ಮ್ಯಾಂಚೆಸ್ಟರ್ ಯುನೈಟೆಡ್'ನ ಜೋಸ್ ಮೌರೀನೊ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ಕೋಚ್ ಎಂದು ‘ಫ್ರಾನ್ಸ್‌ ಫುಟ್ಬಾಲ್‌' ವರದಿ ಮಾಡಿದೆ.

ಪೋರ್ಚುಗಲ್(ಮಾ.30): ರಿಯಲ್‌ ಮ್ಯಾಡ್ರಿಡ್‌ ಕ್ಲಬ್‌'ನ ಪೋರ್ಚುಗೀಸ್‌ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ 2016-17ರ ಸಾಲಿನಲ್ಲಿ ಗರಿಷ್ಠ ಹಣ ಸಂಪಾದಿಸಿದ ಜಗತ್ತನ ನಂ.1 ಫುಟ್ಬಾಲಿಗ ಎನ್ನುವ ಕೀರ್ತಿಗೆ ಭಾಜನರಾಗಿದ್ದಾರೆ. ಈ ಮೂಲಕ ತನ್ನ ನಿಕಟ ಸ್ಪರ್ಧಿ ಅರ್ಜೆಂಟೀನಾ ಹಾಗೂ ಬಾರ್ಸಿಲೋನಾದ ಲಯೊನೆಲ್‌ ಮೆಸ್ಸಿಯನ್ನು ಹಿಂದಿಕ್ಕುವಲ್ಲಿ ರೊನಾಲ್ಡೊ ಯಶಸ್ವಿಯಾಗಿದ್ದಾರೆ.
ರೊನಾಲ್ಡೊ 87.5 ಮಿಲಿಯನ್‌ ಯೂರೋ (ಅಂದಾಜು 618 ಕೋಟಿ ರೂಪಾಯಿ) ಸಂಪಾದಿಸಿದ್ದಾರೆ ಎಂದು ‘ಫ್ರಾನ್ಸ್‌ ಫುಟ್ಬಾಲ್‌' ತನ್ನ ಸಂಚಿಕೆಯಲ್ಲಿ ವರದಿ ಮಾಡಿದೆ.

ಮೆಸ್ಸಿ 76.5 ಮಿಲಿಯನ್‌ ಯೂರೋ (ಅಂದಾಜು 540 ಕೋಟಿ ರು.) ಸಂಪಾದನೆಯೊಂದಿಗೆ 2ನೇ ಸ್ಥಾನದಲ್ಲಿದ್ದರೆ, ಬ್ರೆಜಿಲ್‌ನ ನೇಮಾರ್‌ (392 ಕೋಟಿ ರು.) ಹಾಗೂ ವೇಲ್ಸ್‌'ನ ಗೆರಾತ್‌ ಬೇಲ್‌ (289) ಸಂಪಾದನೆಯೊಂದಿಗೆ ಕ್ರಮವಾಗಿ 3 ಹಾಗೂ 4ನೇ ಸ್ಥಾನ ಪಡೆದಿದ್ದಾರೆ. 

ಮ್ಯಾಂಚೆಸ್ಟರ್ ಯುನೈಟೆಡ್'ನ ಜೋಸ್ ಮೌರೀನೊ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ಕೋಚ್ ಎಂದು ‘ಫ್ರಾನ್ಸ್‌ ಫುಟ್ಬಾಲ್‌' ವರದಿ ಮಾಡಿದೆ.