Asianet Suvarna News Asianet Suvarna News

ಸೋತ ಸಿಂಧು, ಸೈನಾ: ಕ್ವಾರ್ಟರ್‌ಫೈನಲ್‌ಗೆ ಶ್ರೀಕಿ

ಪುರುಷರ ಸಿಂಗಲ್ಸ್ ವಿಭಾಗದ 2ನೇ ಸುತ್ತಿನ ಪಂದ್ಯದಲ್ಲಿ ವಿಶ್ವದ 8ನೇ ಶ್ರೇಯಾಂಕದ ಭಾರತದ ಕೆ. ಶ್ರೀಕಾಂತ್ 21-12, 21-11 ಸೆಟ್'ಗಳಿಂದ ಹಾಂಕಾಂಗ್‌ನ ಯು ಯೆನ್ ಎದುರು ಗೆಲುವು ಸಾಧಿಸಿದರು.

Japan Open Super Series Saina Nehwal PV Sindhu crash out

ಟೊಕಿಯೊ(ಸೆ.21): ಒಲಿಂಪಿಕ್ ಪದಕ ವಿಜೇತರಾದ ಪಿ.ವಿ. ಸಿಂಧು ಮತ್ತು ಸೈನಾ ನೆಹ್ವಾಲ್ ಜಪಾನ್ ಸೂಪರ್ ಸೀರೀಸ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಮಹಿಳಾ ಸಿಂಗಲ್ಸ್ ವಿಭಾಗದ 2ನೇ ಸುತ್ತಿನ ಪಂದ್ಯದಲ್ಲಿ ಸೋತು ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ಆದರೆ ಪುರುಷರ ಸಿಂಗಲ್ಸ್'ನಲ್ಲಿ ಕೆ. ಶ್ರೀಕಾಂತ್ ಮತ್ತು ಎಚ್.ಎಸ್. ಪ್ರಣಯ್ ಕ್ವಾರ್ಟರ್ ಫೈನಲ್ ಪ್ರವೇಶಿಸಿ ಫೈನಲ್ ಪ್ರವೇಶಿಸುವ ಭರವಸೆ ಮೂಡಿಸಿದ್ದಾರೆ.

ಗುರುವಾರ ನಡೆದ ಮಹಿಳೆಯರ ಸಿಂಗಲ್ಸ್ ವಿಭಾಗದ 2ನೇ ಸುತ್ತಿನ ಪಂದ್ಯದಲ್ಲಿ ಸಿಂಧು 18-21, 8-21 ಸೆಟ್'ಗಳಿಂದ  ಜಪಾನ್‌ನ ನಜೊಮಿ ಒಕುಹಾರ ಎದುರು ಪರಾಭವಗೊಂಡರು. ಮತ್ತೊಬ್ಬ ಒಲಿಂಪಿಕ್ ಪದಕ ವಿಜೇತೆ  ಸೈನಾ ನೆಹ್ವಾಲ್ 16-21, 13-21 ಸೆಟ್'ಗಳಿಂದ ಸ್ಪೇನ್‌ನ ಕರೋಲಿನಾ ಮರಿನ್ ಎದುರು ಸೋಲು ಅನುಭವಿಸಿದರು

ಕ್ವಾರ್ಟರ್‌ ತಲುಪಿದ ಶ್ರೀಕಾಂತ್, ಪ್ರಣಯ್ ಪುರುಷರ ಸಿಂಗಲ್ಸ್ ವಿಭಾಗದ 2ನೇ ಸುತ್ತಿನ ಪಂದ್ಯದಲ್ಲಿ ವಿಶ್ವದ 8ನೇ ಶ್ರೇಯಾಂಕದ ಭಾರತದ ಕೆ. ಶ್ರೀಕಾಂತ್ 21-12, 21-11 ಸೆಟ್'ಗಳಿಂದ ಹಾಂಕಾಂಗ್‌ನ ಯು ಯೆನ್ ಎದುರು ಗೆಲುವು ಸಾಧಿಸಿದರು. ಮತ್ತೊಂದು ಸಿಂಗಲ್ಸ್ ಪಂದ್ಯದಲ್ಲಿ ಯುಎಸ್ ಓಪನ್ ಚಾಂಪಿಯನ್ ಎಚ್.ಎಸ್. ಪ್ರಣಯ್ 21-16, 23-21 ಸೆಟ್'ಗಳಿಂದ ಚೈನೀಸ್ ತೈಪೆಯ ಹ್ಸು ಜೆನ್ ಹೊ ವಿರುದ್ಧ ಜಯ ಸಾಧಿಸಿ ಕ್ವಾರ್ಟರ್‌ಫೈನಲ್‌ ಪ್ರವೇಶಿಸಿದರು.

 

 

 

Follow Us:
Download App:
  • android
  • ios