ವಾರ್ನರ್ ಹೆಸರಿಗೆ ಮತ್ತೊಂದು ದಾಖಲೆ
ಈ ಮೊದಲು ಸುರೇಶ್ ರೈನಾ, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಗೌತಮ್ ಗಭೀರ್ ನಾಲ್ಕು ಸಾವಿರ ರನ್ ಪೂರೈಸಿದ್ದಾರೆ.
ಬೆಂಗಳೂರು(ಮೇ.18): ಐಪಿಎಲ್'ನಲ್ಲಿ ಅತ್ಯಂತ ಸ್ಥಿರ ಪ್ರದರ್ಶನ ನೀಡುತ್ತಾ ಬಂದಿರುವ ಆಟಗಾರರಲ್ಲಿ ಡೇವಿಡ್ ವಾರ್ನರ್ ಸಹ ಒಬ್ಬರು. ಕೋಲ್ಕತಾ ನೈಟ್ರೈಡರ್ಸ್ ವಿರುದ್ಧ ಎಲಿಮಿನೇಟರ್ ಪಂದ್ಯದಲ್ಲಿ ವಾರ್ನರ್, ಐಪಿಎಲ್'ನಲ್ಲಿ 4000 ರನ್ ಪೂರೈಸಿದರು.
ಈ ಸಾಧನೆ ಮಾಡಿದ ಒಟ್ಟಾರೆ 5ನೇ ಹಾಗೂ ಮೊದಲ ವಿದೇಶಿ ಆಟಗಾರ ಎನ್ನುವ ದಾಖಲೆಯನ್ನು ವಾರ್ನರ್ ನಿರ್ಮಿಸಿದರು. ಈ ಮೊದಲು ಸುರೇಶ್ ರೈನಾ, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಗೌತಮ್ ಗಭೀರ್ ನಾಲ್ಕು ಸಾವಿರ ರನ್ ಪೂರೈಸಿದ್ದಾರೆ.
ಮತ್ತೊಂದು ವಿಶೇಷ ಅಂದರೆ ಐವರ ಪೈಕಿ ಅತಿ ಕಡಿಮೆ ಪಂದ್ಯಗಳಲ್ಲಿ(114 ಪಂದ್ಯಗಳಲ್ಲಿ 4014) ಈ ಸಾಧನೆ ಮಾಡಿದ ಹಿರಿಮೆಗೆ ವಾರ್ನರ್ ಪಾತ್ರರಾದರು.
ಸುರೇಶ್ ರೈನಾ 161 ಪಂದ್ಯ 4540
ವಿರಾಟ್ ಕೊಹ್ಲಿ 149 ಪಂದ್ಯ 4418
ರೋಹಿತ್ ಶರ್ಮಾ 157 ಪಂದ್ಯ 4157
ಗೌತಮ್ ಗಂಭೀರ್ 147 ಪಂದ್ಯ 4088