ಹುಟ್ಟು ಹಬ್ಬದ ದಿನ ಇನ್ಸ್ಸ್ಟಾಗ್ರಾಂ ಸೇರಿದ ಗಂಗೂಲಿ; ಒಂದೇ ದಿನಕ್ಕೆ ದಾಖಲೆ!
ಟೀಂ ಇಂಡಿಯಾ ಮಾಜಿ ನಾಯಕ ಸೌರವ್ ಗಂಗೂಲಿ ಇನ್ಸ್ಸ್ಟಾಗ್ರಾಂ ಅಕೌಂಟ್ ಒಪನ್ ಮಾಡಿದ್ದಾರೆ. ಇನ್ಸ್ಸ್ಟಾ ಸೇರಿದ ಒಂದೇ ದಿನಕ್ಕೆ ಗಂಗೂಲಿ ದಾಖಲೆ ಬರೆದಿದ್ದಾರೆ.
ಮುಂಬೈ(ಜು.08): ಟೀಂ ಇಂಡಿಯಾ ಮಾಜಿ ನಾಯಕ, ಭಾರತ ಕಂಡ ಯಶಸ್ವಿ ಕ್ಯಾಪ್ಟನ್ ಸೌರವ್ ಗಂಗೂಲಿ 47ನೇ ವರ್ಷದ ಹುಟ್ಟು ಹಬ್ಬ ಆಚರಿಸಿದ್ದಾರೆ. ಗಂಗೂಲಿ ಹುಟ್ಟು ಹಬ್ಬಕ್ಕೆ ಕ್ರಿಕೆಟಿಗರು ಸೇರಿದಂತೆ ಅಭಿಮಾನಿಗಳು ಶುಭಕೋರಿದ್ದಾರೆ. ಈ ವಿಶೇಷ ದಿನ ಗಂಗೂಲಿ, ಸಾಮಾಜಿಕ ಜಾಲತಾಣವಾದ ಇನ್ಸ್ಸ್ಟಾಗ್ರಾಂ ಖಾತೆಯನ್ನೂ ತೆರೆದಿದ್ದಾರೆ.
ಇದನ್ನೂ ಓದಿ: ದಾದಾಗಿಂದು 47ನೇ ಹುಟ್ಟುಹಬ್ಬದ ಸಂಭ್ರಮ; ನೆನಪಿದೆಯಾ ಆ ಕ್ಷಣ..?
souravganguly ಹೆಸರಿನಲ್ಲಿ ದಾದಾ ನೂತನ ಇನ್ಸ್ಸ್ಟಾಗ್ರಾಂ ಖಾತೆ ತೆರೆದಿದ್ದಾರೆ. ಈ ಮೂಲಕ ಅಭಿಮಾನಿಗಳ ಜೊತೆ ನೇರ ಸಂಪರ್ಕದಲ್ಲಿರಲು ಇಚ್ಚಿಸಿದ್ದಾರೆ. ಖಾತೆ ತೆರದೆ ಮೊದಲ ದಿನವೇ ಗಂಗೂಲಿ 80,000 ಅಭಿಮಾನಿಗಳು, ಕ್ರಿಕೆಟಿಗರು ಫಾಲೋ ಮಾಡಿದ್ದಾರೆ. ಈ ಮೂಲಕ ಕಡಿಮೆ ಅವಧಿಯಲ್ಲಿ ಗರಿಷ್ಠ ಫಾಲೋವರ್ಸ್ ಪಡದೆ ಹಗ್ಗೆಳಿಕೆಗೆ ಪಾತ್ರರಾಗಿದ್ದಾರೆ.
ಇದನ್ನೂ ಓದಿ: 'ದಾದಾ'ಗಿರಿಯ ಆನ್ ಫೀಲ್ಡ್ Untold ಸ್ಟೋರಿ
ಗಂಗೂಲಿ ಇನ್ಸ್ಟಾಗ್ರಾಂನಲ್ಲಿ 2 ಪೋಸ್ಟ್ ಹಾಕಲಾಗಿದೆ. ಇನ್ಸ್ಸ್ಟಾಗ್ರಾಂ ಖಾತೆ ತೆರೆದ ಬಳಿಕ ಕೇಕ್ ಕತ್ತರಿಸುತ್ತಿರುವ ಫೋಟೋ ಹಾಗೂ ಹುಟ್ಟು ಹಬ್ಬಕ್ಕೆ ಬಂಗಾಳಿಯಲ್ಲಿ ಶುಭಕೋರಿದ ಕೇಕ್ ಕತ್ತರಿಸುವ ವಿಡಿಯೋ ಹಾಕಿದ್ದಾರೆ. ಇನ್ಸ್ಸ್ಟಾ ಕೇಕ್ ಕತ್ತರಿಸುವ ಫೋಟೋಗೆ ಬರೋಬ್ಬರಿ 74,000ಕ್ಕೂ ಅಧಿಕ ಮಂದಿ ಲೈಕ್ ಮಾಡಿದ್ದಾರೆ.