ಟೆಸ್ಟ್ ಪದಾರ್ಪಣೆ ಪಂದ್ಯದಲ್ಲೇ ವಿಶ್ವ ದಾಖಲೆ ಬರೆದ ಆ್ಯರೋನ್ ಫಿಂಚ್..!
ದುಬೈನಲ್ಲಿ ಆರಂಭವಾಗಿರುವ ಆಸ್ಟ್ರೇಲಿಯಾ-ಪಾಕಿಸ್ತಾನ ನಡುವಿನ ಟೆಸ್ಟ್ ಪಂದ್ಯದಲ್ಲಿ ಫಿಂಚ್ ಕೊನೆಗೂ ಟೆಸ್ಟ್ ಕ್ರಿಕೆಟ್’ಗೆ ಪದಾರ್ಪಣೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. 2012ರಲ್ಲಿ ಆಸ್ಟ್ರೇಲಿಯಾ ಪರ ಟಿ20 ಕ್ರಿಕೆಟ್’ಗೆ ಪದಾರ್ಪಣೆ ಮಾಡಿದ ಫಿಂಚ್, ಅದಾಗಿ 2 ವರ್ಷಗಳ ಬಳಿಕ ಮೆಲ್ಬೋರ್ನ್’ನಲ್ಲಿ ಏಕದಿನ ಕ್ರಿಕೆಟ್’ಗೆ ಪದಾರ್ಪಣೆ ಮಾಡಿದರು.
ದುಬೈ[ಅ.07]: ಆಸ್ಟ್ರೇಲಿಯಾ ಕ್ರಿಕೆಟ್’ನ ಸೀಮಿತ ಓವರ್’ಗಳ ತಂಡದ ಸ್ಫೋಟಕ ಆರಂಭಿಕ ಬ್ಯಾಟ್ಸ್’ಮನ್ ಆ್ಯರೋನ್ ಫಿಂಚ್ ಪಾಕಿಸ್ತಾನ ವಿರುದ್ಧ ಟೆಸ್ಟ್ ಕ್ರಿಕೆಟ್’ಗೆ ಪದಾರ್ಪಣೆ ಮಾಡುವುದರೊಂದಿಗೆ ಬಹುದಿನದ ಕನಸೊಂದನ್ನು ನನಸಾಗಿಸಿಕೊಂಡಿದ್ದಾರೆ.
ದುಬೈನಲ್ಲಿ ಆರಂಭವಾಗಿರುವ ಆಸ್ಟ್ರೇಲಿಯಾ-ಪಾಕಿಸ್ತಾನ ನಡುವಿನ ಟೆಸ್ಟ್ ಪಂದ್ಯದಲ್ಲಿ ಫಿಂಚ್ ಕೊನೆಗೂ ಟೆಸ್ಟ್ ಕ್ರಿಕೆಟ್’ಗೆ ಪದಾರ್ಪಣೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. 2012ರಲ್ಲಿ ಆಸ್ಟ್ರೇಲಿಯಾ ಪರ ಟಿ20 ಕ್ರಿಕೆಟ್’ಗೆ ಪದಾರ್ಪಣೆ ಮಾಡಿದ ಫಿಂಚ್, ಅದಾಗಿ 2 ವರ್ಷಗಳ ಬಳಿಕ ಮೆಲ್ಬೋರ್ನ್’ನಲ್ಲಿ ಏಕದಿನ ಕ್ರಿಕೆಟ್’ಗೆ ಪದಾರ್ಪಣೆ ಮಾಡಿದರು. 93 ಏಕದಿನ ಪಂದ್ಯಗಳನ್ನು ಆಡಿದ ಬಳಿಕ ಇದೀಗ ಟೆಸ್ಟ್ ಪಂದ್ಯವಾಡುತ್ತಿದ್ದಾರೆ. ಈ ಮೂಲಕ ಆ್ಯಂಡ್ರೋ ಸೈಮಂಡ್ಸ್[94 ಪಂದ್ಯ] ಅತಿ ಹೆಚ್ಚು ಏಕದಿನ ಪಂದ್ಯಗಳನ್ನಾಡಿದ ನಂತರ ಟೆಸ್ಟ್ ಕ್ರಿಕೆಟ್’ಗೆ ಪದಾರ್ಪಣೆ ಮಾಡಿದ ಕ್ರಿಕೆಟಿಗ ಎನ್ನುವ ಖ್ಯಾತಿಗೆ ಫಿಂಚ್ ಪಾತ್ರರಾಗಿದ್ದಾರೆ.
ಪದಾರ್ಪಣೆ ಪಂದ್ಯದಲ್ಲಿ ವಿಶ್ವದಾಖಲೆ:
ಆ್ಯರೋನ್ ಫಿಂಚ್ ಅಂತರಾಷ್ರೀಯ ಕ್ರಿಕೆಟ್’ನಲ್ಲಿ 4957 ರನ್ ಬಾರಿಸಿದ್ದು, 5 ಸಾವಿರ ರನ್ ಪೂರೈಸಲು ಕೇವಲ 53 ರನ್’ಗಳ ಅವಶ್ಯಕತೆಯಿದೆ. ಈ ಮೂಲಕ ಟೆಸ್ಟ್ ಪದಾರ್ಪಣೆಗೂ ಮುನ್ನ ಸೀಮಿತ ಓವರ್’ಗಳ ಕ್ರಿಕೆಟ್’ನಲ್ಲಿ ಗರಿಷ್ಠ ರನ್ ಪೂರೈಸಿದ ಮೊದಲ ಕ್ರಿಕೆಟಿಗ ಎನ್ನುವ ವಿಶ್ವದಾಖಲೆ ಇದೀಗ ಫಿಂಚ್ ಪಾಲಾಗಿದೆ.
ಟೆಸ್ಟ್ ಪದಾರ್ಪಣೆಗೂ ಮುನ್ನ ಅಂತರಾಷ್ಟ್ರೀಯ ಕ್ರಿಕೆಟ್’ನಲ್ಲಿ ಗರಿಷ್ಠ ರನ್ ಬಾರಿಸಿದ ಆಟಗಾರರಿವರು
ಆ್ಯರೋನ್ ಫಿಂಚ್-ಆಸ್ಟ್ರೇಲಿಯಾ-4957 ರನ್
ವಿಲಿಯಂ ಫೋರ್ಟ್’ಫೀಲ್ಡ್-ಐರ್ಲೆಂಡ್-4694 ರನ್
ಪೌಲ್ ಸ್ಟೈರ್ಲಿಂಗ್-ಐರ್ಲೆಂಡ್-4270 ರನ್
ಮೊಹಮ್ಮದ್ ಶೆಹಜಾದ್-ಆಫ್ಘಾನಿಸ್ತಾನ-4270 ರನ್
ಕೆವಿನ್ ಓ’ಬ್ರಿಯಾನ್-ಐರ್ಲೆಂಡ್-3828 ರನ್
