ಯುಎಸ್ ಓಪನ್: ಸೆಮೀಸ್'ಗೆ ಲಗ್ಗೆಯಿಟ್ಟ ವೀನಸ್ ವಿಲಿಯಮ್ಸ್
ಪ್ರತಿಷ್ಠಿತ ಗ್ರ್ಯಾಂಡ್'ಸ್ಲ್ಯಾಮ್ ಟ್ರೋಫಿಯನ್ನು 7 ಬಾರಿ ಗೆದ್ದಿರುವ ಅಮೆರಿಕದ ಟೆನಿಸ್ ಆಟಗಾರ್ತಿ ವೀನಸ್ ವಿಲಿಯಮ್ಸ್, ಈ ಬಾರಿಯ ಯುಎಸ್ ಓಪನ್'ನ ಸೆಮೀಸ್'ಗೇರಿದ ಅತ್ಯಂತ ಹಿರಿಯ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ನ್ಯೂಯಾರ್ಕ್(ಸೆ.06): ಯುಎಸ್ ಓಪನ್ ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಅಮೆರಿಕದ ಹಿರಿಯ ಆಟಗಾರ್ತಿ ವೀನಸ್ ವಿಲಿಯಮ್ಸ್ ಮತ್ತು ಅದೇ ದೇಶದ ಯುವ ಆಟಗಾರ್ತಿ ಸ್ಲೋನೆ ಸ್ಟೀಫೆನ್ಸ್ ಸೆಮಿಫೈನಲ್ ಹಂತ ಪ್ರವೇಶಿಸಿದ್ದಾರೆ.
ಪ್ರತಿಷ್ಠಿತ ಗ್ರ್ಯಾಂಡ್'ಸ್ಲ್ಯಾಮ್ ಟ್ರೋಫಿಯನ್ನು 7 ಬಾರಿ ಗೆದ್ದಿರುವ ಅಮೆರಿಕದ ಟೆನಿಸ್ ಆಟಗಾರ್ತಿ ವೀನಸ್ ವಿಲಿಯಮ್ಸ್, ಈ ಬಾರಿಯ ಯುಎಸ್ ಓಪನ್'ನ ಸೆಮೀಸ್'ಗೇರಿದ ಅತ್ಯಂತ ಹಿರಿಯ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
37 ವರ್ಷ ವಯಸ್ಸಿನ ವೀನಸ್ ವಿಲಿಯಮ್ಸ್ ಕ್ವಾರ್ಟರ್‌'ಫೈನಲ್ ಪಂದ್ಯದಲ್ಲಿ 2 ಬಾರಿ ವಿಂಬಲ್ಡನ್ ಚಾಂಪಿಯನ್ ಜೆಕ್ ಗಣರಾಜ್ಯದ ಪೆಟ್ರಾ ಕ್ವಿಟೋವಾ ಅವರನ್ನು ಸೋಲಿಸಿದರು.
ವೀನಸ್ 6-3, 3-6, 7-6(7-2) ಸೆಟ್‌'ಗಳಿಂದ ಕ್ವಿಟೋವಾ ಎದುರು ಜಯದ ನಗೆ ಬೀರಿದರು.
