ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಭಾರತ ಪದಕ ಹೋರಾಟ ಮುಂದುವರಿಸಿದೆ. ಅಥ್ಲೆಟಿಕ್ಸ್ ವಿಭಾಗದಲ್ಲಿ ಮತ್ತೆ ಪದಕ ಸಂಪಾದಿಸಿದೆ. 11ನೇ ಭಾರತದ ಪ್ರದರ್ಶನ ಹೇಗಿದೆ? ಗೆದ್ದ ಪದಕಗಳ ಸಂಖ್ಯೆ ಎಷ್ಟು?ಇಲ್ಲಿದೆ.
ಜಕರ್ತಾ(ಆ.29): ಏಷ್ಯನ್ ಗೇಮ್ಸ್ ಕ್ರೀಡಾಕೂಟದ 11ನೇ ದಿನ ಭಾರತದ ಕ್ರೀಡಾಪಟುಗಳು ಪದಕ ಬಾಚಿಕೊಳ್ಳಲು ತುದಿಗಾಲಲ್ಲಿ ನಿಂತಿದ್ದಾರೆ. 100 ಮೀಟರ್ ಓಟದಲ್ಲಿ ಬೆಳ್ಳಿ ಗೆದ್ದಿದ್ದ ದ್ಯುತಿ ಚಾಂದ್ ಇದೀಗ 200 ಮೀಟರ್ ಓಟದಲ್ಲೂ ಬೆಳ್ಳಿ ಪದಕ ಗೆದ್ದಿದ್ದಾರೆ.
Add Asianetnews Kannada as a Preferred Source
100 ಮೀಟರ್ ಓಟವನ್ನ 11.43 ಸೆಕುಂಡ್ಗಳಲ್ಲಿ ಪೂರೈಸಿ ಬೆಳ್ಳಿ ಪದಕ ಗೆದ್ದ ದ್ಯುತಿ ಚಾಂದ್, ಇದೀಗ 200 ಮೀಟರ್ ಓಟವನ್ನ 23.20 ಸೆಕುಂಡ್ಗಳಲ್ಲಿ ಪೂರೈಸಿದ್ದಾರೆ. ಈ ಮೂಲಕ ಬೆಳ್ಳಿ ಪದಕ ಗೆದ್ದಿದ್ದಾರೆ.ಮೊದಲ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ 2 ಬೆಳ್ಳಿ ಪದಕ ಗೆಲ್ಲೋ ಮೂಲಕ ದ್ಯುತಿ ಚಾಂದ್ ದಾಖಲೆ ಬರೆದಿದ್ದಾರೆ.
Scroll to load tweet…
ಇದೀಗ ಭಾರತ ಪದಕ ಪಟ್ಟಿಯಲ್ಲಿ 9ನೇ ಸ್ಥಾನ ಅಲಂಕರಿಸಿದೆ. 9 ಚಿನ್ನ, 20 ಬೆಳ್ಳಿ ಹಾಗೂ 23 ಕಂಚಿನೊಂದಿಗೆ ಭಾರತ ಒಟ್ಟು 52 ಪದಕ ಗೆದ್ದುಕೊಂಡಿದೆ. ಮೊದಲ ಸ್ಥಾನದಲ್ಲಿರುವ ಚೀನಾ 101 ಚಿನ್ನ, 65 ಬೆಳ್ಳಿ ಹಾಗೂ 49 ಕಂಚಿನೊಂದಿಗೆ ಒಟ್ಟು 215 ಪದಕ ಗೆದ್ದುಕೊಂಡಿದೆ.
