IPL ಟೂರ್ನಿಯಲ್ಲಿ ಮಹತ್ತರ ಬದಲಾವಣೆ; 8ರ ಬದಲು 10 ತಂಡ?
IPL ಟೂರ್ನಿಯಲ್ಲಿ ಕೆಲ ಬದಲಾವಣೆ ಮಾಡಲು ಬಿಸಿಸಿಐ ನಿರ್ಧರಿಸಿದೆ. ಸದ್ಯ 8 ತಂಡವಿರುವ ಐಪಿಎಲ್ ಟೂರ್ನಿ ಇನ್ಮುಂದೆ 10 ತಂಡಗಳಾಗಿ ವಿಸ್ತರಿಸಲಿದೆ. 2020ರ ಐಪಿಎಲ್ ಟೂರ್ನಿಯಲ್ಲೇ ಬದಲಾವಣೆಗಳು ಜಾರಿಗೊಳಿಸಲು ಬಿಸಿಸಿಐ ಬ್ರೂ ಪ್ರಿಂಟ್ ರೆಡಿ ಮಾಡಿದೆ. ಈ ಕುರಿತ ಹೆಚ್ಚಿನ ವಿವರ ಇಲ್ಲಿದೆ.
FollowWorld cup Final: ಇಂಗ್ಲೆಂಡ್ vs ನ್ಯೂಜಿಲೆಂಡ್ ಪಂದ್ಯದ ಸ್ಕೋರ್ ಎಷ್ಟು?
ಮುಂಬೈ(ಜು.14): ಟೀಂ ಇಂಡಿಯಾ ವಿಶ್ವಕಪ್ ಟೂರ್ನಿಯಿಂದ ಹೊರಬಿದ್ದ ಬಳಿಕ ಅಭಿಮಾನಿಗಳು ಇದೀಗ ಮುಂದಿನ ಸರಣಿಗಾಗಿ ಕಾಯುತ್ತಿದ್ದಾರೆ. ಇದರ ಜೊತೆಗೆ ವಿದಾಯದ ಮಾತುಗಳ ಬೆನ್ನಲ್ಲೇ ಎಂ.ಎಸ್.ಧೋನಿ 2020ರ ಐಪಿಎಲ್ ಟೂರ್ನಿ ಆಡಲಿದ್ದಾರೆ ಅನ್ನೋ ಸುದ್ದಿ ಕೂಡ ಹರಿದಾಡುತ್ತಿದೆ. ಈ ಬೆಳವಣಿಗೆಗಳ ನಡುವೆ ಮುಂಬರುವ ಐಪಿಎಲ್ ಟೂರ್ನಿಗೆ ಹೊಸ ಟಚ್ ನೀಡಲು ಬಿಸಿಸಿಐ ಮುಂದಾಗಿದೆ.
ಇದನ್ನೂ ಓದಿ: KKR ತಂಡಕ್ಕೆ ಕೋಚ್ ಜಾಕ್ ಕಾಲಿಸ್ ಗುಡ್ ಬೈ!
ಸದ್ಯ 8 ತಂಡಗಳು ಐಪಿಎಲ್ ಟೂರ್ನಿಯಲ್ಲಿ ಭಾಗವಹಿಸುತ್ತಿವೆ. 2020ರ ಐಪಿಎಲ್ ಟೂರ್ನಿಯಲ್ಲಿ 8ರ ಬದಲು 10 ತಂಡಗಳನ್ನು ಕಣಕ್ಕಿಳಿಸಲು ಬಿಸಿಸಿಐ ಚಿಂತಿಸಿದೆ. ಫ್ರಾಂಚೈಸಿಗಳು ಕೂಡ ಒಲವು ತೋರಿದ್ದಾರೆ. ಇನ್ನುಳಿದ 2 ತಂಡಕ್ಕೆ ಬಿಡ್ ಮಾಡಲು ಹಲವರು ಮುಂದೆ ಬಂದಿದ್ದಾರೆ. ಅಹಮ್ಮದಾಬಾದ್ ನಗರದಿಂದ ಅದಾನಿ ಗ್ರೂಪ್, ಪುಣೆಯಿಂದ ಸಂಜೀವ್ ಗೊಯೆಂಕಾ ಗ್ರೂಪ್ ಹಾಗೂ ರಾಂಚಿ ಮತ್ತು ಜೆಮ್ಶೆಡ್‌ಪುರದಿಂದ ಟಾಟಾ ಗ್ರೂಪ್ ಐಪಿಎಲ್ ತಂಡ ಖರೀದಿಸಲು ಮುಂದೆ ಬಂದಿದೆ.
ಇದನ್ನೂ ಓದಿ: ಸೋಲಿನ ಬೆನ್ನಲ್ಲೇ ಕೊಹ್ಲಿ,ಶಾಸ್ತ್ರಿಗೆ ಬಿಸಿಸಿಐ ಬುಲಾವ್!
ಬಿಸಿಸಿಐ ಈಗಾಗಲೇ 10 ತಂಡಗಳ ಐಪಿಎಲ್ ಟೂರ್ನಿ ಆಯೋಜಿಸಿದೆ. ಆದರೆ 2011ರಲ್ಲಿ ಹಲವು ಕಾರಣಗಳಿಂದ ಮುಂದುವರಿಯಲಿಲ್ಲ. ಇದೀಗ ಮತ್ತೆ ಹೊಸ ಪ್ರಯತ್ನಕ್ಕೆ ಮುಂದಾಗಿದೆ. ಶೀಘ್ರದಲ್ಲೇ ಬಿಸಿಸಿಐ ಹಾಗೂ 8 ಐಪಿಎಲ್ ಫ್ರಾಂಚೈಸಿ ಜೊತೆ ಸಭೆ ನಡೆಸಲಿದೆ. ಟೆಂಡರ್ ಪ್ರಕ್ರಿಯೆ ಬ್ಲೂ ಪ್ರಿಂಟ್ ರೆಡಿಯಾಗಿದೆ. ಫ್ರಾಂಚೈಸಿ ಜೊತೆಗಿನ ಸಭೆಯಲ್ಲಿ ತೀರ್ಮಾನ ಕೈಗೊಳ್ಳಲು ಬಿಸಿಸಿಐ ನಿರ್ಧರಿಸಿದೆ.
