ಶಮಿ ವಿರುದ್ಧ ಮತ್ತೊಂದು ಸ್ಫೋಟಿಸಿದ ಜಹಾನ್; ಶಮಿ ಮತ್ತೆ ಸಮಾಧಾನದ ಉತ್ತರ

First Published 12, Mar 2018, 5:34 PM IST
Mohammed Shami would have divorced me had I not found his mobile
Highlights

‘ತಪ್ಪನ್ನು ಒಪ್ಪಿಕೊಳ್ಳುವಂತೆ ಅವರ ಮನಪರಿವರ್ತಿಸಲು ದೀರ್ಘ ಸಮಯದಿಂದ ಸಾಕಷ್ಟು ಪ್ರಯತ್ನ ಮಾಡುತ್ತಿದ್ದೆ. ಒಂದೊಮ್ಮೆ ಬಚ್ಚಿಟ್ಟಿದ್ದ ಮೊಬೈಲ್ ನನಗೆ ಸಿಗದಿದ್ದರೆ ಇಷ್ಟರಲ್ಲಾಗಲೇ ಉತ್ತರಪ್ರದೇಶಕ್ಕೆ ಪರಾರಿಯಾಗುತ್ತಿದ್ದರು.ನನಗೂ ವಿವಾಹ ವಿಚ್ಛೇದನ ನೀಡುತ್ತಿದ್ದರು’ ಎಂದು ಜಹಾನ್ ಹೇಳಿದ್ದಾರೆ.

ನವದೆಹಲಿ(ಮಾ.12): ಭಾರತ ತಂಡದ ವೇಗಿ ಮೊಹಮದ್ ಶಮಿ ವಿರುದ್ಧ ಅವರ ಪತ್ನಿ ಹಸೀನ್ ಜಹಾನ್ ದಿನಕ್ಕೊಂದು ಆರೋಪ ಮಾಡುತ್ತಿದ್ದು, ಇದೀಗ ಮತ್ತೊಂದು ಬಾಂಬ್ ಸಿಡಿಸಿದ್ದಾರೆ. ಒಂದು ವೇಳೆ ಬಚ್ಚಿಟ್ಟಿದ್ದ ಮೊಬೈಲ್ ಸಿಗದಿದ್ದರೆ ಈ ಹೊತ್ತಿಗೆ ನನಗೆ ವಿವಾಹ ವಿಚ್ಛೇದನ ನೀಡುತ್ತಿದ್ದರು ಎಂದು ಹೇಳಿದ್ದಾರೆ.

‘ತಪ್ಪನ್ನು ಒಪ್ಪಿಕೊಳ್ಳುವಂತೆ ಅವರ ಮನಪರಿವರ್ತಿಸಲು ದೀರ್ಘ ಸಮಯದಿಂದ ಸಾಕಷ್ಟು ಪ್ರಯತ್ನ ಮಾಡುತ್ತಿದ್ದೆ. ಒಂದೊಮ್ಮೆ ಬಚ್ಚಿಟ್ಟಿದ್ದ ಮೊಬೈಲ್ ನನಗೆ ಸಿಗದಿದ್ದರೆ ಇಷ್ಟರಲ್ಲಾಗಲೇ ಉತ್ತರಪ್ರದೇಶಕ್ಕೆ ಪರಾರಿಯಾಗುತ್ತಿದ್ದರು.ನನಗೂ ವಿವಾಹ ವಿಚ್ಛೇದನ ನೀಡುತ್ತಿದ್ದರು’ ಎಂದು ಜಹಾನ್ ಹೇಳಿದ್ದಾರೆ.

ಮಾತುಕತೆಗೆ ಸಿದ್ಧವೆಂದ ಶಮಿ: ಪತ್ನಿ ಆರೋಪಗಳಿಂದ ಬೇಸತ್ತಿರುವ ಶಮಿ, ‘ಹೊಂದಾಣಿಕೆ ಮಾಡಿಕೊಂಡರೆ ನಮಗೂ, ಮಗಳಿಗೆ ಒಳ್ಳೆಯದು. ಜಹಾನ್ ಬಯಸಿದರೆ ನಾನೇ ಕೋಲ್ಕತಾಗೆ ಹೋಗಿ ಮಾತನಾಡುವೇ’ ಎಂದಿದ್ದಾರೆ. ಇದೇ ವೇಳೆ ತಾವು ಯಾವುದೇ ತನಿಖೆಗೆ ಸಿದ್ಧರಿರುವುದಾಗಿ ಟೀಂ ಇಂಡಿಯಾ ವೇಗಿ ಶಮಿ ಹೇಳಿದ್ದಾರೆ.

loader