ಅಮೆರಿಕದಲ್ಲಿ ತಾಯಿ, ಪತ್ನಿಯನ್ನು ಕೊಂದ ಏಷ್ಯನ್ ಪದಕ ವಿಜೇತ..!
ಕುವೈತ್‌ನಲ್ಲಿ ನಡೆದ ಏಷ್ಯನ್ ಗೇಮ್ಸ್‌ನಲ್ಲಿ ದೇಶಕ್ಕೆ ಕಂಚಿನ ಪದಕ ವಿಜೇತ ಇಕ್ಬಾಲ್ ಸಿಂಗ್ ಇದೀಗ ತಾಯಿ ಹಾಗೂ ಪತ್ನಿಯನ್ನು ಕೊಂದು ಸುದ್ದಿಯಾಗಿದ್ದಾರೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ
 )
Followವಾಷಿಂಗ್ಟನ್‌(ಆ.27): 1983ರ ಏಷ್ಯನ್ ಚಾಂಪಿಯನ್‌ಶಿಪ್‌ ಶಾಟ್‌ಪುಟ್‌ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಭಾರತದ ಮಾಜಿ ಅಥ್ಲೀಟ್‌ ಇಕ್ಬಾಲ್ ಸಿಂಗ್, ತಮ್ಮ ತಾಯಿ ನಸೀಬ್‌ ಕೌರ್‌ ಹಾಗೂ ಪತ್ನಿ ಜಸ್ಪಾಲ್‌ ಕೌರ್‌ರನ್ನು ಕೊಲೆ ಮಾಡಿ ಆಘಾತ ಮೂಡಿಸಿದ್ದಾರೆ.
ಫಿಲಿಡಾಲ್ಫಿಯಾದಲ್ಲಿ ಹಲವು ವರ್ಷಗಳಿಂದ ಟ್ಯಾಕ್ಸಿ ಚಾಲನೆ ಮಾಡಿಕೊಂಡು ಜೀವನ ನಡೆಸುತ್ತಿರುವ 62 ವರ್ಷದ ಇಕ್ಬಾಲ್, ಇಬ್ಬರನ್ನೂ ಕತ್ತು ಕೊಯ್ದು ಕೊಂದು, ತಮ್ಮ ಪುತ್ರನಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ‘ನಾನು ನಿಮ್ಮ ತಾಯಿ ಹಾಗೂ ಅಜ್ಜಿಯನ್ನು ಸಾಯಿಸಿದ್ದೇನೆ. ಪೊಲೀಸರಿಗೆ ತಿಳಿಸು’ ಎಂದು ಪುತ್ರನಿಗೆ ಇಕ್ಬಾಲ್ ಹೇಳಿದ್ದಾಗಿ ತಿಳಿದು ಬಂದಿದೆ.
ಫ್ರೀ ಹಿಟ್‌ ರೀತಿ ಫ್ರೀ ಬಾಲ್‌ ಐಡಿಯಾ ಕೊಟ್ಟ ಅಶ್ವಿನ್‌
ಪುತ್ರನ ಜೊತೆಯಲ್ಲೇ ಇದ್ದ ಪುತ್ರಿಯೊಂದಿಗೂ ಇಕ್ಬಾಲ್ ಮಾತನಾಡಿದ ನಂತರ, ಅವರಿಬ್ಬರು ಸೇರಿ ತಮ್ಮ ತಾಯಿ ಹಾಗೂ ಅಜ್ಜಿಯ ಸಾವಿನ ವಿಚಾರವನ್ನು ಸ್ಥಳೀಯ ಪೊಲೀಸರಿಗೆ ತಿಳಿಸಿದ್ದಾರೆ. ಇಕ್ಬಾಲ್‌ರ ನಿವಾಸಕ್ಕೆ ಪೊಲೀಸರು ಧಾವಿಸಿದಾಗ, ಇಬ್ಬರು ಮಹಿಳೆಯರ ಶವ ಪತ್ತೆಯಾಗಿದೆ. ಇಕ್ಬಾಲ್‌ರ ದೇಹದ ಮೇಲೆ ರಕ್ತದ ಕಲೆಗಳಿದ್ದಿದ್ದಾಗಿ ಪೊಲೀಸರು ತಿಳಿಸಿದ್ದು, ಅವರನ್ನು ವಶಕ್ಕೆ ಪಡೆಯಲಾಗಿದೆ. ಕೊಲೆಗೆ ಕಾರಣವೇನು ಎನ್ನುವುದು ಇನ್ನೂ ತಿಳಿದುಬಂದಿಲ್ಲ.
