Asianet Suvarna News Asianet Suvarna News

ಹರ್ಯಾಣ ಮಣಿಸಿ ಪ್ಲೇ ಆಫ್‌ಗೆ ಅರ್ಹತೆ ಪಡೆದ ಬೆಂಗಳೂರು ಬುಲ್ಸ್!

ಪ್ರೊ ಕಬಡ್ಡಿ ಲೀಗ್ ಟೂರ್ನಿಯಲ್ಲಿ ಆರ್ಭಟಿಸುತ್ತಿರುವ ಬೆಂಗಳೂರು ಬುಲ್ಸ್, ಪ್ಲೇ ಆಫ್‌ಗೆ ಅರ್ಹತೆ ಪಡೆದಿದೆ. ಹರ್ಯಾಣ ವಿರುದ್ದ ಮಿಂಚಿನ ಪ್ರದರ್ಶನ ನೀಡೋ ಮೂಲಕ ಬುಲ್ಸ್, ಅರ್ಹತೆ ಗಿಟ್ಟಿಸಿಕೊಂಡಿದೆ.

Pro kabaddi Bengaluru Bulls Beat Haryana Steelers and qualified for playoff
Author
Bengaluru, First Published Oct 2, 2019, 10:28 PM IST
  • Facebook
  • Twitter
  • Whatsapp

ಪಂಚಕುಲ(ಅ.02): ಪ್ರೊ ಕಬಡ್ಡಿ ಟೂರ್ನಿಯಲ್ಲಿ ಹಾಲಿ ಚಾಂಪಿಯನ್ ಬೆಂಗಳೂರು ಬುಲ್ಸ್ ಸತತ 2ನೇ ಬಾರಿಗೆ ಪ್ಲೇ ಆಫ್‌ಗೆ ಅರ್ಹತೆ ಪಡೆದಿದೆ. ಹರ್ಯಾಣ ಸ್ಟೀಲರ್ಸ್ ವಿರುದ್ದದ ಮಹತ್ವದ ಪಂದ್ಯದಲ್ಲಿ ಬೆಂಗಳೂರು 59-36 ಅಂಕಗಳ ಅಂತರದಲ್ಲಿ ಭರ್ಜರಿ ಗೆಲುವು ದಾಖಲಿಸಿದೆ. ಈ ಮೂಲಕ ಅಂಕಪಟ್ಟಿಯಲ್ಲಿ 5ನೇ ಸ್ಥಾನ ಪಡೆದಿದೆ.

ಇದನ್ನೂ ಓದಿ: ಪ್ರೊ ಕಬಡ್ಡಿ ಟೂರ್ನಿ ಮೆರುಗು ಹೆಚ್ಚಿಸಿದ ಪ್ಯಾರ ಬ್ಯಾಡ್ಮಿಂಟನ್ ತಾರೆ ಮಾನಸಿ!

ಪಂದ್ಯದ ಆರಂಭದಲ್ಲಿ ಸೌರಭ್ ನಂದಲ್ ಟ್ಯಾಕಲ್‌ನಿಂದ ಬೆಂಗಳೂರು ಶುಭಾರಂಭ ಮಾಡಿತು. ಮೊದಲ ನಿಮಿಷದಲ್ಲಿ 2-0 ಅಂತರ ಕಾಯ್ದುಕೊಂಡ ಬುಲ್ಸ್, 4ನೇ ನಿಮಿಷದ ವೇಳೆ ಹಿಡಿತ ಸಡಿಲಗೊಳಿಸಿತು. ಹೀಗಾಗಿ ಸ್ಕೋರ್ 5-5 ಅಂತರಗಳಿಂದ ಸಮಬಲಗೊಂಡಿತು. 5ನೇ ನಿಮಿಷದಿಂದ ಹರ್ಯಾಣ ಮುನ್ನಡೆ ಪಡೆದುಕೊಂಡಿತು.

ಇದನ್ನೂ ಓದಿ: ಪ್ರೊ ಕಬಡ್ಡಿ 2019: 7ನೇ ಆವೃತ್ತಿ ವೇಳಾಪಟ್ಟಿ ಪ್ರಕಟ!

ಅದ್ಬುತ ಹೋರಾಟ ನೀಡಿದ ಹರ್ಯಾಣಕ್ಕೆ 12ನೇ ನಿಮಿಷದಲ್ಲಿ ಬೆಂಗಳೂರು ತಿರುಗೇಟು ನೀಡಿತು. ಹರ್ಯಾಣ ತಂಡವನ್ನು ಆಲೌಟ್ ಮಾಡಿದ ಬೆಂಗಳೂರು 17-15 ಅಂಕಗಳ ಮುನ್ನಡೆ ಪಡೆದುಕೊಂಡಿತು. 18ನೇ ನಿಮಿಷದಲ್ಲಿ 2ನೇ ಬಾರಿಗೆ ಹರ್ಯಾಣ ತಂಡವನ್ನು ಆಲೌಟ್ ಮಾಡಿದ ಬೆಂಗಳೂರು 26-17 ಅಂಕಗಳ ಮುನ್ನಡೆ ಪಡೆಯಿತು. 28-18 ಅಂಕಗಳೊಂದಿಗೆ ಬೆಂಗಳೂರು ಮೊದಲಾರ್ಧ ಅಂತ್ಯಗೊಳಿಸಿತು.

ಇದನ್ನೂ ಓದಿ: ಸುವರ್ಣನ್ಯೂಸ್.ಕಾಂ ಜೊತೆ ಬೆಂಗಳೂರು ಬುಲ್ಸ್ ನಾಯಕನ Exclusive ಮಾತು!

ದ್ವಿತಿಯಾರ್ಧದಲ್ಲಿ ಹರ್ಯಾಮ ಚೇತರಿಸಿಕೊಳ್ಳಲು ಬುಲ್ಸ್ ಅವಕಾಶ ನೀಡಲಿಲ್ಲ. ಬೋನಸ್ ಪಾಯಿಂಟ್ ಮೂಲಕ ಅಂಕಗಳಿಸಿದರೂ ಹರ್ಯಾಣ ಮುನ್ನಡೆ ಪಡೆದುಕೊಳ್ಳಲಿಲ್ಲ. 11ನೇ ನಿಮಿಷದಲ್ಲಿ 3ನೇ ಬಾರಿಗೆ ಹರ್ಯಾಣ ತಂಡವನ್ನು ಆಲೌಟ್ ಮಾಡಿದ ಬುಲ್ಸ್, 44-28 ಅಂಕಗಳ ಅಂತರ ಪಡೆದುಕೊಂಡಿತು. ಪಂದ್ಯ ಮುಕ್ತಾಯದ ವೇಳೆ 4ನೇ ಬಾರಿಗೆ ಹರ್ಯಾಣ ಆಲೌಟ್‌ಗೆ ತುತ್ತಾಯಿತು. ಈ ಮೂಲಕ ಬೆಂಗಳು ಬುಲ್ಸ್ 59-36 ಅಂಕಗಳ ಗೆಲುವು ಸಾಧಿಸಿತು. ಇಷ್ಟೇ ಅಲ್ಲ ಪ್ಲೇ ಆಫ್‌ಗೆ ಅರ್ಹತೆ ಪಡೆಯಿತು.

Follow Us:
Download App:
  • android
  • ios