Asianet Suvarna News Asianet Suvarna News

PKL 2019: ಆರಂಭದಲ್ಲಿ ಅಬ್ಬರಿಸಿ ಅಂತ್ಯದಲ್ಲಿ ಪಂದ್ಯ ಕೈಚೆಲ್ಲಿದ ಬುಲ್ಸ್!

ಪ್ರೊ ಕಬಡ್ಡಿ ಲೀಗ್ ಟೂರ್ನಿಯಲ್ಲಿ ಬೆಂಗಳೂರು ಬುಲ್ಸ್ ಮತ್ತೆ ಸೋಲಿಗೆ ಜಾರಿದೆ. ಕೋಲ್ಕತಾದಲ್ಲಿ ನಡೆದ ಪಂದ್ಯದಲ್ಲಿ ಆತಿಥೇಯ ಬೆಂಗಾಲ್ ವಾರಿಯರ್ಸ್ ವಿರುದ್ಧ ನಿರಾಸೆ ಅನುಭವಿಸಿದೆ.

Pro kabaddi 2019 Bengal Warriors Beat Bengaluru Bulls by 42-40 points
Author
Bengaluru, First Published Sep 12, 2019, 10:05 PM IST
  • Facebook
  • Twitter
  • Whatsapp

ಕೋಲ್ಕತಾ(ಸೆ.12): ಆರಂಭದಿಂದ ಅಂತಿಮ ಹಂತದ ವರೆಗೆ ಮುನ್ನಡೆಯಲ್ಲಿದ್ದ ಬೆಂಗಳೂರು ಬುಲ್ಸ್ ಅಂತಿಮ 2 ನಿಮಿಷದಲ್ಲಿ ಪಂದ್ಯ ಕೈಚೆಲ್ಲಿದೆ. ಬೆಂಗಾಲ್ ವಾರಿಯರ್ಸ್ ವಿರುದ್ಧದ ನಡೆದ ರೋಟಕ ಹೋರಾಟದಲ್ಲಿ ಬೆಂಗಳೂರು ಬುಲ್ಸ್ ಸೋಲಿಗೆ ಶರಣಾಗಿದೆ. 40-42 ಅಂಕಗಳ ಮೂಲಕ ಬೆಂಗಳೂರು ಬುಲ್ಸ್ ಮುಗ್ಗರಿಸಿದೆ. 

ಇದನ್ನೂ ಓದಿ: ಸುವರ್ಣನ್ಯೂಸ್.ಕಾಂ ಜೊತೆ ಬೆಂಗಳೂರು ಬುಲ್ಸ್ ನಾಯಕನ Exclusive ಮಾತು!

ಮನೀಂದರ್ ಸಿಂಗ್ ಬೋನಸ್ ಪಾಯಿಂಟ್‌ನೊಂದಿಗೆ ಪಂದ್ಯ ಆರಂಭಿಸಿದ ಬೆಂಗಾಲ್ ವಾರಿಯರ್ಸ್‌ಗೆ ಬುಲ್ಸ್ ನಾಯಕ ರೋಹಿತ್ ಕುಮಾರ್ ತಿರುಗೇಟು ನೀಡಿದರು. ಮೊದಲ ರೈಡ್‌ನಲ್ಲೇ ಅಂಕ ತಂದು 1-1 ಅಂಕಗಳ ಮೂಲ ಸಮಬಲ ಮಾಡಿದರು. ರೋಹಿತ್‌ಗೆ ಪವನ್ ಶೆರಾವತ್ ಸಾಥ್ ನೀಡಿದರು. ಆದರೆ 3ನೇ ನಿಮಿಷದಲ್ಲಿ ಬೆಂಗಾಲ್ 3-3 ಅಂಕಗಳಿಂದ ಸಮಬಲಗೊಂಡಿತು. 7 ನಿಮಿಷದ ವರೆಗೆ ಮುನ್ನಡೆಯಲ್ಲಿದ್ದ ಬೆಂಗಾಲ್ ತಂಡಕ್ಕೆ ಬುಲ್ಸ್ ಶಾಕ್ ನೀಡಿತು.

ಇದನ್ನೂ ಓದಿ: ಪ್ರೊ ಕಬಡ್ಡಿ 2019: 7ನೇ ಆವೃತ್ತಿ ವೇಳಾಪಟ್ಟಿ ! 

ಮುನ್ನಡೆ ಕಾಯ್ದುಕೊಂಡಿದ್ದ ಬೆಂಗಳೂರು ಬುಲ್ಸ್ ಮೊದಲಾರ್ಧದ ಅಂತ್ಯದಲ್ಲಿ 15-16 ಅಂಕ ಗಳಿಸಿತು. ಈ ಮೂಲಕ ಒಂದು ಅಂಕಗಳ ಹಿನ್ನಡೆ ಕಂಡಿತು. ಸೆಕೆಂಡ್ ಹಾಫ್ ಆರಂಭದಲ್ಲಿ ಪವನ್ ಶೆರಾವತ್ ಸೂಪರ್ ರೈಡ್ ಹಾಗೂ ಬೋನಸ್ ಪಾಯಿಂಟ್ ಮೂಲಕ 18-16 ಅಂಕ ಪಡೆಯಿತು. ಶೆರಾವತ್ ಘರ್ಜನೆಗೆ ಬೆಂಗಾಲ್ ಹಿಡಿತ ಸಡಿಲಗೊಂಡಿತು. 6ನೇ ನಿಮಿಷಕ್ಕೆ 30-21 ಅಂಕಗಳ ಅಂತರ ಕಾಯ್ದುಕೊಂಡಿತು. 

ಭಾರಿ ಮುನ್ನಡೆಯಲ್ಲಿದ್ದ ಬೆಂಗಳೂರು ಬುಲ್ಸ್‌ ಅಂತಿಮ ಹಂತದಲ್ಲಿ ಹೆಚ್ಚಿನ ಅಂಕ ಬಿಟ್ಟುಕೊಟ್ಟಿತು. 17ನೇ ನಿಮಿಷದಲ್ಲಿ ಬೆಂಗಾಲ್ 35-35 ಅಂಕಗಳಿಂದ ಸಮಬಲ ಮಾಡಿಕೊಂಡಿತು. ಅಷ್ಟರಲ್ಲಿ ಪಂದ್ಯ ರೋಚಕ ತಿರುವು ಪಡೆದುಕೊಂಡಿತು. ಚಾಣಾಕ್ಷ ಆಟಕ್ಕೆ ಮುಂದಾದ ಬೆಂಗಾಲ್ 42-40 ಅಂಕಗಳಲ್ಲಿ ಬುಲ್ಸ್ ತಂಡವನ್ನು ಮಣಿಸಿತು. 

ಪಾಟ್ನಾ ಪೈರೇಟ್ಸ್‌ಗೆ ಗೆಲವು:
ಬೆಂಗಳೂರು ಬುಲ್ಸ್ ಪಂದ್ಯಕ್ಕೂ ಮೊದಲು ಜೈಪುರ ಪಿಂಕ್ ಪ್ಯಾಂಥರ್ಸ್ ಹಾಗೂ ಪಾಟ್ನಾ ಪೈರೇಟ್ಸ್ ಮುಖಾಮುಖಿಯಾಗಿತ್ತು. ಬಲಿಷ್ಠ ತಂಡಗಳ ಹೋರಾಟ  ಅಭಿಮಾನಿಗಳಿಗೆ ಮನರಂಜನೆ ನೀಡಿತು. ಮಹತ್ವದ ಪಂದ್ಯದಲ್ಲಿ ಪಾಟ್ನಾ 36-33 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿದೆ. ಈ ಗೆಲುವಿನೊಂದಿಗೆ ಪಾಟ್ನಾ 9ನೇ ಸ್ಥಾನಕ್ಕೆ ಲಗ್ಗೆ ಇಟ್ಟರೆ, ಜೈಪುರ 6ನೇ ಸ್ಥಾನದಲ್ಲಿ ಮುಂದುವರಿದಿದೆ. 

Follow Us:
Download App:
  • android
  • ios