ATP Rankings: 7 ವರ್ಷ ಬಳಿಕ ಮತ್ತೆ ಅಗ್ರ-10ರಲ್ಲಿ ಬೋಪಣ್ಣ!
ಟೆನಿಸ್ ವಿಶ್ವ ಡಬಲ್ಸ್ ರಾರಯಂಕಿಂಗ್
ಟಾಪ್ 10 ಪಟ್ಟಿಯೊಳಗೆ ಸ್ಥಾನ ಪಡೆದ ಬೋಪಣ್ಣ
ರಾಜ್ಯದ ಟೆನಿಸಿಗನಿಗೆ 9ನೇ ಸ್ಥಾನ
ಲಂಡನ್(ಮೇ.23): ಭಾರತದ ತಾರಾ ಟೆನಿಸಿಗ, ಕರ್ನಾಟಕದ ರೋಹನ್ ಬೋಪಣ್ಣ 7 ವರ್ಷಗಳ ಬಳಿಕ ಮತ್ತೆ ಪುರುಷರ ಡಬಲ್ಸ್ನ ವಿಶ್ವ ರ್ಯಾಂಕಿಂಗ್ನಲ್ಲಿ ಅಗ್ರ 10ರೊಳಗೆ ಸ್ಥಾನ ಪಡೆದಿದ್ದಾರೆ. ಸೋಮವಾರ ಪ್ರಕಟಗೊಂಡ ನೂತನ ರ್ಯಾಂಕಿಂಗ್ ಪಟ್ಟಿಯಲ್ಲಿ 43 ವರ್ಷದ ಬೋಪಣ್ಣ 9ನೇ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಇತ್ತೀಚೆಗೆ ಆಸ್ಪ್ರೇಲಿಯಾದ ಮ್ಯಾಥ್ಯೂ ಎಬ್ಡೆನ್ ಜೊತೆ ಆಡುತ್ತಿರುವ ಬೋಪಣ್ಣ, ಇಂಡಿಯಾನಾ ವೆಲ್ಸ್ ಟೂರ್ನಿಯನ್ನು ಜಯಿಸಿದ್ದರು.
ಬಾರ್ಸಿಲೋನಾ ಹಾಗೂ ಮ್ಯಾಡ್ರಿಡ್ ಓಪನ್ ಟೂರ್ನಿಗಳಲ್ಲಿ ಬೋಪಣ್ಣ-ಎಬ್ಡೆನ್ ಜೋಡಿ ರನ್ನರ್-ಅಪ್ ಆಗಿತ್ತು. ಮುಂದಿನ ವಾರ ಆರಂಭಗೊಳ್ಳಲಿರುವ ಫ್ರೆಂಚ್ ಓಪನ್ನಲ್ಲೂ ಬೋಪಣ್ಣ ಆಡಲಿದ್ದಾರೆ. 2013ರ ಜುಲೈನಲ್ಲಿ ಬೋಪಣ್ಣ 3ನೇ ಸ್ಥಾನ ಪಡೆದಿದ್ದರು. ಅದು ಅವರ ಶ್ರೇಷ್ಠ ಸಾಧನೆ ಎನಿಸಿಕೊಂಡಿದೆ.
ಭಾರತದ ಅತಿಹಿರಿಯ!
ವಿಶ್ವ ರ್ಯಾಂಕಿಂಗ್ನ ಅಗ್ರ-10ರಲ್ಲಿ ಸ್ಥಾನ ಪಡೆದ ಭಾರತದ ಅತಿಹಿರಿಯ ಟೆನಿಸಿಗ ಎನ್ನುವ ಹೆಗ್ಗಳಿಕೆಗೂ ಬೋಪಣ್ಣ ಪಾತ್ರರಾಗಿದ್ದಾರೆ. ಈ ಮೊದಲು 41 ವರ್ಷವಿದ್ದಾಗ ಲಿಯಾಂಡರ್ ಪೇಸ್ ಹಾಗೂ 39 ವರ್ಷವಾಗಿದ್ದಾಗ ಮಹೇಶ್ ಭೂಪತಿ ರಾರಯಂಕಿಂಗ್ ಪಟ್ಟಿಯಲ್ಲಿ ಅಗ್ರ-10ರಲ್ಲಿ ಸ್ಥಾನ ಪಡೆದಿದ್ದರು.
ಜಾವೆಲಿನ್: ನೀರಜ್ ವಿಶ್ವ ನಂ.1: ಅಥ್ಲೆಟಿಕ್ಸ್ನಲ್ಲಿ ಅಗ್ರಸ್ಥಾನಕ್ಕೇರಿದ ಭಾರತದ ಮೊದಲಿಗ
ನವದೆಹಲಿ: ಟೋಕಿಯೋ ಒಲಿಂಪಿಕ್ಸ್ ಚಾಂಪಿಯನ್, ಇತ್ತೀಚೆಗಷ್ಟೇ ದೋಹಾ ಡೈಮಂಡ್ ಲೀಗ್ನಲ್ಲಿ ವಿಜೇತರಾಗಿದ್ದ ಭಾರತದ ತಾರಾ ಅಥ್ಲೀಟ್ ನೀರಜ್ ಚೋಪ್ರಾ ಪುರುಷರ ಜಾವೆಲಿನ್ ವಿಶ್ವ ರ್ಯಾಂಕಿಂಗ್ನಲ್ಲಿ ನಂ.1 ಸ್ಥಾನಕ್ಕೇರಿದ್ದಾರೆ. ಒಲಿಂಪಿಕ್ಸ್ನ ಅಥ್ಲೆಟಿಕ್ಸ್ನಲ್ಲಿ ಚಿನ್ನ ಗೆದ್ದ ಭಾರತ ಮೊದಲಿಗ ಎಂಬ ಖ್ಯಾತಿ ಗಳಿಸಿದ್ದ 25 ವರ್ಷದ ನೀರಜ್ ಅಥ್ಲೆಟಿಕ್ಸ್ನ ಯಾವುದೇ ಕ್ರೀಡೆಯ ರ್ಯಾಂಕಿಂಗ್ನಲ್ಲೂ ಅಗ್ರಸ್ಥಾನಕ್ಕೇರಿದ ದೇಶದ ಮೊದಲ ಕ್ರೀಡಾಪಟು ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ.
ಸೋಮವಾರ ಪ್ರಕಟಗೊಂಡ ನೂತನ ರ್ಯಾಂಕಿಂಗ್ ಪಟ್ಟಿಯಲ್ಲಿ ನೀರಜ್ 1455 ಅಂಕಗಳನ್ನು ಸಂಪಾದಿಸಿದ್ದು, 2 ಬಾರಿ ವಿಶ್ವ ಚಾಂಪಿಯನ್ಶಿಪ್ ವಿಜೇತ, ಗ್ರೆನಡಾದ ಆ್ಯಂಡರ್ಸನ್ ಪೀಟರ್ಸ್ (1433 ಅಂಕ)ರನ್ನು ಹಿಂದಿಕ್ಕಿ ಮೊದಲ ಸ್ಥಾನ ಪಡೆದರು. ಟೋಕಿಯೋ ಒಲಿಂಪಿಕ್ಸ್ ಬೆಳ್ಳಿ ವಿಜೇತ, ಚೆಕ್ ಗಣರಾಜ್ಯದ ಜಾಕುಬ್ ವ್ಯಾಡ್ಲೆಕ್(1416) 3ನೇ ಸ್ಥಾನದಲ್ಲಿದ್ದಾರೆ.
ಜೂ.13-17 ಚೆನ್ನೈನಲ್ಲಿ ಸ್ಕ್ವ್ಯಾಶ್ ವಿಶ್ವಕಪ್ ಟೂರ್ನಿ
ಚೆನ್ನೈ: ಜೂ.13ರಿಂದ 17ರ ವರೆಗೂ ಚೆನ್ನೈನಲ್ಲಿ ಸ್ಕ್ವ್ಯಾಶ್ ವಿಶ್ವಕಪ್ ನಡೆಯಲಿದ್ದು, ಸೌರವ್ ಘೋಷಾಲ್ ಹಾಗೂ ಜೋಶ್ನಾ ಚಿನ್ನಪ್ಪ ಭಾರತದ ಸವಾಲನ್ನು ಮುನ್ನಡೆಸಲಿದ್ದಾರೆ ಎಂದು ಭಾರತೀಯ ಸ್ಕ್ವ್ಯಾಶ್ ರಾಕೆಟ್ಸ್ ಫೆಡರೇಶನ್(ಎಸ್ಆರ್ಎಫ್ಐ) ಸೋಮವಾರ ಘೋಷಿಸಿತು.
Wrestlers Protest ಮಂಪರು ಪರೀಕ್ಷೆಗೆ ನಾವೂ ಸಿದ್ದ ಆದರೆ..?: ಕುಸ್ತಿಪಟುಗಳ ಚಾಲೆಂಜ್..!
ಭಾರತ ಸೇರಿ ಒಟ್ಟು 9 ದೇಶಗಳು ಈ ಟೂರ್ನಿಯಲ್ಲಿ ಪಾಲ್ಗೊಳ್ಳಲಿದೆ. ಹಾಂಕಾಂಗ್, ಚೀನಾ, ಜಪಾನ್, ಮಲೇಷ್ಯಾ, ಈಜಿಪ್್ಟ, ದ.ಆಫ್ರಿಕಾ, ಆಸ್ಪ್ರೇಲಿಯಾ ಹಾಗೂ ಕೊಲಂಬಿಯಾದ ಆಟಗಾರರು ಸ್ಪರ್ಧಿಸಲಿದ್ದಾರೆ. ಈ ಹಿಂದೆ 2011ರಲ್ಲಿ ಚೆನ್ನೈನಲ್ಲಿ ವಿಶ್ವಕಪ್ ಆಯೋಜಿಸಲಾಗಿತ್ತು.
ಇಂದಿನಿಂದ ಮಲೇಷ್ಯಾ ಮಾಸ್ಟರ್ಸ್ ಬ್ಯಾಡ್ಮಿಂಟನ್
ಕೌಲಾಲಂಪುರ: ಇತ್ತೀಚಿನ ಸುದೀರ್ಮನ್ ಕಪ್ ಸೇರಿದಂತೆ 2023ರಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡಲು ವಿಫಲವಾಗಿರುವ ಭಾರತೀಯ ಶಟ್ಲರ್ಗಳು ಮಂಗಳವಾರದಿಂದ ಮಲೇಷ್ಯಾ ಮಾಸ್ಟರ್ಸ್ ಸೂಪರ್ 500 ಟೂರ್ನಿಯಲ್ಲಿ ಕಣಕ್ಕಿಳಿಯಲಿದ್ದು, ಸುಧಾರಿತ ಪ್ರದರ್ಶನದೊಂದಿಗೆ ಪದಕ ಬರ ನೀಗಿಸುವ ನಿರೀಕ್ಷೆಯಲ್ಲಿದ್ದಾರೆ.
ಈ ಟೂರ್ನಿಯಲ್ಲಿ ಭಾರತ ಈವರೆಗೆ 3 ಚಿನ್ನ ಗೆದ್ದಿದ್ದು, ಮೂರೂ ಕೂಡ ಮಹಿಳಾ ಸಿಂಗಲ್ಸ್ನಲ್ಲಿ ಒಲಿದಿದೆ. 2013, 2016ರಲ್ಲಿ ಪಿ.ವಿ.ಸಿಂಧು, 2017ರಲ್ಲಿ ಸೈನಾ ನೆಹ್ವಾಲ್ ಚಾಂಪಿಯನ್ ಆಗಿದ್ದರು. ಆದರೆ ಈ ಬಾರಿ ಸೈನಾ ಆಡುತ್ತಿಲ್ಲ. ಸಿಂಧು ಜೊತೆ ಆಕರ್ಷಿ ಕಶ್ಯಪ್ ಮಹಿಳಾ ಸಿಂಗಲ್ಸ್ನಲ್ಲಿ, ಪ್ರಣಯ್, ಲಕ್ಷ್ಯ ಸೇನ್, ಶ್ರೀಕಾಂತ್ ಪುರುಷ ಸಿಂಗಲ್ಸ್ನಲ್ಲಿ ಕಣಕ್ಕಿಳಿಯಲಿದ್ದಾರೆ. ಡಬಲ್ಸ್ನ ಯಾವುದೇ ವಿಭಾಗದಲ್ಲೂ ಭಾರತೀಯರು ಸ್ಪರ್ಧಿಸುತ್ತಿಲ್ಲ.