ಆರ್ಚರಿ ವಿಶ್ವಕಪ್: ಮೊದಲ ಸುತ್ತಲ್ಲಿ ಹೊರಬಿದ್ದ ದೀಪಿಕಾ
ಕಳೆದ ವರ್ಷದ ಒಲಿಂಪಿಕ್ಸ್ ಪ್ರೀ ಕ್ವಾರ್ಟರ್‌'ಫೈನಲ್'ನಲ್ಲಿ ದೀಪಿಕಾ ಅವರನ್ನು ತೈವಾನ್'ನ ಆರ್ಚರಿ ಪಟು ತಾನ್ ಯ ಟಿಂಗ್ ಸೋಲುಣಿಸಿದ್ದರು.
ರೋಮ್(ಸೆ.03): ನಾಲ್ಕು ಬಾರಿ ಬೆಳ್ಳಿ ಪದಕ ವಿಜೇತೆ ಭಾರತದ ದೀಪಿಕಾ ಕುಮಾರಿ, ಆರ್ಚರಿ ವಿಶ್ವಕಪ್ ಫೈನಲ್'ನ ಮೊದಲ ಸುತ್ತಿನಲ್ಲಿ ತೈವಾನ್'ನ ತಾನ್ ಯ ಟಿಂಗ್ ಎದುರು ನೇರ ಸೆಟ್‌'ಗಳಲ್ಲಿ ಸೋಲು ಕಂಡು ಚಾಂಪಿಯನ್‌'ಶಿಪ್‌'ನಿಂದ ಹೊರಬಿದ್ದಿದ್ದಾರೆ.
ಇಂದು ನಡೆದ ಮಹಿಳೆಯರ ಮೊದಲ ಸುತ್ತಿನ ಸ್ಪರ್ಧೆಯಲ್ಲಿ ಮಾಜಿ ವಿಶ್ವ ನಂ.1 ಆರ್ಚರಿ ಪಟು ದೀಪಿಕಾ 0-6 ರಿಂದ ತೈವಾನ್ ಆಟಗಾರ್ತಿ ಎದುರು ಪರಾಭವ ಹೊಂದಿದರು.
ಪ್ರಸಕ್ತ ವರ್ಷದಲ್ಲಿ ನಡೆದಿದ್ದ 4 ಆರ್ಚರಿ ವಿಶ್ವಕಪ್'ನಲ್ಲಿ ದೀಪಿಕಾ ಎರಡು ಬಾರಿ ಕ್ವಾರ್ಟರ್‌'ಫೈನಲ್ ಹಂತಕ್ಕೇರಿದ್ದರು.
ಕಳೆದ ವರ್ಷದ ಒಲಿಂಪಿಕ್ಸ್ ಪ್ರೀ ಕ್ವಾರ್ಟರ್‌'ಫೈನಲ್'ನಲ್ಲಿ ದೀಪಿಕಾ ಅವರನ್ನು ತೈವಾನ್'ನ ಆರ್ಚರಿ ಪಟು ತಾನ್ ಯ ಟಿಂಗ್ ಸೋಲುಣಿಸಿದ್ದರು.
Last Updated Apr 11, 2018, 12:43 PM IST
