Asianet Suvarna News Asianet Suvarna News

ದಿವ್ಯಾಂಗರ ಟಿ20 ಕ್ರಿಕೆಟ್: ಆಂಗ್ಲರನ್ನು ಬಗ್ಗುಬಡಿದು ಚಾಂಪಿಯನ್ ಆದ ಟೀಂ ಇಂಡಿಯಾ

ದಿವ್ಯಾಂಗರ ಕ್ರಿಕೆಟ್ ಟೀಂ ಇಂಡಿಯಾ, ಸ್ವಾತಂತ್ರ್ಯ ದಿನಾಚರಣೆಗೂ ಮುನ್ನವೇ ಆಂಗ್ಲರನ್ನು ಬಗ್ಗುಬಡಿದು ಭಾರತೀಯರಿಗೆ ಸಿಹಿ ಸುದ್ದಿ ನೀಡಿದೆ. ಆಂಗ್ಲರ ನೆಲದಲ್ಲಿ ತ್ರಿವರ್ಣ ಧ್ವಜ ಹಾರಿಸಿದ ಭಾರತ ತಂಡಕ್ಕೆ ಅಭಿನಂದನೆಗಳ ಮಹಾಪೂರವೇ ಹರಿದು ಬಂದಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ... 

Team India defeat England in final to claim inaugural T20 Physical Disability World Cricket Series
Author
New Delhi, First Published Aug 14, 2019, 6:17 PM IST

ಮುಂಬೈ[ಆ.14]: ಆತಿಥೇಯ ಇಂಗ್ಲೆಂಡ್ ತಂಡವನ್ನು 36 ರನ್’ಗಳಿಂದ ಮಣಿಸಿದ ಭಾರತ ಚೊಚ್ಚಲ ದಿವ್ಯಾಂಗರ ಟಿ20 ಸರಣಿಯಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಇದರೊಂದಿಗೆ ಒಂದು ದಿನ ಮುಂಚಿತವಾಗಿಯೇ ಇಂಗ್ಲೆಂಡ್ ನೆಲದಲ್ಲಿ ತ್ರಿವರ್ಣ ಧ್ವಜ ಹಾರಿಸುವಲ್ಲಿ ಭಾರತ ತಂಡ ಯಶಸ್ವಿಯಾಗಿದೆ.

ಇಂಡೋ-ವಿಂಡೀಸ್ ಫೈಟ್: ಹೀಗಿದೆ ನೋಡಿ ಭಾರತ ಸಂಭಾವ್ಯ ತಂಡ

ಇಂಗ್ಲೆಂಡ್’ನ ಬ್ಲ್ಯಾಕ್’ಫಿಂಚ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಭಾರತ ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 180 ರನ್ ಬಾರಿಸಿತ್ತು. ಮಧ್ಯಮ ಕ್ರಮಾಂಕದ ಬ್ಯಾಟ್ಸ್’ಮನ್ R G ಸ್ಯಾಂಟೆ ಕೇವಲ 34 ಎಸೆತಗಳಲ್ಲಿ 53 ರನ್ ಸಿಡಿಸಿದರು. ಇವರ ಜತೆ ಆರಂಭಿಕರಾದ ಕೆ.ಡಿ ಫನಾಸೆ[36] ಹಾಗೂ ವಿಕ್ರಾಂತ್ ಕಿಣಿ[29] ಭಾರತ ಪರ ಗೌರವಾನ್ವಿತ ಮೊತ್ತ ಕಲೆಹಾಕಲು ನೆರವಾದರು.

ಇಂಡೋ-ವಿಂಡೀಸ್ ಫೈಟ್: ಸರಣಿ ಜಯದ ಮೇಲೆ ಕಣ್ಣಿಟ್ಟ ಭಾರತ

ಇನ್ನು ಗುರಿ ಬೆನ್ನತ್ತಿದ ಇಂಗ್ಲೆಂಡ್’ಗೆ ಫನಾಸೆ ಹಾಗೂ ಎಸ್. ಗೋಯೆಲ್ ಆಘಾತ ನೀಡುವಲ್ಲಿ ಯಶಸ್ವಿಯಾದರು. ಇಂಗ್ಲೆಂಡ್ ತಂಡವನ್ನು ಕೇವಲ 144 ರನ್’ಗಳಿಗೆ ನಿಯಂತ್ರಿಸುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಭಾರತದ ದಿವ್ಯಾಂಗರ ಕ್ರಿಕೆಟ್ ತಂಡದ ಸಾಧನೆಗೆ ಬಿಸಿಸಿಐ ಮತ್ತು ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ವಾಸೀಂ ಜಾಫರ್ ಅಭಿನಂದನೆ ಸಲ್ಲಿಸಿದ್ದಾರೆ.  

 

Follow Us:
Download App:
  • android
  • ios