Asianet Suvarna News Asianet Suvarna News

ವಿಂಬಲ್ಡನ್ ಕದನ: ಮೊದಲ ಸುತ್ತಿನಲ್ಲೇ ಪೇಸ್ ಜೋಡಿಗೆ ಶಾಕ್

2017ರಲ್ಲಿ ಪೇಸ್-ಶಂಸುದ್ದೀನ್ ಜೋಡಿ 2 ಚಾಲೆಂಜರ್ಸ್ ಟ್ರೋಫಿಗಳನ್ನು ಗೆದ್ದುಕೊಂಡಿದೆ.

Leander Paes Adil Shamasdin lose marathon first round
  • Facebook
  • Twitter
  • Whatsapp

ಲಂಡನ್(ಜು.06): ಮಾಜಿ ಚಾಂಪಿಯನ್ ಭಾರತದ ಲಿಯಾಂಡರ್ ಪೇಸ್ ಹಾಗೂ ಅವರ ಜೊತೆಗಾರ ಕೆನಡಾದ ಆದಿಲ್ ಶಂಸುದ್ದೀನ್ ಪುರುಷರ ಡಬಲ್ಸ್‌ನ ಮೊದಲ ಸುತ್ತಿನಲ್ಲೇ ಸೋಲು ಅನುಭವಿಸಿದ್ದಾರೆ.

ಇಂದು ನಡೆದ ಪಂದ್ಯದಲ್ಲಿ ಪೇಸ್ ಜೋಡಿ, ಆಸ್ಟ್ರಿಯಾದ ಜ್ಯೂಲಿಯನ್ ನೋಲ್ ಹಾಗೂ ಫಿಲಿಪ್ ಒಸ್ವಾಲ್ಡ್ ವಿರುದ್ಧ 2-3 ಸೆಟ್‌'ಗಳ ಅಂತರದಲ್ಲಿ ಪರಾಭವಗೊಂಡಿತು.

ಪೇಸ್ ಹಾಗೂ ಶಮ್ಸದ್ದೀನ್ ಉತ್ತಮ ಆರಂಭ ಪಡೆದುಕೊಂಡರು. 6-4, 6-4 ಅಂತರದಲ್ಲಿ ಮೊದಲೆರೆಡು ಸೆಟ್ ಗೆದ್ದ ಜೋಡಿ ಕೊನೆ ಮೂರು ಸೆಟ್‌'ಗಳನ್ನು ಕೈಚೆಲ್ಲಿತು. 6-2, 7-6(7-2) ಹಾಗೂ 10-08 ಗೇಮ್‌'ಗಳ ಅಂತರದಲ್ಲಿ ಆಸ್ಟ್ರಿಯಾ ಜೋಡಿ ಅಂತಿಮ ಮೂರು ಸೆಟ್ ಗೆದ್ದುಕೊಂಡು ಪಂದ್ಯವನ್ನು ತನ್ನದಾಗಿಸಿಕೊಂಡಿತು.

ಕೊನೆಯ ಸೆಟ್‌'ನಲ್ಲಿ 8-8ರ ಸಮಬಲ ಸಾಧಿಸಿದ್ದ ಪೇಸ್ ಜೋಡಿ, ಕೊನೆ 2 ಗೇಮ್‌'ಗಳನ್ನು ಗೆಲ್ಲುವಲ್ಲಿ ವಿಫಲವಾಯಿತು.

1999ರಲ್ಲಿ ಪುರುಷರ ಡಬಲ್ಸ್ ಪ್ರಶಸ್ತಿ ಗೆದ್ದಿದ್ದ ಪೇಸ್ ಆನಂತರ ಮತ್ತೊಮ್ಮೆ ಈ ವಿಭಾಗದಲ್ಲಿ ಚಾಂಪಿಯನ್ ಆಗಿಲ್ಲ. ಆದರೆ ಮಿಶ್ರ ಡಬಲ್ಸ್‌ನಲ್ಲಿ 4 ಬಾರಿ ಚಾಂಪಿಯನ್ ಆಗಿರುವ ಪೇಸ್, ಈ ಬಾರಿ ಚೀನಾದ ಕ್ಸು ಯಿಫಾನ್ ಜೊತೆ ಕಣಕ್ಕಿಳಿಯಲಿದ್ದಾರೆ.

2017ರಲ್ಲಿ ಪೇಸ್-ಶಂಸುದ್ದೀನ್ ಜೋಡಿ 2 ಚಾಲೆಂಜರ್ಸ್ ಟ್ರೋಫಿಗಳನ್ನು ಗೆದ್ದುಕೊಂಡಿದೆ.

Follow Us:
Download App:
  • android
  • ios