'ಧೋನಿಗೆ 80 ವರ್ಷವಾದರೂ ನನ್ನ ತಂಡದಲ್ಲಿ ಸ್ಥಾನವಿದೆ'-ಎಬಿಡಿ
ಟೀಂ ಇಂಡಿಯಾ ನಾಯಕ ಎಂ.ಎಸ್ ಧೋನಿ ಬದಲು ಯುವ ಕ್ರಿಕೆಟಿಗರಿಗೆ ಅವಕಾಶ ನೀಡಬೇಕೆ ಅನ್ನೋ ಪ್ರಶ್ನೆಗೆ ಸೌತ್ಆಫ್ರಿಕಾ ಮಾಜಿ ಕ್ರಿಕೆಟಿಗ ಎಬಿ ಡಿವಿಲಿಯರ್ಸ್ ತಕ್ಕ ಉತ್ತರ ನೀಡಿದ್ದಾರೆ. ಅಷ್ಟಕ್ಕೂ ಎಬಿಡಿ ನೀಡಿದ ಪ್ರತಿಕ್ರಿಯೆ ಹೇಗಿತ್ತು? ಇಲ್ಲಿದೆ.
ಕೇಪ್ಟೌನ್(ಅ.23): ಟೀಂ ಇಂಡಿಯಾ ಹಿರಿಯ ಕ್ರಿಕೆಟಿಗ ಎಂ.ಎಸ್ ಧೋನಿ ಕೊಡಗೆ ಏನು ಅನ್ನೋದನ್ನ ಬಿಡಿಸಿ ಹೇಳಬೇಕಾಗಿಲ್ಲ. ಸದ್ಯ ಬ್ಯಾಟಿಂಗ್ನಲ್ಲಿ ಕೊಂಚ ಹಿನ್ನಡೆ ಅನುಭವಿಸಿರುವ ಧೋನಿ ಬದಲು ಯುವ ಆಟಗಾರರಿಗೆ ಸ್ಥಾನ ನೀಡಿ ಅನ್ನೋ ಮಾತುಗಳು ಕೇಳಿಬಂದಿತ್ತು. ಇದಕ್ಕೆ ಸೌತ್ಆಫ್ರಿಕಾ ಮಾಜಿ ಕ್ರಿಕೆಟಿಗ ಎಬಿ ಡಿವಿಲಿಯರ್ಸ್ ಪ್ರತಿಕ್ರಿಯಿಸಿದ್ದಾರೆ.
ಎಂ.ಎಸ್ ಧೋನಿ ವಿಕೆಟ್ ಕೀಪಿಂಗ್ನಲ್ಲಿರೋ ವೇಗ ವಿಶ್ವದ ಯಾವ ವಿಕೆಟ್ ಕೀಪರ್ಗೂ ಇಲ್ಲ. ಧೋನಿ ಅನುಭವ, ಡಿಆರ್ಎಸ್ ಜಡ್ಜ್ಮೆಂಟ್ ಹಾಗೂ ಯುವ ಕ್ರಿಕೆಟಿಗರಿಗೆ ಮೆಂಟರ್ ಆಗಿರುವ ಧೋನಿ ತಂಡಕ್ಕೆ ಅವಶ್ಯಕತೆ ಇದೆ. ಧೋನಿಗೆ 80 ವರ್ಷವಾಗಿ, ವೀಲ್ಹ್ಚೇರ್ನಲ್ಲಿದ್ದರೂ ನಾನು ಧೋನಿಯನ್ನ ತಂಡದಲ್ಲಿ ಆಡಿಸುವೆ. ಪ್ರತಿ ವರ್ಷ ಪ್ರತಿ ಪಂದ್ಯ ಆಡಿಸುತ್ತೇನೆ ಎಂದು ಎಬಿ ಡಿವಿಲಿಯರ್ಸ್ ಹೇಳಿದ್ದಾರೆ.
ಧೋನಿ ಸ್ಥಾನ ತುಂಬಬಲ್ಲ ಮತ್ತೊಬ್ಬ ಆಟಗಾರನಿಲ್ಲ. ಇಷ್ಟೇ ಅಲ್ಲ ಸದ್ಯ ಟೀಂ ಇಂಡಿಯಾದಲ್ಲಿ ಧೋನಿ ಸ್ಥಾನಕ್ಕೆ ಸೂಕ್ತ ಆಟಗಾರರಿಲ್ಲ. ಹೀಗಾಗಿ ಧೋನಿ ಇನ್ನಷ್ಟು ದಿನ ಟೀಂ ಇಂಡಿಯಾ ಪರ ಕಣಕ್ಕಿಳಿಯಬೇಕು ಎಂದು ಎಬಿಡಿ ಹೇಳಿದ್ದಾರೆ.