ಭಾರತೀಯ ಅಭಿಮಾನಿಯೊಬ್ಬಳಿಗೆ ಫೆಡರರ್ ಸ್ಪೆಷಲ್ ಗಿಫ್ಟ್! ವಿಡಿಯೋ ವೈರಲ್
- 9ನೇ ವಿಂಬಲ್ಡನ್ ಗೆಲುವಿನ ಕನಸಿನಲ್ಲಿರುವ ಟೆನಿಸ್ ಮಾಂತ್ರಿಕ ಫೆಡರರ್
- ಭಾರತ ಮೂಲದ ಟೆನಿಸ್ ಅಭಿಮಾನಿಗೆ ವಿಶೇಷ ಗಿಫ್ಟ್ ನೀಡುವ ವಿಡಿಯೋ ವೈರಲ್
ಲಂಡನ್: ಅಂಕಣದಲ್ಲಿ ತಮ್ಮ ಸೊಗಸಾದ ಆಟದ ನೆರವಿನಿಂದ ಗೆದ್ದಿರುವ ಫೆಡರರ್, ಅಂಕಣದ ಹೊರಗೂ ಅಭಿಮಾನಿಗಳ ಹೃದಯ ಗೆಲ್ಲುವಲ್ಲಿ ಹಿಂದೆ ಬಿದ್ದಿಲ್ಲ.
9ನೇ ವಿಂಬಲ್ಡನ್ ಗೆಲುವಿನ ಕನಸಿನಲ್ಲಿರುವ ಫೆಡರರ್, ಈ ಬಾರಿ ಭಾರತ ಮೂಲದ ಟೆನಿಸ್ ಅಭಿಮಾನಿಯೊಬ್ಬಳಿಗೆ ತಮ್ಮ ‘ಹೆಡ್‌ಬ್ಯಾಂಡ್’ ನೀಡಿ ಗಮನ ಸೆಳೆದಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Ask and you shall receive… 🤗#Wimbledon @rogerfederer pic.twitter.com/QaEVpNqenB
— Wimbledon (@Wimbledon) July 2, 2018
ವಿಡಿಯೋದಲ್ಲಿ ‘ನನಗೆ ನಿಮ್ಮ ಹೆಡ್ ಬ್ಯಾಂಡ್ ಸಿಗುತ್ತದೇಯೇ?’ ಎಂದು ಬರೆದಿದ್ದ ಪೋಸ್ಟರ್ ಹಿಡಿದು ನಿಂತಿದ್ದ ಬಾಲಕಿಯನ್ನು ಪಂದ್ಯದ ವೇಳೆ ಗಮನಿಸಿದ್ದ ಫೆಡರರ್, ಹತ್ತಿರ ಬಂದು ತಮ್ಮ ಹೆಡ್‌ಬ್ಯಾಂಡ್ ನೀಡಿದ್ದರು.
ಈ ವಿಡಿಯೋ ನೋಡಿ ಟ್ವೀಟರ್‌ನಲ್ಲಿ ಬರೆದಿರುವ ಭಾರತ ಸಂಜಾತ ಅಭಿಜೀತ್ ಜೋಶಿ, ‘ಹೆಡ್‌ಬ್ಯಾಂಡ್ ಪಡೆದಿರುವ ಬಾಲಕಿ ನನ್ನ ಮಗಳು. ಫೆಡರರ್‌ನ ದೊಡ್ಡ ಅಭಿಮಾನಿ. ಫೆಡರರ್‌ಗೆ ಧನ್ಯವಾದ’ ಎಂದಿದ್ದಾರೆ.
Last Updated Jul 4, 2018, 10:47 AM IST
