ಇಂಗ್ಲೆಂಡ್ ವಿರುದ್ಧದ ಟಿ20 ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದ ನಾಯಕ ವಿರಾಟ್ ಕೊಹ್ಲಿ ಶುಭಾರಂಭದ ಸಂಭ್ರಮದಲ್ಲಿದ್ದಾರೆ. ಇದರ ಜೊತೆಗೆ ಕೊಹ್ಲಿ ವಿಶೇಷ ದಾಖಲೆ ನಿರ್ಮಿಸಿದ್ದಾರೆ. ಚುಟುಕು ಕ್ರಿಕೆಟ್ನಲ್ಲಿ ಕೊಹ್ಲಿ ಬರೆದ ನೂತನ ದಾಖಲೆ ಯಾವುದು? ಇಲ್ಲಿದೆ ವಿವರ
ಓಲ್ಡ್ ಟ್ರಾಫೋರ್ಡ್(ಜು.04): ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಚುಟುಕು ಕ್ರಿಕೆಟ್ನಲ್ಲಿ ವಿಶ್ವದಾಖಲೆ ನಿರ್ಮಿಸಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ ಅತೀವೇಗದಲ್ಲಿ 2000 ರನ್ ಪೂರೈಸಿದ ಕ್ರಿಕೆಟಿಗ ಅನ್ನೋ ಹೆಗ್ಗಳಿಕೆಗೆ ಕೊಹ್ಲಿ ಪಾತ್ರರಾಗಿದ್ದಾರೆ.
ಓಲ್ಡ್ ಟ್ರಾಫ್ರೋರ್ಡ್ನಲ್ಲಿ ನಡೆದ ಇಂಗ್ಲೆಂಡ್ ವಿರುದ್ದದ ಮೊದಲ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 8 ರನ್ಗಳಿಸುತ್ತಿದ್ದಂತೆ, 2000 ಸಾವಿರ ರನ್ ಪೂರೈಸಿದರು. ಕೊಹ್ಲಿ 60 ಪಂದ್ಯಗಳ 56 ಇನ್ನಿಂಗ್ಸ್ಗಳಲ್ಲಿ 2000 ರನ್ ಪೂರೈಸಿದರು.
Scroll to load tweet…
ಅತೀ ವೇಗದಲ್ಲಿ 2000 ರನ್ ಪೂರೈಸಿದ ಕ್ರಿಕೆಟಿಗರ ಪೈಕಿ ಅಗ್ರಸ್ಥಾನ ಪಡೆದರು. ಈ ಪಂದ್ಯದಲ್ಲಿ ಕೊಹ್ಲಿ ಅಜೇಯ 20 ರನ್ ಸಿಡಿಸೋ ಮೂಲಕ ತಂಡಗ ಗೆಲುವಿನಲ್ಲಿ ಪ್ರಮುಖ ಪಾತ್ರನಿರ್ವಹಿಸಿದರು.
ಟಿ20 ಕ್ರಿಕೆಟ್ನ ಅತೀವೇಗದ 200ರನ್ ಸರದಾರರು:
| ಬ್ಯಾಟ್ಸ್ಮನ್ | ತಂಡ | ಪಂದ್ಯ | ಇನ್ನಿಂಗ್ಸ್ |
| ವಿರಾಟ್ ಕೊಹ್ಲಿ | ಭಾರತ | 60 | 56 |
| ಬ್ರೆಂಡೆನ್ ಮೆಕ್ಕಲಮ್ | ನ್ಯೂಜಿಲೆಂಡ್ | 71 | 66 |
| ಮಾರ್ಟಿನ್ ಗುಪ್ಟಿಲ್ | ನ್ಯೂಜಿಲೆಂಡ್ | 75 | 68 |
| ಶೋಯಿಬ್ ಮಲ್ಲಿಕ್ | ಪಾಕಿಸ್ತಾನ | 99 | 92 |
