ಸುಮೋ ಪಟುಗಳೊಂದಿಗೆ ಜೋಕೋವಿಚ್!
ಟೆನಿಸ್ ದಿಗ್ಗಜ ನೋವಾಕ್ ಜೊಕೊವಿಚ್ ಇದೀಗ ಟೆನಿಸ್ ಕೋರ್ಟ್ ಬದಲು, ರಸ್ಲಿಂಗ್ ರಿಂಗ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಜಪಾನ್‌ನ ಸುಮೋ ಪಟುಗಳೊಂದಿಗೆ ಜೋಕೋವಿಚ್ ಕುಸ್ತಿ ಮೂಲಕ ಗಮನಸೆಳೆದಿದ್ದಾರೆ.
Followಟೋಕಿಯೋ(ಜಪಾನ್)ಅ.01): ಅತ್ಯುತ್ತಮ ಫಿಟ್ನೆಸ್‌ ಹೊಂದಿರುವ ವಿಶ್ವ ನಂ.1 ಟೆನಿಸಿಗ ಸರ್ಬಿಯಾದ ನೊವಾಕ್‌ ಜೋಕೋವಿಚ್, ಸೋಮವಾರ ಇಲ್ಲಿನ ನಿವೃತ್ತ ಸುಮೋ ಪಟುಗಳ ಜೊತೆ ಸೆಣಸುವ ಸಾಹಸಕ್ಕೆ ಕೈಹಾಕಿದರು. 32ರ ಹರೆಯದ ಆಟಗಾರ ಜೋಕೋವಿಚ್ ಜಪಾನ್ ಓಪನ್‌ ಟೆನಿಸ್ ಟೂರ್ನಿ ಆಡುವುದಕ್ಕಾಗಿ ಟೋಕಿಯೋ ಆಗಮಿಸಿದ್ದರು.
ಇದೇ ವೇಳೆ ಸಾಂಪ್ರದಾಯಿಕ ಸುಮೋ ಕುಸ್ತಿ ರಿಂಗ್‌ಗೆ ಭೇಟಿ ನೀಡಿದ ಜೋಕೋವಿಚ್, ಮುಂಜಾನೆ ಸುಮೋ ಕುಸ್ತಿಪಟುಗಳ ವ್ಯಾಯಾಮ ವೀಕ್ಷಿಸಿದರು. ಮಾಜಿ ಕುಸ್ತಿಪಟುವೊಬ್ಬರನ್ನು ಎದುರಿಸುವ ವಿಫಲ ಯತ್ನವೂ ಜೋಕೋವಿಚ್ ಮಾಡಿದರು. ಈ ವಿಡಿಯೋ ವೈರಲ್‌ ಆಗಿದೆ.
