ಟೀಂ ಇಂಡಿಯಾ ಕ್ರಿಕೆಟಿಗ ಎಂ ಎಸ್ ಧೋನಿ ಸತತ ಕ್ರಿಕೆಟ್ನಿಂದ ದೂರ ಇದ್ದಾರೆ. ಇಂಗ್ಲೆಂಡ್ ಸರಣಿ ಬಳಿಕ ಧೋನಿಗೆ ಸದ್ಯ ವಿಶ್ರಾಂತಿ ಸಮಯ. ಈ ರಿಲ್ಯಾಕ್ಸ್ ಟೈಮ್ನಲ್ಲಿ ಧೋನಿಯ ರಾಂಚಿಯಲ್ಲಿರುವ ಮನೆಯಲ್ಲಿ ಆಯೋಜಿಸಿದ್ದ ಲವ್ ರಾತ್ರಿ ಡಿನ್ನರ್ ಇದೀಗ ಭಾರಿ ಸದ್ದು ಮಾಡುತ್ತಿದೆ.
ರಾಂಚಿ(ಆ.26): ಇಂಗ್ಲೆಂಡ್ ವಿರುದ್ದದ ನಿಗಧಿತ ಓವರ್ ಕ್ರಿಕೆಟ್ ಬಳಿಕ ಎಂ ಎಸ್ ವಿಶ್ರಾಂತಿಗೆ ಜಾರಿದ್ದಾರೆ. ರಾಂಚಿಯ ತಮ್ಮ ಮನೆಯಲ್ಲಿ ರಿಲಾಕ್ಯ್ ಮೂಡ್ನಲ್ಲಿರುವ ಧೋನಿ ಇದೀಗ ಲವ್ರಾತ್ರಿ ಡಿನ್ನರ್ ಆಯೋಜಿಸಿದ್ದಾರೆ.
ಧೋನಿ ಮನೆಯಲ್ಲಿ ಏನಿದು ಲವ್ರಾತ್ರಿ ಎಂದು ಗಾಬರಿಯಾಗಬೇಡಿ. ಇದು ಡಿನ್ನರ್ ಪಾರ್ಟಿ. ನಟ ಆಯುಷ್ ಶರ್ಮಾ ಹಾಗೂ ನಟಿ ವರಿನಾ ಹುಸೈನ್ ಜೋಡಿಯಾ ಬಹುನಿರೀಕ್ಷಿತ ಲವ್ರಾತ್ರಿ ಚಿತ್ರದ ಪ್ರಮೋಶನ್ ರಾಂಚಿಯಲ್ಲಿ ನಡೆಯುತ್ತಿದೆ.
ಆಯುಷ್ ಶರ್ಮಾ ಹಾಗೂ ವರಿನ್ ಹುಸೈನ್ ಕೂಡ ರಾಂಚಿಯಲ್ಲಿ ಬೀಡುಬಿಟ್ಟಿದ್ದಾರೆ. ಈ ವೇಳೆ ಈ ಯುವ ನಟ-ನಟಿಯರನ್ನ ಭೇಟಿಯಾದ ಧೋನಿ, ಇವರಿಗೆ ತಮ್ಮ ಮನೆಯಲ್ಲಿ ಔತಣಕೂಟ ಆಯೋಸಿದರು. ಸುಂದರ ಔತಣಕೂಟ ಇದೀಗ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ಆಹ್ವಾನ ಸ್ವೀಕರಿಸಿದ ಆಯುಷ್ ಹಾಗೂ ವರಿನಾ, ಧೋನಿ ಮನೆಯಲ್ಲಿ ಡಿನ್ನರ್ ಪಾರ್ಟಿಯಲ್ಲಿ ಪಾಲ್ಗೊಂಡಿದ್ದಾರೆ. ಈ ವೇಳೆ ಲವ್ರಾತ್ರಿ ಚಿತ್ರವನ್ನ ವೀಕ್ಷಿಸುವಂತೆ ಧೋನಿಗೆ ಮನವಿ ಮಾಡಿದ್ದಾರೆ. ಇಷ್ಟೇ ಅಲ್ಲ, ಧೋನಿ ಹಾಗೂ ನಟ-ನಟಿ ತಮ್ಮ ಅನುಭವಗಳನ್ನ ಹಂಚಿಕೊಂಡರು.
