Wrestlers Protest ಮಂಪರು ಪರೀಕ್ಷೆಗೆ ನಾವೂ ಸಿದ್ದ ಆದರೆ..?: ಕುಸ್ತಿಪಟುಗಳ ಚಾಲೆಂಜ್‌..!
ಬ್ರಿಜ್ಭೂಷಣ್ ವಿರುದ್ದ ಮುಂದುವರೆದ ಕುಸ್ತಿಪಟುಗಳ ಪ್ರತಿಭಟನೆ
ಕುಸ್ತಿಪಟುಗಳೂ ಮಂಪರು ಪರೀಕ್ಷೆಗೆ ಸಿದ್ಧವೆಂದ ಕುಸ್ತಿಪಟುಗಳು
ಈ ಮೊದಲು ತಾವು ಮಂಪರು ಪರೀಕ್ಷೆಗೆ ರೆಡಿ ಎಂದಿದ್ದ ಬ್ರಿಜ್ಭೂಷಣ್
 )
Followನವದೆಹಲಿ(ಮೇ.23): ಭಾರತೀಯ ಕುಸ್ತಿ ಫೆಡರೇಶನ್‌(ಡಬ್ಲ್ಯುಎಫ್‌ಐ) ಅಧ್ಯಕ್ಷ ಬ್ರಿಜ್ಭೂಷಣ್ ಸಿಂಗ್ ಹಾಗೂ ದೇಶದ ಅಗ್ರ ಕುಸ್ತಿಪಟುಗಳ ನಡುವಿನ ಸಂಘರ್ಷ ಮತ್ತೊಂದು ಹಂತ ತಲುಪುವ ಲಕ್ಷಣಗಳು ಕಂಡುಬರುತ್ತಿದ್ದು, ಬ್ರಿಜ್ಭೂಷಣ್ ಬಳಿಕ ಕುಸ್ತಿಪಟುಗಳೂ ಮಂಪರು ಪರೀಕ್ಷೆಗೆ ಸಿದ್ಧ ಎಂದಿದ್ದಾರೆ.
ಇತ್ತೀಚೆಗೆ ಕುಸ್ತಿಪಟು ಸಾಕ್ಷಿ ಮಲಿಕ್‌, ತಮ್ಮ ಮೇಲಿನ ಆರೋಪಗಳನ್ನು ನಿರಾಕರಿಸುತ್ತಿರುವ ಬ್ರಿಜ್‌ ಮಂಪರು ಪರೀಕ್ಷೆಗೆ ಒಳಗಾಗಲಿ ಎಂದು ಸವಾಲು ಹಾಕಿದ್ದರು. ಭಾನುವಾರ ಈ ಸವಾಲನ್ನು ಸ್ವೀಕರಿಸಿದ್ದ ಬ್ರಿಜ್‌, ಕುಸ್ತಿಪಟುಗಳು ಪರೀಕ್ಷೆಗೆ ಒಳಗಾಗುವುದಾದರೆ ನಾನು ಕೂಡಾ ಸಿದ್ಧ ಎಂದಿದ್ದರು. ಸೋಮವಾರ ಬ್ರಿಜ್‌ರ ಸವಾಲಿಗೆ ಉತ್ತರಿಸಿರುವ ಕುಸ್ತಿಪಟು ಭಜರಂಗ್‌ ಪೂನಿಯಾ, ಮಂಪರು ಪರೀಕ್ಷೆಗೆ ನಮ್ಮ ಜೊತೆಗೆ ದೂರು ನೀಡಿದ ಎಲ್ಲಾ ಕುಸ್ತಿಪಟುಗಳು ಸಿದ್ಧರಿದ್ದಾರೆ ಎಂದು ತಿಳಿಸಿದ್ದಾರೆ.
‘ಸುಪ್ರೀಂಕೋರ್ಚ್‌ ಮೇಲ್ವಿಚಾರಣೆಯಲ್ಲಿ ಬ್ರಿಜ್‌ರ ಮಂಪರು ಪರೀಕ್ಷೆ ನಡೆಯಲಿ. ರಾಷ್ಟ್ರೀಯ ಮಾಧ್ಯಮಗಳಲ್ಲಿ ಇದರ ನೇರಪ್ರಸಾರ ಮಾಡಲಿ. ಅವರಿಗೆ ಯಾವ ಪ್ರಶ್ನೆಗಳನ್ನು ಕೇಳಲಾಗುತ್ತಿದೆ ಎಂಬುದು ನಮಗೂ ಗೊತ್ತಾಗಬೇಕು’ ಎಂದು ಹೇಳಿದ್ದಾರೆ.
ಮಂಪರು ಪರೀಕ್ಷೆಗೆ ಸಿದ್ಧ: ಬ್ರಿಜ್ಭೂಷಣ್!
ತಮ್ಮ ವಿರುದ್ಧದ ಆರೋಪಗಳನ್ನು ನಿರಾಕರಿಸುತ್ತಿರುವ ಬ್ರಿಜ್ಭೂಷಣ್ ಮಂಪರು ಪರೀಕ್ಷೆಗೆ ಒಳಗಾಗಲಿ ಎಂಬ ಕುಸ್ತಿಪಟುಗಳ ಸವಾಲನ್ನು ಡಬ್ಲ್ಯುಎಫ್‌ಐ ಅಧ್ಯಕ್ಷ ಬ್ರಿಜ್ಭೂಷಣ್ ಸಿಂಗ್ ಸ್ವೀಕರಿಸಿದ್ದು, ಮಂಪರು ಪರೀಕ್ಷೆಗೆ ಸಿದ್ಧ ಎಂದಿದ್ದಾರೆ. ‘ನನ್ನ ಜೊತೆ ಭಜರಂಗ್‌ ಪೂನಿಯಾ, ವಿನೇಶ್‌ ಫೋಗಾಟ್‌ ಕೂಡಾ ಮಂಪರು ಪರೀಕ್ಷೆಗೆ ಒಳಗಾಗಬೇಕು. ಅವರು ಮಂಪರು ಪರೀಕ್ಷೆಗೆ ಸಿದ್ಧವಿದ್ದರೆ ನಾನು ಪತ್ರಿಕಾಗೋಷ್ಠಿ ಮೂಲಕ ಇದನ್ನು ಘೋಷಿಸುತ್ತೇನೆ’ ಎಂದು ಬ್ರಿಜ್ಭೂಷಣ್ ತಮ್ಮ ಫೇಸ್ಬುಕ್‌ ಖಾತೆಯಲ್ಲಿ ಬರೆದಿದ್ದಾರೆ.
Wrestlers Protest ಮಂಪರು ಪರೀಕ್ಷೆಗೆ ಸಿದ್ದ ಆದರೆ ಒಂದು ಕಂಡೀಷನ್‌: ಬ್ರಿಜ್ಭೂಷಣ್ ಸಿಂಗ್
ಇಂದು ಮೇಣದ ಬತ್ತಿ ಪ್ರತಿಭಟನೆ
ಜಂತರ್‌ಮಂತರ್‌ನಲ್ಲಿ (Jantar-Mantar) ನಡೆಯುತ್ತಿರುವ ಪ್ರತಿಭಟನೆ ಒಂದು ತಿಂಗಳು ಪೂರ್ಣಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಮಂಗಳವಾರ ಕುಸ್ತಿಪಟುಗಳು ಇಂಡಿಯಾ ಗೇಟ್‌ಗೆ ಮೇಣದ ಬತ್ತಿ ಮೆರವಣಿಗೆ ನಡೆಸಲಿದ್ದಾರೆ. ಏಪ್ರಿಲ್ 23ರಂದು ಪ್ರತಿಭಟನೆ ಆರಂಭಗೊಂಡಿತ್ತು.
ವಿಶ್ವ ಟಿಟಿ: ಪ್ರಿ ಕ್ವಾರ್ಟರ್‌ ಪ್ರವೇಶಿಸಿದ ಸತ್ಯನ್‌ ಜೋಡಿ
ಡರ್ಬನ್‌: ಭಾರತದ ಜಿ. ಸತ್ಯನ್‌ ಇಲ್ಲಿ ನಡೆಯುತ್ತಿರುವ ವಿಶ್ವ ಟೇಬಲ್‌ ಟೆನಿಸ್‌ ಚಾಂಪಿಯನ್‌ಶಿಪ್‌ನ ಪುರುಷರ ಹಾಗೂ ಮಿಶ್ರ ಡಬಲ್ಸ್‌ನಲ್ಲಿ ತಮ್ಮ ಜೊತೆಗಾರರ ಜೊತೆ ಪ್ರಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ. ಪುರುಷರ ಡಬಲ್ಸ್‌ನಲ್ಲಿ ಶರತ್‌ ಕಮಲ್‌-ಸತ್ಯನ್‌ ಜೋಡಿಯು ಅಂತಿಮ 32ರ ಸುತ್ತಿನಲ್ಲಿ ಹಂಗೇರಿಯ ಬೆನ್ಸ್‌ ಮೊಜೊರೊಸ್‌ ಹಾಗೂ ಡೆನ್ಮಾರ್ಕ್ನಮ ಆ್ಯಂಡರ್‍ಸ್ ಲಿಂಡ್‌ ಜೋಡಿ ವಿರುದ್ಧ 3-0ಯಲ್ಲಿ ಜಯಿಸಿತು. ಮಿಶ್ರ ಡಬಲ್ಸ್‌ನಲ್ಲಿ ಸತ್ಯನ್‌ ಹಾಗೂ ಮನಿಕಾ ಬಾತ್ರಾ ಜೋಡಿ ಬ್ರೆಜಿಲ್‌ನ ಎರಿಕ್‌ ಜೌಟಿ ಹಾಗೂ ಲುಕಾಕುಮಹಾರಾ ವಿರುದ್ಧ 3-1ರ ಅಂತರದಲ್ಲಿ ಜಯಿಸಿ ಮುನ್ನಡೆಯಿತು. ಇದೇ ವೇಳೆ ಸಿಂಗಲ್ಸ್‌ ವಿಭಾಗದ 2ನೇ ಸುತ್ತಿನಲ್ಲಿ ಶರತ್‌ ಕಮಲ್‌ ಕೊರಿಯಾದ ಲೀ ಸಾಂಗ್‌ ವಿರುದ್ಧ ಸೋಲುಂಡರು. ಮಹಿಳಾ ಸಿಂಗಲ್ಸ್‌ನಲ್ಲಿ ಶ್ರೀಜಾ ಅಕುಲಾ ಸಹ ಸೋತು ಹೊರಬಿದ್ದರು.
ಜೂನ್ 22ರಿಂದ ಐಪಿಎಲ್‌ ರೀತಿ ಟೇಕ್ವಾಂಡೋ ಲೀಗ್‌!
ಹೈದರಾಬಾದ್‌: ಐಪಿಎಲ್‌ ರೀತಿ ಇದೀಗ ಟೇಕ್ವಾಂಡೋ ಪ್ರೀಮಿಯರ್‌ ಲೀಗ್‌(ಟಿಪಿಎಲ್‌) ಕೂಡ ಶುರುವಾಗಲಿದ್ದು, ಜೂನ್ 22ರಿಂದ 26ರ ವರೆಗೂ ನವದೆಹಲಿಯ ಟಾಲ್ಕಟೋರಾ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಟೂರ್ನಿಯಲ್ಲಿ 8 ತಂಡಗಳು ಇರಲಿದ್ದು, ಬೆಂಗಳೂರು, ಹರಾರ‍ಯಣ, ಮಹಾರಾಷ್ಟ್ರ, ಅಸ್ಸಾಂ, ಹೈದರಾಬಾದ್‌, ಚೆನ್ನೈ, ಗುಜರಾತ್‌ ಹಾಗೂ ಡೆಲ್ಲಿಯನ್ನು ಪ್ರತಿನಿಧಿಸಲಿವೆ. ಪ್ರತಿ ತಂಡದಲ್ಲಿ 5 ಆಟಗಾರರು ಇರಲಿದ್ದಾರೆ. ಸ್ಪರ್ಧೆಯು ವೇಗ ಹಾಗೂ ರೋಚಕವಾಗಿರಲಿ ಎನ್ನುವ ಉದ್ದೇಶದಿಂದ ಸ್ಪರ್ಧಾಳುಗಳನ್ನು 58.1-67.9 ಕೆ.ಜಿ. ವಿಭಾಗಗಳಿಗೆ ಸೀಮಿತಗೊಳಿಸಲಾಗಿದೆ.
