ಗ್ರೇಟರ್‌ ನೋಯ್ಡಾ(ಅ.06): ಪ್ರೊ ಕಬಡ್ಡಿ 7ನೇ ಆವೃತಿಯ ಪ್ಲೇ ಆಫ್‌ ಹಂತಕ್ಕೆ ಯು.ಪಿ ಯೋಧಾ ತಂಡ ಪ್ರವೇಶಿಸಿದೆ. ಶನಿವಾರ ಇಲ್ಲಿ ನಡೆದ ತವರಿನ ಚರಣದ ಮೊದಲ ಪಂದ್ಯದಲ್ಲೇ ದಬಾಂಗ್‌ ಡೆಲ್ಲಿ ವಿರುದ್ಧ 50-33ರಲ್ಲಿ ಭರ್ಜರಿ ಜಯ ಸಾಧಿಸಿತು. ಈ ಆವೃ​ತ್ತಿ​ಯ​ಲ್ಲಿ 11ನೇ ಗೆಲುವು ಸಾಧಿ​ಸಿದ ಯೋಧಾ, 6ನೇ ತಂಡ​ವಾಗಿ ಪ್ಲೇ-ಆಫ್‌ಗೇರಿತು.

ಪ್ರೊ ಕಬಡ್ಡಿ: ಪ್ಲೇ ಆಫ್ ರೇಸ್ ನಿಂದ ಹೊರಬಿದ್ದ ಟೈಟಾನ್ಸ್

ಪ್ಲೇ-ಆಫ್‌ನಲ್ಲಿ ಆಡುವ 6 ತಂಡ​ಗಳು ಯಾವ್ಯಾವು ಎನ್ನು​ವುದು ಅಂತಿಮಗೊಂಡಿದ್ದು, ಇನ್ನೇ​ನಿ​ದ್ದರೂ ಸ್ಥಾನ​ಗಳು ನಿರ್ಧಾರವಾಗ​ಬೇ​ಕಿದೆ. ದಬಾಂಗ್‌ ಡೆಲ್ಲಿ, ಬೆಂಗಾಲ್‌ ವಾರಿಯ​ರ್ಸ್ ಅಂಕ​ಪ​ಟ್ಟಿ​ಯಲ್ಲಿ ಮೊದ​ಲೆ​ರಡು ಸ್ಥಾನ​ಗ​ಳನ್ನು ಕಾಯ್ದು​ಕೊ​ಳ್ಳು​ವುದು ಬಹು​ತೇಕ ಖಚಿತವಾಗಿದ್ದು, ನೇರವಾಗಿ ಸೆಮಿ​ಫೈ​ನಲ್‌ ಪ್ರವೇ​ಶಿ​ಸ​ಲಿ​ವೆ. ಅಂಕ​ಪ​ಟ್ಟಿ​ಯಲ್ಲಿ 3ನೇ ಹಾಗೂ 6ನೇ ಸ್ಥಾನ ಪಡೆ​ಯುವ ತಂಡಗಳು ಮೊದಲ ಎಲಿ​ಮಿ​ನೇ​ಟರ್‌ ಪಂದ್ಯ​ದಲ್ಲಿ ಎದು​ರಾ​ದರೆ, 4 ಹಾಗೂ 5ನೇ ಸ್ಥಾನ ಪಡೆ​ಯುವ ತಂಡ​ಗಳು 2ನೇ ಎಲಿ​ಮಿ​ನೇ​ಟರ್‌ ಪಂದ್ಯ​ದಲ್ಲಿ ಸೆಣ​ಸ​ಲಿವೆ. ಎಲಿ​ಮಿ​ನೇ​ಟರ್‌ ಪಂದ್ಯ​ಗ​ಳಲ್ಲಿ ಗೆಲ್ಲುವ ತಂಡಗಳು ಸೆಮಿ​ಫೈ​ನಲ್‌ಗೆ ಪ್ರವೇ​ಶಿ​ಸ​ಲಿವೆ.

ಹರ್ಯಾಣ ಮಣಿಸಿ ಪ್ಲೇ ಆಫ್‌ಗೆ ಅರ್ಹತೆ ಪಡೆದ ಬೆಂಗಳೂರು ಬುಲ್ಸ್!

ಶನಿ​ವಾ​ರದ ಪಂದ್ಯ​ದಲ್ಲಿ ಡೆಲ್ಲಿ ತಂಡ ತಮ್ಮ ಪ್ರಮು​ಖ ಆಟ​ಗಾ​ರ​ರಾದ ನವೀನ್‌ ಕುಮಾರ್‌, ಜೋಗಿಂದರ್‌ ನರ್ವಾಲ್‌, ರವೀಂದರ್‌ ಪೆಹಲ್‌, ಚಂದ್ರನ್‌ ರಂಜಿತ್‌ಗೆ ವಿಶ್ರಾಂತಿ ನೀಡಿತ್ತು. ಹೊಸ ಆಟ​ಗಾ​ರ​ರನ್ನು ಕಣ​ಕ್ಕಿ​ಳಿ​ಸಿದ್ದು, ಯೋಧಾಗೆ ಅನು​ಕೂ​ಲ​ವಾ​ಯಿತು. ಪಂದ್ಯ​ದು​ದ್ದ​ಕ್ಕೂ ಮೇಲುಗೈ ಸಾಧಿ​ಸಿದ ಯೋಧಾ 17 ಅಂಕ​ಗ​ಳಲ್ಲಿ ಗೆಲುವು ಸಾಧಿ​ಸಿತು.

ಯೋಧಾ ಪರ ರೈಡರ್‌ ಮೋನು ಗೋಯತ್‌ 11 ಅಂಕ ಗಳಿ​ಸಿ​ದರೆ, ಶ್ರೀಕಾಂತ್‌ ಜಾಧವ್‌ 9 ಅಂಕ ಕಲೆಹಾಕಿ​ದರು. ಯುವ ಡಿಫೆಂಡರ್‌ ನಿತೇಶ್‌ ಕುಮಾರ್‌ 6 ಟ್ಯಾಕಲ್‌ ಅಂಕ ಸಂಪಾ​ದಿ​ಸಿ​ದರು. ಡೆಲ್ಲಿ ಪರ ಯುವ ರೈಡರ್‌ ನೀರಜ್‌ ನರ್ವಾಲ್‌ 10 ಅಂಕ ಗಳಿ​ಸಿ​ದರೆ, ಡಿಫೆಂಡರ್‌ ಸೋಮ್‌ಬೀರ್‌ 6 ಅಂಕ ಗಳಿ​ಸಿ​ದರು.

ಗುಜ​ರಾತ್‌ ವಿರುದ್ಧ ಪಾಟ್ನಾಗೆ ಗೆಲುವು

3 ಬಾರಿ ಚಾಂಪಿಯನ್‌ ಪಾಟ್ನಾ ಪೈರೇಟ್ಸ್‌  ಶನಿ​ವಾರ ನಡೆದ 2ನೇ ಪಂದ್ಯ​ದಲ್ಲಿ 2 ಬಾರಿ ರನ್ನರ್‌-ಅಪ್‌ ತಂಡ ಗುಜ​ರಾತ್‌ ಫಾರ್ಚೂನ್‌ಜೈಂಟ್ಸ್‌ ವಿರುದ್ಧ 39-33 ಅಂಕ​ಗಳ ಗೆಲುವು ಸಾಧಿ​ಸಿತು. ಪಾಟ್ನಾ ಪರ ತಾರಾ ರೈಡರ್‌ ಪ್ರದೀಪ್‌ ನರ್ವಾಲ್‌ 17 ಅಂಕ ಗಳಿಸಿ ಗಮನ ಸೆಳೆ​ದರು. ಅಂಕಪ​ಟ್ಟಿ​ಯಲ್ಲಿ ಗುಜ​ರಾತ್‌ 9ನೇ ಸ್ಥಾನ​ದ​ಲ್ಲಿ​ದ್ದರೆ, ಪಾಟ್ನಾ 10ನೇ ಸ್ಥಾನ​ದಲ್ಲಿ ಉಳಿ​ದು​ಕೊಂಡಿದೆ.