ಪ್ಲೇ-ಆಫ್: ಆನ್‌ಲೈನ್‌ನಲ್ಲಿ 82 ಲಕ್ಷ ದಾಖಲೆ ವೀಕ್ಷಣೆ!
ಐಪಿಎಲ್ 11ನೇ ಆವೃತ್ತಿ ಪ್ಲೇ-ಆಫ್ ಪಂದ್ಯಗಳ ಸಮಯವನ್ನು ಬದಲಿಸಿದ ಬಿಸಿಸಿಐ ನಿರ್ಧಾರಕ್ಕೆ ಮನ್ನಣೆ ದೊರೆತಿದೆ. ಮೇ 22ರಂದು ಮುಂಬೈನಲ್ಲಿ ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಸನ್‌ರೈಸರ್ಸ್‌ ಹೈದರಾಬಾದ್ ನಡುವಿನ ಮೊದಲ ಕ್ವಾಲಿಫೈಯರ್ ಪಂದ್ಯವನ್ನು ಅಭಿಮಾನಿಗಳು ಆನ್‌ಲೈನ್ (ಹಾಟ್‌ಸ್ಟಾರ್)ನಲ್ಲಿ ದಾಖಲೆ ಪ್ರಮಾಣದಲ್ಲಿ ವೀಕ್ಷಿಸಿದ್ದಾರೆ.
ಮುಂಬೈ(ಮೇ.25): ಐಪಿಎಲ್ 11ನೇ ಆವೃತ್ತಿ ಪ್ಲೇ-ಆಫ್ ಪಂದ್ಯಗಳ ಸಮಯವನ್ನು ಬದಲಿಸಿದ ಬಿಸಿಸಿಐ ನಿರ್ಧಾರಕ್ಕೆ ಮನ್ನಣೆ ದೊರೆತಿದೆ. ಮೇ 22ರಂದು ಮುಂಬೈನಲ್ಲಿ ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಸನ್‌ರೈಸರ್ಸ್‌ ಹೈದರಾಬಾದ್ ನಡುವಿನ ಮೊದಲ ಕ್ವಾಲಿಫೈಯರ್ ಪಂದ್ಯವನ್ನು ಅಭಿಮಾನಿಗಳು ಆನ್‌ಲೈನ್ (ಹಾಟ್‌ಸ್ಟಾರ್)ನಲ್ಲಿ ದಾಖಲೆ ಪ್ರಮಾಣದಲ್ಲಿ ವೀಕ್ಷಿಸಿದ್ದಾರೆ.
ಹಾಟ್‌ಸ್ಟಾರ್ ಸಂಸ್ಥೆಯ ಅಧಿಕೃತ ಮಾಹಿತಿ ಪ್ರಕಾರ, ಏಕಕಾಲದಲ್ಲಿ ಆ ಪಂದ್ಯವನ್ನು ಬರೋಬ್ಬರಿ 82.6 ಲಕ್ಷ ಮಂದಿ ವೀಕ್ಷಿಸಿದ್ದಾರೆ. ಆ ಪಂದ್ಯವನ್ನು ಚೆನ್ನೈ 2 ವಿಕೆಟ್‌ಗಳಿಂದ ರೋಚಕವಾಗಿ ಗೆದ್ದುಕೊಂಡಿತ್ತು. 2012ರಲ್ಲಿ ಆಸ್ಟ್ರಿಯಾದ ಫೆಲಿಕ್ಸ್ ಬೌಮ್ಗಾರ್ಟ್ನರ್ ವಾಯುಮಂಡಲಕ್ಕೆ ಧುಮುಕಿದ್ದ ವಿಡಿಯೋವನ್ನು ಯೂಟ್ಯೂಬ್‌ನಲ್ಲಿ 80 ಲಕ್ಷಕ್ಕೂ ಹೆಚ್ಚು ಜನ ನೇರ ಪ್ರಸಾರದಲ್ಲಿ ವೀಕ್ಷಿಸಿದ್ದು ಇದುವರೆಗಿನ ದಾಖಲೆಯಾಗಿತ್ತು.
