ಐಸಿಸಿಯೊಂದಿಗೆ ಹ್ಯೂಬ್ಲೋಟ್ ಕೈ ಜೋಡಿಸಿರುವುದು ನಿಜಕ್ಕೂ ಸಂತಸದ ವಿಷಯವಾಗಿದೆ ಎಂದು ಐಸಿಸಿ ಪ್ರಧಾನ ಕಾರ್ಯದರ್ಶಿ ಡೇವಿಡ್ ರಿಚರ್ಡ್'ಸನ್ ಹೇಳಿದ್ದಾರೆ.
ದುಬೈ(ಮೇ.25): ಅಂತರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆ, ಐಷಾರಾಮಿ ಉತ್ಫನ್ನವಾದ ಹ್ಯೂಬ್ಲೋಟ್ ಸಂಸ್ಥೆಯೊಂದಿಗೆ ಮೂರು ವರ್ಷಗಳ ಒಪ್ಪಂದಕ್ಕೆ ಸಹಿ ಹಾಕಿದೆ.
ಇನ್ಮುಂದೆ 2020ರವರೆಗೆ ಐಸಿಸಿಯ ಎಲ್ಲಾ ಕಾರ್ಯಕ್ರಮಗಳಲ್ಲೂ ಹ್ಯೂಬ್ಲೋಟ್ ಕಾಣಿಸಿಕೊಳ್ಳಲಿದೆ. 2015ರ ಏಕದಿನ ವಿಶ್ವಕಪ್ ಹಾಗೂ 2016ರ ಟಿ20 ವಿಶ್ವಕಪ್ ಪಂದ್ಯಾವಳಿಗಳಲ್ಲಿ ಹ್ಯೂಬ್ಲೋಟ್ ತನ್ನ ಕೆಲವೊಂದು ಆಕರ್ಷಕ ಉತ್ಫನ್ನಗಳನ್ನು ಉಡುಗೊರೆಯಾಗಿ ನೀಡುವ ಮೂಲಕ ಐಸಿಸಿಗೆ ಸಾಥ್ ನೀಡಿತ್ತು.
ನೂತನ ಒಪ್ಪಂದದ ಪ್ರಕಾರ ಐಸಿಸಿಯ ಪ್ರಮುಖ ಪಂದ್ಯಾವಳಿಗಳ ಸೆಮಿಫೈನಲ್ ಮತ್ತು ಫೈನಲ್ ಪಂದ್ಯಾವಳಿಗಳಿಗೆ ಹ್ಯೂಬ್ಲೋಟ್ ಸಂಸ್ಥೆ ವಾಚ್'ಗಳನ್ನು ನೀಡಲಿದೆ.
ಇದರ ಜೊತೆಗೆ ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನು ಹ್ಯೂಬ್ಲೋಟ್ ಸಂಸ್ಥೆ ನೀಡಲಿದೆ.
ಐಸಿಸಿಯೊಂದಿಗೆ ಹ್ಯೂಬ್ಲೋಟ್ ಕೈ ಜೋಡಿಸಿರುವುದು ನಿಜಕ್ಕೂ ಸಂತಸದ ವಿಷಯವಾಗಿದೆ ಎಂದು ಐಸಿಸಿ ಪ್ರಧಾನ ಕಾರ್ಯದರ್ಶಿ ಡೇವಿಡ್ ರಿಚರ್ಡ್'ಸನ್ ಹೇಳಿದ್ದಾರೆ.
