ಕೊಹ್ಲಿ ದಾಖಲೆ ಮೀರಿಸಿ ಹೊಸ ದಾಖಲೆ ನಿರ್ಮಿಸಿದ ಮಿಥಾಲಿ ರಾಜ್
ಕೌಲಾಲಂಪುರ್'ನಲ್ಲಿ ನಡೆಯುತ್ತಿರುವ ಮಹಿಳಾ ಟಿ20 ಏಷ್ಯಾ ಕಪ್ ಚಾಂಪಿಯನ್ಸ್ ಟ್ರೋಫಿಯ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ 23 ರನ್ ಗಳಿಸುವ ಮೂಲಕ 2000 ರನ್ ಗಡಿ ದಾಟಿದರು. ಈ ಸಾಧನೆ ಮಾಡಿದ ವಿಶ್ವ ಮಹಿಳಾ ಕ್ರಿಕೆಟಿಗರಲ್ಲಿ ಮಿಥಾಲಿ 4ನೇಯವರು.
ನವದೆಹಲಿ(ಜೂ.07): ಭಾರತದ ಮಹಿಳಾ ಕ್ರಿಕೆಟ್ ತಂಡದ ನಾಯಕಿ ಮಿಥಾಲಿ ರಾಜ್ ಟಿ20 ಕ್ರಿಕೆಟಿನಲ್ಲಿ 2 ಸಾವಿರ ರನ್ ಪೇರಿಸುವುದರ ಮೂಲಕ ಭಾರತದ ಮಹಿಳಾ ಕ್ರಿಕೆಟಿನಲ್ಲಿ ಹೊಸ ದಾಖಲೆ ನಿರ್ಮಿಸಿದ್ದಾರೆ.
ಕೌಲಾಲಂಪುರ್'ನಲ್ಲಿ ನಡೆಯುತ್ತಿರುವ ಮಹಿಳಾ ಟಿ20 ಏಷ್ಯಾ ಕಪ್ ಚಾಂಪಿಯನ್ಸ್ ಟ್ರೋಫಿಯ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ 23 ರನ್ ಗಳಿಸುವ ಮೂಲಕ 2000 ರನ್ ಗಡಿ ದಾಟಿದರು. ಈ ಸಾಧನೆ ಮಾಡಿದ ವಿಶ್ವ ಮಹಿಳಾ ಕ್ರಿಕೆಟಿಗರಲ್ಲಿ ಮಿಥಾಲಿ 4ನೇಯವರು.
ಈ ಮೊದಲು ಇಂಗ್ಲೆಂಡಿನ ಕ್ಯಾರ್ಲೋಟ್ ಎಡ್ವರ್ಡ್, ವೆಸ್ಟ್ ಇಂಡೀಸಿನ ಸ್ಟಫೈನಿ ಟೈಲರ್ ಹಾಗೂ ನ್ಯೂಜಿಲೆಂಡಿನ ಸುಜೈ ಬಾಟೆಸ್ 2 ಸಾವಿರ ರನ್ ಪೂರೈಸಿದ್ದರು.
35 ವರ್ಷದ ಮಿಥಾಲಿ 38.01 ಸರಾಸರಿಯಲ್ಲಿ 14 ಅರ್ಧ ಶತಕಗಳು ಬಾರಿಸಿದ್ದು 74 ಅತ್ಯುತ್ತಮ ಸ್ಕೋರ್ ಆಗಿದೆ.
ಪುರುಷರ ಟಿ20 ಕ್ರಿಕೆಟಿನಲ್ಲಿ ನ್ಯೂಜಿಲೆಂಡಿನ ಮಾರ್ಟಿನ್ ಗುಪ್ಟಿಲ್, ಬ್ರೆಂಡನ್ ಮೆಕಲಮ್ 2 ಸಾವಿರ ಪೂರೈಸಿದ್ದರೆ ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ 1983 ಸನಿಹದಲ್ಲಿದ್ದಾರೆ. ಮಿಥಾಲಿ ಸಾಧನೆಗೆ ಬಿಸಿಸಿಐ ಹಾಗೂ ಐಸಿಸಿ ಟ್ವಿಟರ್ ಮೂಲಕ ಅಭಿನಂದನೆ ಸಲ್ಲಿಸಿದೆ.
Congratulations to @M_Raj03. She becomes the first Indian woman to score 2000 runs in T20 Internationals. #INDvSL #ACC #WAC2018 pic.twitter.com/9Cl3buCGeF
— BCCI Women (@BCCIWomen) June 7, 2018
Congratulations to @M_Raj03 on reaching 2,000 T20I runs - the first player to reach the landmark for @BCCIWomen 👏 #INDvSL #WAC2018 pic.twitter.com/dWmslbT5CG
— ICC (@ICC) June 7, 2018