಕರಣದಲ್ಲಿ ತಪ್ಪು ಯಾರದ್ದು ಎಂಬುದನ್ನು ನಿಖರವಾಗಿ ನಿರ್ಧರಿಸಲು ಸಂಪೂರ್ಣ ಸಾಕ್ಷ್ಯಗಳು ಮತ್ತು ಕಾನೂನು ತನಿಖೆಯ ಫಲಿತಾಂಶವನ್ನು ಪರಿಗಣಿಸಬೇಕು. ಆದರೆ, ಲಭ್ಯವಿರುವ ಮಾಹಿತಿಯ ಆಧಾರದ ಮೇಲೆ ಕೆಲವು ಪ್ರಮುಖ ಅಂಶಗಳನ್ನು ಇಲ್ಲಿ ಗಮನಿಸಬಹುದು

ವಿಂಗ್ ಕಮಾಂಡರ್ ವಿಡಿಯೋ: 
ವಿಂಗ್ ಕಮಾಂಡರ್ ಶೀಲದಿತ್ಯ ಬೋಸ್ ಅವರು ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೋವೊಂದರ ಮೂಲಕ ತಾವು ಮತ್ತು ತಮ್ಮ ಪತ್ನಿ ಸ್ಕ್ವಾಡ್ರನ್ ಲೀಡರ್ ಮಧುಮಿತಾ ದತ್ತ ಅವರ ಮೇಲೆ ಬೈಕ್ ಸವಾರನಿಂದ ಕನ್ನಡದಲ್ಲಿ ನಿಂದನೆ ಮತ್ತು ದೈಹಿಕ ಹಲ್ಲೆ ನಡೆದಿದೆ ಎಂದು ಆರೋಪಿಸಿದ್ದರು. ಅವರು ತಮ್ಮ ಕಾರಿನ ಮೇಲಿನ DRDO ಸ್ಟಿಕ್ಕರ್ ಕಂಡು 'ನೀವು DRDO ಜನ' ಎಂದು ವಿಶೇಷವಾಗಿ ಗುರಿಯಾಗಿಸಿ ನಿಂದಿಸಿದರು ಎಂದು ಆರೋಪಿಸಿದರು. 

CCTV ದೃಶ್ಯಾವಳಿಗಳ ತಿರುವು: 
ಆದರೆ, ನಂತರ ಬಿಡುಗಡೆಯಾದ CCTV ದೃಶ್ಯಾವಳಿಗಳು ಈ ಘಟನೆಯ ವಿಭಿನ್ನ ಚಿತ್ರಣವನ್ನು ತೋರಿಸಿವೆ. ಅಂದರೆ ಬೋಸ್ ಅವರು ತಮ್ಮ ಮೇಲೆ ಹಲ್ಲೆ ನಡೆಯಿತು ಎಂಭ ಆರೋಪಕ್ಕೆ ವಿರುದ್ಧವಾಗಿವೆ. ಈ ದೃಶ್ಯಾವಳಿಗಳಲ್ಲಿ ಬೋಸ್ ಅವರೇ ವಿಕಾಸ್ ಕುಮಾರ್ ಎಂಬ ಬೈಕ್ ಸವಾರನ ಮೇಲೆ ಮೊದಲು ದೈಹಿಕವಾಗಿ ಹಲ್ಲೆ ನಡೆಸಿದ್ದಾರೆ ಎಂದು ಕಾಣಿಸುತ್ತದೆ. ಬೋಸ್ ಅವರು ವಿಕಾಸ್ ಅವರ ಕುತ್ತಿಗೆಯನ್ನು ಹಿಡಿದು ನೆಲಕ್ಕೆ ತಳ್ಳಿ, ಒದ್ದು ಹೊಡೆದಿರುವುದು ದೃಶ್ಯಾವಳಿಗಳಲ್ಲಿ ದಾಖಲಾಗಿದೆ. ಇದರ ಜೊತೆಗೆ, ಮಧುಮಿತಾ ದತ್ತ ಅವರು ಕೂಡ ಶಾಬ್ದಿಕವಾಗಿ ವಿಕಾಸ್ ಅವರನ್ನು ದೂಷಿಸುತ್ತಿರುವುದು ಕಂಡುಬಂದಿದೆ.

ಪ್ರಕರಣಕ್ಕೆ ಮತ್ತೊಂದು ತಿರುವು:
ಇನ್ನೊಂದು ವಿಡಿಯೋ ಸಹ ವೈರಲ್ ಆಗಿದೆ. ಆ ವಿಡಿಯೋದಲ್ಲಿ ಮೊದಲಿಗೆ ಹೆಲ್ಮೆಟ್ ಧರಿಸಿರುವ ವಿಕಾಸ್, ರಕ್ತಸಿಕ್ತವಾಗಿ ನಿಂತಿರುವ ಬೋಸ್. ಈ ವಿಡಿಯೋ ಗಮನಿಸಿದಾಗ ಮೊದಲಿಗೆ ವಿಕಾಸ್ ಕಡೆಯಿಂದ ದೈಹಿಕ ಹಲ್ಲೆ ನಡೆದಿರುವುದು ತಿಳಿದುಬರುತ್ತೆ.. ವಿಡಿಯೋದಲ್ಲಿ ಬೋಸ್ ಅವರ ಬಾಯಿಯಲ್ಲಿ ರಕ್ತ ಬಂದಿದೆ. ವಿಕಾಸ್ ಹೆಲ್ಮೆಟ್ ಧರಿಸಿದ್ದಾನೆ. ಈ ವಿಡಿಯೋ ಹೇಳುವುದೇನೆಂದರೆ ಮೊದಲಿಗೆ ವಿಕಾಸ್‌ನಿಂದಲೇ ಹಲ್ಲೆ ಆಗಿದೆ. ಪತ್ನಿ ಮೇಲೆ ಹಲ್ಲೆಗೆ ಯತ್ನಿಸಿದ್ದರಿಂದ ಕುಪಿತಗೊಂದ ವಿಂಗ್ ಕಮಾಂಡರ್ ಬೈಕ್ ಸವಾರ ಹೆಲ್ಮೆಟ್ ತೆಗೆದು ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ. 

ವಿಡಿಯೋ ಇಲ್ಲಿದೆ

Scroll to load tweet…

ಇದನ್ನೂ ಓದಿ: ನಡುರಸ್ತೆಯಲ್ಲೇ ಬೈಕ್‌ ಸವಾರನ ಮೇಲೆ ವಿಂಗ್‌ ಕಮಾಂಡರ್‌ ದೌರ್ಜನ್ಯ, ಭಾಷಾ ತಾರತಮ್ಯದ ಕಥೆ ಕಟ್ಟಿದ ಹೆಂಡ್ತಿ!

ವಿಕಾಸ್ ದೂರು: 
ವಿಕಾಸ್ ಕುಮಾರ್ ಅವರು ತಮ್ಮದೇ ಆದ ದೂರನ್ನು ದಾಖಲಿಸಿದ್ದಾರೆ, ಬೋಸ್ ಅವರ ಕಾರು ತಮ್ಮ ಬೈಕ್‌ಗೆ ಡಿಕ್ಕಿ ಹೊಡೆದಿತು ಎಂದು ಆರೋಪಿಸಿದ್ದಾರೆ. ತಾವು ಇದನ್ನು ಪ್ರಶ್ನಿಸಿದಾಗ, ಬೋಸ್ ಕಾರಿನಿಂದ ಇಳಿದು ತಮ್ಮನ್ನು ತಳ್ಳಿ, ಕುತ್ತಿಗೆ ಹಿಡಿದು ಕೊಲೆಗೆ ಯತ್ನಿಸಿದರು ಎಂದು ದೂರಿದ್ದಾರೆ. ಈ ದೂರಿನ ಆಧಾರದ ಮೇಲೆ ಬೋಸ್ ಅವರ ವಿರುದ್ಧ ‘ಕೊಲೆ ಯತ್ನ’ (BNS ಸೆಕ್ಷನ್ 109), ದೈಹಿಕ ಹಾನಿ, ಮತ್ತು ಶಾಂತಿಭಂಗಕ್ಕೆ ಉದ್ದೇಶಪೂರ್ವಕ ಅವಮಾನ ಸೇರಿದಂತೆ ಆರೋಪಗಳನ್ನು ದಾಖಲಿಸಲಾಗಿದೆ.

ಪೊಲೀಸ್ ಹೇಳೋದೇನು?
ಪೊಲೀಸರು, ಇದೊಂದು 'ರೋಡ್ ರೇಜ್ ಪ್ರಕರಣ'ವೆಂದು ಸ್ಪಷ್ಟವಾಗಿ ಹೇಳಿದ್ದಾರೆ. ಅಲ್ಲದೇ ಇದರಲ್ಲಿ ಭಾಷೆ ಅಥವಾ ಪ್ರಾದೇಶಿಕ ತಾರತಮ್ಯದ ಯಾವುದೇ ಆಯಾಮವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಎರಡು ಕಡೆಯೂ ದೈಹಿಕವಾಗಿ ಬಡಿದಾಡಿಕೊಂಡಿರುವುದು CCTV ದೃಶ್ಯಾವಳಿಗಳಿಂದ ದೃಢಪಟ್ಟಿದೆ. ಈ ಘಟನೆಯನ್ನು ಇಬ್ಬರೂ ತಪ್ಪಿಸಿಕೊಳ್ಳಬಹುದಿತ್ತು ಎಂದು ಪೊಲೀಸರು ಹೇಳಿದ್ದಾರೆ.

ಪೂರ್ವಾಪರ ಸಂದರ್ಭದ ಕೊರತೆ: 
CCTV ದೃಶ್ಯಾವಳಿಗಳು ಘಟನೆಯ ಒಂದು ಭಾಗವನ್ನು ಮಾತ್ರ ತೋರಿಸುತ್ತವೆ, ಆದರೆ ಈ ಜಗಳಕ್ಕೆ ನಿಖರವಾದ ಕಾರಣವೇನು ಎಂಬುದನ್ನು ಸ್ಪಷ್ಟವಾಗಿ ತಿಳಿಸುವ ಆಡಿಯೋ ಅಥವಾ ಪೂರ್ವದ ದೃಶ್ಯಾವಳಿಗಳು ಲಭ್ಯವಿಲ್ಲ. ಉದಾಹರಣೆಗೆ, ವಿಕಾಸ್ ಅವರಿಂದ ಆರಂಭಿಕ ನಿಂದನೆ ಅಥವಾ ಬೆದರಿಕೆ ಒಡ್ಡಲಾಯಿತೇ ಘಟನೆಯಲ್ಲಿ ಕಾರಣವೇನು ಎಂಬುದು ಸ್ಪಷ್ಟವಾಗಿಲ್ಲ.

ಇದನ್ನೂ ಓದಿ: ಬೆಂಗಳೂರು: ಜೆಸಿ ರಸ್ತೆಯಲ್ಲಿ ರಾಂಗ್ ರೂಟ್‌ನಲ್ಲಿ ಬಂದ ಅಂಕಲ್, ಜಪ್ಪಯ್ಯ ಅಂದ್ರೂ ಜರುಗಲಿಲ್ಲ!

ಪ್ರಸ್ತುತ ಲಭ್ಯವಿರುವ ಮಾಹಿತಿಯ ಆಧಾರದ ಮೇಲೆ ಇಬ್ಬರೂ ಘಟನೆಯ ಉಲ್ಬಣಕ್ಕೆ ಕಾರಣರಾಗಿದ್ದಾರೆ ಎಂದು ಕಾಣುತ್ತದೆ. ವಿಕಾಸ್ ಕುಮಾರ್ ಅವರ ರ‍್ಯಾಶ್ ಡ್ರೈವಿಂಗ್ ಮತ್ತು ವಾದವಿವಾದಕ್ಕೆ ತೊಡಗಿದ್ದು ಘರ್ಷಣೆಗೆ ಕಾರಣವಾಯಿತಾದರೆ, ಬೋಸ್ ಅವರ ತೀವ್ರ ದೈಹಿಕ ಹಲ್ಲೆ ಕಾನೂನಿನ ದೃಷ್ಟಿಯಲ್ಲಿ ಗಂಭೀರವಾಗಿದೆ. ಆದ್ಯಾಗೂ, ಘಟನೆಯ ಪೂರ್ವಾಪರ ಸಂದರ್ಭವನ್ನು ಸಂಪೂರ್ಣವಾಗಿ ತಿಳಿಯಲು ಹೆಚ್ಚಿನ ತನಿಖೆ ಮತ್ತು ಸಾಕ್ಷ್ಯಗಳು ಉದಾಹರಣೆಗೆ, ಡ್ಯಾಶ್ ಕ್ಯಾಮ್ ದೃಶ್ಯಾವಳಿಗಳು ಅಗತ್ಯವಿದೆ.

ಕಾನೂನಿನ ತನಿಖೆಯು ಈಗ ಎರಡೂ ದಿಕ್ಕಿನಲ್ಲಿ ನಡೆಯುತ್ತಿದೆ, ಮತ್ತು ಅಂತಿಮ ತೀರ್ಪು ಸಾಕ್ಷ್ಯಗಳ ಆಧಾರದ ಮೇಲೆ ಇರಲಿದೆ. ಪ್ರಕರಣವು ಭಾಷೆ ಅಥವಾ ಪ್ರಾದೇಶಿಕ ತಾರತಮ್ಯದ ಬದಲಿಗೆ ರಸ್ತೆ ಆಕ್ರೋಶದ ಸಮಸ್ಯೆಗೆ ಸಂಬಂಧಿಸಿದೆ ಎಂದು ಪೊಲೀಸರು ಒತ್ತಿಹೇಳಿದ್ದಾರೆ.

ಗಮನಿಸಿ: ಈ ವಿಶ್ಲೇಷಣೆಯು ಲಭ್ಯವಿರುವ ಸಾರ್ವಜನಿಕ ಮಾಹಿತಿಯ ಆಧಾರದ ಮೇಲೆ ಮಾಡಲಾಗಿದೆ. ಕಾನೂನು ತನಿಖೆಯ ಅಂತಿಮ ಫಲಿತಾಂಶವು ಇದಕ್ಕಿಂತ ಭಿನ್ನವಾಗಿರಬಹುದು.