ನವದೆಹಲಿ(ಅ.04): ಇದೇ ತಿಂಗಳ 29ರಿಂದ ಆರಂಭಗೊಳ್ಳಲಿರುವ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಪಂದ್ಯಾವಳಿಯಲ್ಲಿ ಭಾಗವಹಿಸಲಿರುವ ಭಾರತ ವನಿತೆಯರ ಹಾಕಿ ತಂಡದ ಸಾರಥ್ಯವನ್ನು ಮುಂಪಡೆ ಆಟಗಾರ್ತಿ ವಂದನಾ ಕಟಾರಿಯಾ ಹೊತ್ತುಕೊಂಡಿದ್ದಾರೆ.
ಡಿಫೆಂಡರ್‌ ಸುನಿತಾ ಲಾಕ್ರಾ ಅವರನ್ನು ಉಪನಾಯಕಿಯನ್ನಾಗಿ ನೇಮಿಸಲಾಗಿದ್ದು, ರಿಯೊ ಒಲಿಂಪಿಕ್ಸ್‌ನಲ್ಲಿ ಭಾರತ ತಂಡವನ್ನು ಮುನ್ನಡೆಸಿದ್ದ ಸುಶೀಲಾ ಚಾನು ಅವರನ್ನು ತಂಡದಿಂದ ಕೈಬಿಡಲಾಗಿದೆ. ಟೂರ್ನಿಯಲ್ಲಿ ಭಾರತ ಸೇರಿದಂತೆ ಚೀನಾ, ಜಪಾನ್‌, ಕೊರಿಯಾ ಹಾಗೂ ಮಲೇಷ್ಯಾ ತಂಡಗಳೂ ಭಾಗವಹಿಸಲಿವೆ.
ತಂಡ ಇಂತಿದೆ: ಗೋಲ್‌ಕೀಪರ್‌: ಸವಿತಾ, ರಜನಿ ಎಟಿಮಾರ್ಪು; ಡಿಫೆಂಡರ್‌: ದೀಪ್‌ ಗ್ರೇಸ್‌ ಎಕ್ಕಾ, ರೇಣುಕಾ ಯಾದವ್‌, ಸುನಿತಾ ಲಾಕ್ರಾ, ಹ್ನಿಯಾಲಮ್‌ ಲಾಲ್‌ ರೌತ್‌ ಫೆಲಿ, ನಮಿತಾ ಟೊಪ್ಪೊ; ಮಿಡ್‌ ಫೀಲ್ಡರ್‌: ನಿಕ್ಕಿ ಪ್ರಧಾನ್‌, ನವ್ಜೋತ್‌ ಕೌರ್‌, ಮೋನಿಕಾ, ರಾಣಿ, ದೀಪಿಕಾ, ನವ್ದೀಪ್‌ ಕೌರ್‌; ಫಾರ್ವಾರ್ಡ್‌: ಪೂನಮ್‌ ರಾಣಿ, ಅನುರಾಧಾ ದೇವಿ ಥೋಕ್ಚೋಮ್‌, ವಂದನಾ ಕಟಾರಿಯಾ, ಪ್ರೀತಿ ದುಬೆ, ಪೂನಂ ಬಾರ್ಲಾ.
