ಶಿಕ್ಷಕರ ದಿನಾಚರಣೆ ವಿಶೇಷ; ಗೋಪಿಚಂದ್ ಚಿತ್ರಕ್ಕೆ ಸಿಂಧು ನಿರ್ಮಾಪಕಿ..!
‘ಕೋಚ್ ನನ್ನ ಪ್ರತಿ ಸಾಧನೆಯ ಹಿಂದಿದ್ದಾರೆ. ನನ್ನ ಕನಸುಗಳು ನನಸಾಗಲು ಹಗಲು ರಾತ್ರಿ ದುಡಿದಿದ್ದಾರೆ. ಈ ಶಿಕ್ಷಕರ ದಿನದಂದು ನನ್ನ ಸಕಲ ಯಶಸ್ಸನ್ನೂ ಕೋಚ್'ಗೆ ಅರ್ಪಿಸುತ್ತೇನೆ’ಎಂದು ಸಿಂಧು ಹೇಳಿದ್ದಾರೆ.
ನವದೆಹಲಿ(ಸೆ.05): ಒಲಿಂಪಿಕ್ಸ್ ಹಾಗೂ ವಿಶ್ವ ಚಾಂಪಿಯನ್'ಶಿಪ್ ಬೆಳ್ಳಿ ಪದಕ ವಿಜೇತೆ ಪಿ.ವಿ.ಸಿಂಧು ತಮ್ಮ ಕೋಚ್ ಪಿ.ಗೋಪಿಚಂದ್ ಅವರ ಕುರಿತ ಡಿಜಿಟಲ್ ಚಿತ್ರಕ್ಕೆ ನಿರ್ಮಾಪಕಿಯಾಗಿದ್ದಾರೆ.
ಶಿಕ್ಷಕರ ದಿನಾಚರಣೆ ಅಂಗವಾಗಿ ತಂಪು ಪಾನೀಯ ಸಂಸ್ಥೆಯೊಂದು ತರಬೇತುದಾರರ ಕುರಿತ ಕಿರುಚಿತ್ರವೊಂದನ್ನು ತಯಾರಿಸಿದೆ. ಈ ಚಿತ್ರದಲ್ಲಿ ಸಿಂಧು ಹಾಗೂ ಗೋಪಿಚಂದ್ ನಡುವಿನ ವಿಶೇಷ ಸಂಬಂಧ, ಸಿಂಧು ಯಶಸ್ಸಿನಲ್ಲಿ ಗೋಪಿಚಂದ್ ಪಾತ್ರ ಎಷ್ಟಿದೆ ಎನ್ನುವುದರ ಕುರಿತು ತೋರಿಸಲಾಗಿದೆ.
‘ಕೋಚ್ ನನ್ನ ಪ್ರತಿ ಸಾಧನೆಯ ಹಿಂದಿದ್ದಾರೆ. ನನ್ನ ಕನಸುಗಳು ನನಸಾಗಲು ಹಗಲು ರಾತ್ರಿ ದುಡಿದಿದ್ದಾರೆ. ಈ ಶಿಕ್ಷಕರ ದಿನದಂದು ನನ್ನ ಸಕಲ ಯಶಸ್ಸನ್ನೂ ಕೋಚ್'ಗೆ ಅರ್ಪಿಸುತ್ತೇನೆ’ಎಂದು ಸಿಂಧು ಹೇಳಿದ್ದಾರೆ.