ಕೆಪಿಎಲ್ ಟಿ20: ಬೆಂಗಳೂರಿನಲ್ಲಿ ಮೊದಲ ಪಂದ್ಯ
ಟೂರ್ನಿಯಲ್ಲಿ ಹೊಸ ಪ್ರಾಂಚೈಸಿಯಾಗಿರುವ ಬೆಂಗಳೂರು ಬ್ಲಾಸ್ಟರ್ಸ್ ತಂಡ, ಸೆ.2ರಂದು ಮೈಸೂರು ವಾರಿಯರ್ಸ್ ಎದುರು ಮೊದಲ ಪಂದ್ಯವನ್ನಾಡಲಿದೆ.
ಬೆಂಗಳೂರು(ಆ.16): ಬಹು ನೀರಿಕ್ಷಿತ 6ನೇ ಆವೃತ್ತಿಯ ಕರ್ನಾಟಕ ಪ್ರೀಮಿಯರ್ ಲೀಗ್(ಕೆಪಿಎಲ್)ನ ಉದ್ಘಾಟನಾ ಪಂದ್ಯದಲ್ಲಿ ಕಳೆದ ಬಾರಿಯ ರನ್ನರ್ ಅಪ್ ಹುಬ್ಬಳ್ಳಿ ಟೈಗರ್ಸ್ ಮತ್ತು ಬೆಳಗಾವಿ ಪ್ಯಾಂಥರ್ಸ್ ಸೆಣಸಲಿದೆ.
ಸೆ.1ರಿಂದ 23ರ ವರೆಗೆ ಪಂದ್ಯಾವಳಿ ನಡೆಯಲಿದ್ದು, 19 ದಿನಗಳ ಕಾಲ, 7 ತಂಡಗಳು ಗೆಲುವಿಗಾಗಿ ಕಾದಾಟ ನಡೆಸಲಿವೆ. ಈ ಬಾರಿ ಬೆಂಗಳೂರು, ಹುಬ್ಬಳ್ಳಿ ಮತ್ತು ಮೈಸೂರಿನಲ್ಲಿ ಪಂದ್ಯಗಳನ್ನು ನಡೆಸಲು ನಿರ್ಧರಿಸಲಾಗಿದೆ. ಉದ್ಘಾಟನಾ ಪಂದ್ಯ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದೆ.
ಟೂರ್ನಿಯಲ್ಲಿ ಹೊಸ ಪ್ರಾಂಚೈಸಿಯಾಗಿರುವ ಬೆಂಗಳೂರು ಬ್ಲಾಸ್ಟರ್ಸ್ ತಂಡ, ಸೆ.2ರಂದು ಮೈಸೂರು ವಾರಿಯರ್ಸ್ ಎದುರು ಮೊದಲ ಪಂದ್ಯವನ್ನಾಡಲಿದೆ. ಸೆ.1 ಮತ್ತು 2ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಪಂದ್ಯಗಳು ನಡೆಯಲಿವೆ. ಸೆ.3ರಂದು ಬಿಡುವು ಇರಲಿದೆ.
ಇನ್ನು 4ರಿಂದ 12ರ ವರೆಗೆ ಮೈಸೂರಿನಲ್ಲಿ, 14 ರಿಂದ 16 ರವರೆಗೆ ಹುಬ್ಬಳ್ಳಿಯಲ್ಲಿ ಪಂದ್ಯಗಳು ನಡೆಯಲಿವೆ. 17 ರಂದು ಭಾರತ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಏಕದಿನ ಪಂದ್ಯಕ್ಕಾಗಿ ಬಿಡುವು ನೀಡಲಾಗಿದೆ. 18ರಿಂದ ಆರಂಭವಾಗುವ ಪಂದ್ಯಗಳು ಹುಬ್ಬಳ್ಳಿಯಲ್ಲಿ ನಡೆಯಲಿದೆ. 20ರಂದು ಮೊದಲ ಸೆಮಿಫೈನಲ್ 22ರಂದು ಎರಡನೇ ಸೆಮಿಫೈನಲ್ ನಡೆಯಲಿದೆ. ಇನ್ನು 23 ರಂದು ಫೈನಲ್ ಪಂದ್ಯ ನಡೆಯಲಿದೆ.
ಸೆ.4ರಂದು ಮೈಸೂರು ವಾರಿಯರ್ಸ್- ಬಿಜಾಪುರ ಬುಲ್ಸ್ ಎದುರು ಸೆಣಸಲಿದೆ. 5 ರಂದು ನಮ್ಮ ಶಿವಮೊಗ್ಗ- ಬಳ್ಳಾರಿ ಟಸ್ಕರ್ಸ್ ಎದುರು ಸೆಣಸಲಿದೆ.