ಟಾಸ್ ಸೋತರೂ ಮೊದಲು ಬ್ಯಾಟಿಂಗ್ ಮಾಡುವ ಅವಕಾಶ ಪಡೆದ ಸನ್’ರೈಸರ್ಸ್ ಆರಂಭದಲ್ಲೇ ವಿಕೆಟ್’ಕೀಪರ್ ಬ್ಯಾಟ್ಸ್'ಮನ್ ಜಾನಿ ಬೇರ್’ಸ್ಟೋ[01] ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಆ ಬಳಿಕ ವಾರ್ನರ್-ವಿಜಯ್ ಶಂಕರ್ ಜೋಡಿ ಎಚ್ಚರಿಕೆಯ ಆಟಕ್ಕೆ ಮುಂದಾದರು. 

ಮೊಹಾಲಿ[ಏ.08]: ಡೇವಿಡ್ ವಾರ್ನರ್ ಅರ್ಧಶತಕದ ಹೊರತಾಗಿಯೂ ಪಂಜಾಬ್ ಸಂಘಟಿತ ಬೌಲಿಂಗ್ ನೆರವಿನಿಂದ ಸನ್’ರೈಸರ್ಸ್ ಹೈದರಾಬಾದ್ ತಂಡವನ್ನು ಅಶ್ವಿನ್ ಪಡೆ ಕೇವಲ ರನ್’ಗಳಿಗೆ ನಿಯಂತ್ರಿಸಿದೆ.

ಟಾಸ್ ಸೋತರೂ ಮೊದಲು ಬ್ಯಾಟಿಂಗ್ ಮಾಡುವ ಅವಕಾಶ ಪಡೆದ ಸನ್’ರೈಸರ್ಸ್ ಆರಂಭದಲ್ಲೇ ವಿಕೆಟ್’ಕೀಪರ್ ಬ್ಯಾಟ್ಸ್'ಮನ್ ಜಾನಿ ಬೇರ್’ಸ್ಟೋ[01] ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಆ ಬಳಿಕ ವಾರ್ನರ್-ವಿಜಯ್ ಶಂಕರ್ ಜೋಡಿ ಎಚ್ಚರಿಕೆಯ ಆಟಕ್ಕೆ ಮುಂದಾದರು. ಶಂಕರ್ 27 ಎಸೆತಗಳಲ್ಲಿ 26 ರನ್ ಬಾರಿಸಿ ಅಶ್ವಿನ್’ಗೆ ವಿಕೆಟ್ ಒಪ್ಪಿಸಿದರು. ನಬಿ 12 ರನ್ ಬಾರಿಸಿದರೆ, ಮನೀಶ್ ಪಾಂಡೆ 19 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದರು. ಮಂದಗತಿಯಲ್ಲೇ ಬ್ಯಾಟಿಂಗ್ ನಡೆಸಿದ ವಾರ್ನರ್ 62 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 70 ರನ್ ಬಾರಿಸಿ ಅಜೇಯರಾಗುಳಿದರೆ, ಕೊನೆಯಲ್ಲಿ ದೀಪಕ್ ಹೂಡಾ 3 ಎಸೆತಗಳಲ್ಲಿ 2 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 14 ರನ್ ಚಚ್ಚಿ ತಂಡದ ಮೊತ್ತವನ್ನು 150ರ ಗಡಿ ಮುಟ್ಟಿಸಿದರು.

ಪಂಜಾಬ್ ಪರ ಮುಜೀಬ್ ಉರ್ ರೆಹಮಾನ್, ಆರ್. ಅಶ್ವಿನ್ ಹಾಗೂ ಮೊಹಮ್ಮದ್ ಶಮಿ ತಲಾ ಒಂದೊಂದು ವಿಕೆಟ್ ಪಡೆದರು.

ಸಂಕ್ಷಿಪ್ತ ಸ್ಕೋರ್:
ಸನ್’ರೈಸರ್ಸ್: 150/4
ವಾರ್ನರ್: 70*
ಅಶ್ವಿನ್ : 30/1

(* ವಿವರ ಅಪೂರ್ಣ)