ಪಾಕ್ ಆರಂಭಿಕರಿಂದ ವಿಶ್ವದಾಖಲೆ..! ಫಖರ್ ಜಮಾನ್ ಅಬ್ಬರದ ದ್ವಿಶತಕ
ಏಕದಿನ ಕ್ರಿಕೆಟ್’ನಲ್ಲಿ ಮೊದಲ ವಿಕೆಟ್’ಗೆ ಬರೋಬ್ಬರಿ 304 ರನ್’ಗಳ ಜತೆಯಾಟವಾಡುವ ಮೂಲಕ ಪಾಕ್ ಆರಂಭಿಕರು ಹೊಸ ವಿಶ್ವದಾಖಲೆ ನಿರ್ಮಿಸಿದ್ದಾರೆ.
ಬುಲವಾಯೊ[ಜು.20]: ಪಾಕಿಸ್ತಾನದ ಆರಂಭಿಕ ಬ್ಯಾಟ್ಸ್’ಮನ್ ಫಖರ್ ಜಮಾನ್ ಅಜೇಯ ದ್ವಿಶತಕ 210 ಹಾಗೂ ಇಮಾಮ್ ಉಲ್ ಹಕ್ 113 ಆಕರ್ಷಕ ಶತಕದ ನೆರವಿನಿಂದ ಜಿಂಬಾಬ್ವೆ ವಿರುದ್ಧ 399 ರನ್’ಗಳನ್ನು ಕಲೆ ಹಾಕುವ ಮೂಲಕ ಹಲವು ದಾಖಲೆಗಳನ್ನು ಬರೆದಿದೆ.
ಏಕದಿನ ಕ್ರಿಕೆಟ್’ನಲ್ಲಿ ಮೊದಲ ವಿಕೆಟ್’ಗೆ ಬರೋಬ್ಬರಿ 304 ರನ್’ಗಳ ಜತೆಯಾಟವಾಡುವ ಮೂಲಕ ಪಾಕ್ ಆರಂಭಿಕರು ಹೊಸ ವಿಶ್ವದಾಖಲೆ ನಿರ್ಮಿಸಿದ್ದಾರೆ. ಈ ಮೊದಲು ಮೊದಲ ವಿಕೆಟ್’ಗೆ 286 ರನ್ ಕಲೆ ಹಾಕಿದ್ದ ಶ್ರೀಲಂಕಾದ ಉಫುಲ್ ತರಂಗಾ-ಸನತ್ ಜಯಸೂರ್ಯ ಹೆಸರಿನಲ್ಲಿದ್ದ ದಾಖಲೆಯನ್ನು ಅಳಿಸಿಹಾಕಿದ್ದಾರೆ.
Pakistan's @FakharZamanLive and @imamulhaq12 have today smashed the record for the highest opening partnership in men's ODIs! 🙌 #ZIMvPAK #howzstat pic.twitter.com/lQ2txZe5ke
— ICC (@ICC) July 20, 2018
399 ರನ್ ಪಾಕಿಸ್ತಾನ ಬಾರಿಸಿದ ಗರಿಷ್ಟ ಏಕದಿನ ಸ್ಕೋರ್ ಎನಿಸಿಕೊಂಡಿದೆ.
6ನೇ ಆಟಗಾರ: ಸಚಿನ್ ತೆಂಡುಲ್ಕರ್, ವಿರೇಂದ್ರ ಸೆಹ್ವಾಗ್, ರೋಹಿತ್ ಶರ್ಮಾ, ಕ್ರಿಸ್ ಗೇಲ್ ಹಾಗೂ ಮಾರ್ಟಿನ್ ಗಪ್ಟಿಲ್ ಬಳಿಕ ಇನ್ನೂರು ರನ್ ಬಾರಿಸಿದ ಆರನೇ ಬ್ಯಾಟ್ಸ್’ಮನ್ ಎನ್ನುವ ಕೀರ್ತಿಗೆ ಜಮಾನ್ ಪಾತ್ರರಾಗಿದ್ದಾರೆ.
ಅನ್ವರ್ ದಾಖಲೆ ಉಡೀಸ್: 21 ವರ್ಷಗಳ ಕಾಲ ಸಯೀದ್ ಅನ್ವರ್ ಹೆಸರಿನಲ್ಲಿದ್ದ 194 ರನ್[ಗರಿಷ್ಟ ವಯುಕ್ತಿಕ ಸ್ಕೋರ್] ದಾಖಲೆಯನ್ನು ಜಮಾನ್ ಅಳಿಸಿ ಹಾಕಿದ್ದಾರೆ.
WHAT AN INNINGS!@FakharZamanLive hits the first ODI double century for Pakistan! 💯💯
— ICC (@ICC) July 20, 2018
He passes Saeed Anwar's previous record for Pakistan of 194!
Take a bow! 🙌 #ZIMvPAK pic.twitter.com/iQNbmAGclU
ವಿಚಿತ್ರವೆಂದರೆ ಜಮಾನ್ ಹಾಗೂ ಕ್ರಿಸ್ ಗೇಲ್ ಇಬ್ಬರು ಎಡಗೈ ಬ್ಯಾಟ್ಸ್’ಮನ್’ಗಳು ಜಿಂಬಾಬ್ವೆ ತಂಡದ ವಿರುದ್ಧವೇ ದ್ವಿಶತಕ ಸಿಡಿಸಿದ್ದಾರೆ.
ಪಾಕಿಸ್ತಾನ-ಜಿಂಬಾಬ್ವೆ ನಡುವಿನ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ ಒಂದು ವಿಕೆಟ್ ಕಳೆದುಕೊಂಡು 399 ರನ್ ಕಲೆಹಾಕಿತ್ತು. ಇದಕ್ಕುತ್ತರವಾಗಿ ಜಿಂಬಾಬ್ವೆ 155 ರನ್’ಗಳಿಗೆ ಸರ್ವಪತನ ಕಾಣುವ ಮೂಲಕ 244 ರನ್’ಗಳ ಹೀನಾಯ ಸೋಲು ಕಂಡಿದೆ.
ಸಂಕ್ಷಿಪ್ತ ಸ್ಕೋರ್:
ಪಾಕಿಸ್ತಾನ: 399/1
ಫಖರ್ ಜಮಾನ್: 201*
ಮಸಕದ್ಜಾ: 78/1
ಜಿಂಬಾಬ್ವೆ: 155/10
ಟ್ರೈಪನೋ: 44
ಶದಾಬ್ ಖಾನ್: 28/4