ಅಚಿಲೆಸ್ ಬೆಕ್ಕು ಹೇಳಲಿದೆ ಫಿಫಾ ವಿಶ್ವಕಪ್ ಪಂದ್ಯದ ಸೋಲು-ಗೆಲುವಿನ ಭವಿಷ್ಯ
ಫಿಫಾ ವಿಶ್ವಕಪ್ ಟೂರ್ನಿಗೆ ಕ್ಷಣಗಣನೆ ಆರಂಭವಾಗುತ್ತಿದ್ದಂತೆ, ಪಂದ್ಯ ಸೋಲು ಗೆಲುವಿನ ಕುರಿತು ಭವಿಷ್ಯ ಹೇಳಲು ಅಚಿಲೆಸ್ ಬೆಕ್ಕು ಸಜ್ಜಾಗಿದೆ. 2010ರಲ್ಲಿ ಪೌಲ್ ಅಕ್ಟೋಪಸ್ ಮಾಡಿದ ಮೋಡಿ ಇದೀಗ ಅಚಿಲೆಸ್ ಬೆಕ್ಕು ಮಾಡಲು ಮುಂದಾಗಿದೆ. ಬೆಕ್ಕಿನ ಭವಿಷ್ಯ ಇಲ್ಲಿದೆ.
 )
Followಸೈಂಟ್ ಪೀಟರ್ಸ್‌ಬರ್ಗ್(ಜೂನ್.9): ಫಿಫಾ ವಿಶ್ವಕಪ್ ಫುಟ್ಬಾಲ್ ಟೂರ್ನಿ ಪಂದ್ಯದಲ್ಲಿ ಸೋಲು-ಗೆಲುವು ಲೆಕ್ಕಾಚಾರ ಹಾಕಲು ಇದೀಗ ಅಚಿಲೆಸ್ ಬೆಕ್ಕು ರೆಡಿಯಾಗಿದೆ. 2010ರಲ್ಲಿ ಪೌಲ್ ಅಕ್ಟೋಪಸ್ ಫಿಫಾ ಪಂದ್ಯದ ಭವಿಷ್ಯ ಹೇಳೋ ಮೂಲಕ ಭಾರಿ ಜನಪ್ರೀಯವಾಗಿತ್ತು. ಆದರೆ ಈ ಬಾರಿ ಅಚಿಲೆ ಬೆಕ್ಕು ಸೋಲು-ಗೆಲುವಿನ ಭವಿಷ್ಯ ನುಡಯಲಿದೆ.
ಈ ಬಾರಿಯ ವಿಶೇಷತೆ ಅಂದರೆ ಅಚಿಲೆಸ್ ಬೆಕ್ಕಿಗೆ ಕಿವಿ ಕೇಳಿಸಲ್ಲ. ಪಂದ್ಯಕ್ಕೂ ಮೊದಲು ತಂಡಗಳ ಧ್ವಜವಿರೋ ಪಾತ್ರೆಗಳನ್ನ ಇಡಲಾಗುತ್ತೆ. ಬೆಕ್ಕು ಯಾವುದನ್ನ ಮೊದಲು ಮುಟ್ಟುತ್ತೋ ಆ ತಂಡ ಗೆಲ್ಲಲಿದೆ ಎಂದು ಬೆಕ್ಕಿಗೆ ತರಬೇತಿ ನೀಡಿರುವ ಹರ್ಮಿಟೇಜ್ ಮ್ಯೂಸಿಯಂನ ಅನಾ ಕಸಾಕ್ತಿನ ಹೇಳಿದ್ದಾರೆ.
2010ರ ಫಿಫಾ ಪಂದ್ಯದ ವೇಳೆ ಪೌಲ್ ಅಕ್ಟೋಪಸ್ ಭವಿಷ್ಯ ಬಹುತೇಕ ನಿಜವಾಗಿತ್ತು. ಹೀಗಾಗಿ ಪೌಲ್ ಭವಿಷ್ಯ ವಿಶ್ವದಲ್ಲೇ ಮನೆಮಾತಾಗಿತ್ತು. ಈ ಬಾರಿ ಅಚಿಲೆಸ್ ಭವಿಷ್ಯ ನಿಜವಾಗುತ್ತಾ ಅನ್ನೋ ಕುತೂಹಲ ಈಗ ಫಿಫಾ ಅಭಿಮಾನಿಗಳಲ್ಲಿ ಮನೆ ಮಾಡಿದೆ.
