'ಕೈ ಬೆರಳಿಗೆ ಬಲವಾದ ಪೆಟ್ಟು ಬಿದ್ದಿದೆ. ಮುಂದಿನ ಪಂದ್ಯದ ವೇಳೆ ಸರಿ ಹೋಗುವ ವಿಶ್ವಾಸವಿದೆ' ಎಂದು ಡು ಪ್ಲೆಸಿಸ್ ಡರ್ಬನ್ ಪಂದ್ಯ ಮುಕ್ತಾಯದ ಬಳಿಕ ಹೇಳಿದ್ದರು. ಆದರೆ ಸ್ಕ್ಯಾನಿಂಗ್ ವೇಳೆ ಬೆರಳು ಮುರಿದಿರುವುದು ದೃಢಪಟ್ಟಿದ್ದು, ಸರಿಹೋಗಲು 3-6 ವಾರಗಳು ಬೇಕಾಗುತ್ತದೆ ಎಂದು ವೈಧ್ಯರು ತಿಳಿಸಿದ್ದಾರೆ. 2009ರ ಜನವರಿ ಬಳಿಕ ಇದೇ ಮೊದಲ ಬಾರಿಗೆ ಎಬಿಡಿ ಹಾಗೂ ಡು ಪ್ಲೆಸಿಸ್ ಇಲ್ಲದೇ ಆಫ್ರಿಕಾ ತಂಡ ಕಣಕ್ಕಿಳಿಯುತ್ತಿದೆ.
ಭಾರತ ವಿರುದ್ಧ 6 ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯ ಸೋತು ಹಿನ್ನಡೆ ಅನುಭವಿಸಿರುವ ದಕ್ಷಿಣ ಆಫ್ರಿಕಾಗೆ ಮತ್ತೊಂದು ಆಘಾತ ಎದುರಾಗಿದೆ. ಮೊದಲ ಪಂದ್ಯದಲ್ಲಿ ಅಮೋಘ ಶತಕ ಬಾರಿಸಿ ತಂಡಕ್ಕೆ ನೆರವಾಗಿದ್ದ ನಾಯಕ ಫಾಫ್ ಡು ಪ್ಲೆಸಿಸ್ ಬಲಗೈ ತೋರುಬೆರಳು ಮುರಿದುಕೊಂಡಿದ್ದು, ಏಕದಿನ ಹಾಗೂ ಟಿ20 ಸರಣಿಯಿಂದ ಹೊರಬಿದ್ದಿದ್ದಾರೆ. ಈಗಾಗಲೇ ಮೊದಲ 3 ಪಂದ್ಯಗಳಿಂದ ಅನುಭವಿ ಆಟಗಾರ ಎಬಿ ಡಿವಿಲಿಯರ್ಸ್ ಹೊರಬಿದ್ದಿದ್ದಾರೆ. ಹೀಗಾಗಿ ಈ ಇಬ್ಬರು ಆಟಗಾರರ ಅನುಪಸ್ಥಿತಿ ಆಫ್ರಿಕಾ ತಂಡಕ್ಕೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ.
'ಕೈ ಬೆರಳಿಗೆ ಬಲವಾದ ಪೆಟ್ಟು ಬಿದ್ದಿದೆ. ಮುಂದಿನ ಪಂದ್ಯದ ವೇಳೆ ಸರಿ ಹೋಗುವ ವಿಶ್ವಾಸವಿದೆ' ಎಂದು ಡು ಪ್ಲೆಸಿಸ್ ಡರ್ಬನ್ ಪಂದ್ಯ ಮುಕ್ತಾಯದ ಬಳಿಕ ಹೇಳಿದ್ದರು. ಆದರೆ ಸ್ಕ್ಯಾನಿಂಗ್ ವೇಳೆ ಬೆರಳು ಮುರಿದಿರುವುದು ದೃಢಪಟ್ಟಿದ್ದು, ಸರಿಹೋಗಲು 3-6 ವಾರಗಳು ಬೇಕಾಗುತ್ತದೆ ಎಂದು ವೈಧ್ಯರು ತಿಳಿಸಿದ್ದಾರೆ. 2009ರ ಜನವರಿ ಬಳಿಕ ಇದೇ ಮೊದಲ ಬಾರಿಗೆ ಎಬಿಡಿ ಹಾಗೂ ಡು ಪ್ಲೆಸಿಸ್ ಇಲ್ಲದೇ ಆಫ್ರಿಕಾ ತಂಡ ಕಣಕ್ಕಿಳಿಯುತ್ತಿದೆ.
ಮಾ.01ರಿಂದ ಆಸ್ಟ್ರೇಲಿಯಾ ವಿರುದ್ಧ ಮೊದಲ ಟೆಸ್ಟ್ ಆರಂಭವಾಗಲಿದ್ದು, ಆ ವೇಳೆಗೆ ಡು ಪ್ಲೆಸಿಸ್ ಗುಣಮುಖವಾಗುವ ವಿಶ್ವಾಸದಲ್ಲಿದ್ದಾರೆ. ಡು ಪ್ಲೆಸಿಸ್ ಬದಲಿಗೆ ಫರ್ಹಾನ್ ಬೆಹರ್ದೀನ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
